السلام عليكم حبايبي شلونكم االله يسهل على كل حامل يا رب و يرزق كل وحده الذريه الصالحه
اول شي بقولكم قصه ولادتي في ابني حسين الله يخليه لي يا رب انا ولدته من زمان كانت ولادته 9-11-2006 و بكري و اول ولاده
الله يسلمكم انا ولدت قبل موعدي ما كنت متوقعه ابد اني بولد قبل الموعد بس زوجي من الثامن بدى يخليتي امشي كان ياخذني على البحر نمشي 15 باليوم تخيلو والله ينهد حيلي يقولي ابيك تولدين مستعيل ابو الشباب :arb: من دخلت التاسع يقولي ها مافي شي مافي شي يالله متى تولدين و انا بطني لو تشوفونه ما تقولون حامل ماشالله تبارك الرحمن كان مو كبير وايد يعني تعطيني بالسابع بس ولا بالسادس كنت ابيه يكبر مافي ما كبر وايد كانو يقولون لان بكريه ما يكبر البطن وايد والله اعلم
المهم خل نكمل :) قصه ولادتي كانت مضحكه كل ما اذكر اضحك من دخلت التاسع كان يجيني الم مثل الدوره و قالو طبيعي لان بوادر ولاده الوحده تحس فيها من تدخل التاسع حتى ما لحقت اراجه كل اسبوع بالتاسع راجعت بس اسبوعين و لدت المهم يوم الولاده صحينا انا و زوجي من النوم الساعه 11 الصبح قالي ها مافي شي قتله لا ليش مستعيل متى ما ربي كتب بولد قالي انا بروح الكليه زوجي كان يدرس عنده محاظره قالي تبين اوصلك بيتكم (بيت اهلي) قتله اي احسن ما ابي اجلس بالبيت بروحي و كنت احس اب الم خفييييييييف عادي بالظهر ما خفت ولا توقعدن انها ولاده قالي يالله لبسي عشان يوصلني قتله خلاص نزلت من السرير و رحت دخلت الحمام غسلت و لبست عباتي و طلعنا وصلت بيت اهلي 12 12 و ربع جذي الظهر يومها بالمدارس خواني انا عندي اختين و 3 خوان بس عندي اخين يدرسون بره مو موجودين و عمتي اخت ابوي الله يخليها لي كانت نايمه في بيتنا اهيا مو متزوجه و دايم تجي عندنا بين فتره و فتره عمتي هذي حيييييييل متعوده عليها و مثل اختي و اكثر اهيا اكبر مني و كانت معاي من شهري الخامس و اهيا تنام عندنا و من اروح بيتنا موجوده و جهزت معاها اغراض النونو و كل شي المهم خل نكمل وصلت بيتنا بيت ابوي خواتي بالمدرسه انا اكبر وحده بخواني و عمتي كانت نايمه و امي في الدوام و ابوي طالع مافي احد بالبيت بس عمتي و الخدامه وصلت نايمه ما تدري اني بجي دشيت عليها الدار قعدت قالتلي ها جيتي قتلها اي وصلني زوجي و راح الكليه قالت زييييييييييين عاد وصلت فصخت عباتي و خذيت دراعه من عند امي لبستها :42: عشان اخذ راحتي في بيتنا و جلسنا نسولف عاد وصلو خواتي من المدرسه و امي وصلت و ابوي صار وقت غدا رحنا تغدينا يومها كليت سمبوسه ههههههههههه : و ما اذكر بعد شنو بس يوها شربت عصير اناناس كي دي دي شربت و تغدينا الحمدالله نزلنا تحت امي راحت تنام شوي العصر قعدنا انا و خواتي و عمتي بالدار نسولف نسولف و يومها كان اربعاء يعني بكره ويك اند عطله و خواتي يالله متى تولدين متى بكره اجازه اولدي اول بيبي لهم اول حفيذ و مستانسين يبوني اولد يقولولي ما تحسين بشي قتلهم لا ابد عادي ريضه انا بعد يبيلي اسبوعين 10 ايام هههههههههههه الاخت ثقه ما تدري انها راح تولد اليوم !
عاد جلسنا نسولف و اذكر ضحكنا ضحك ماشالله و نضحك نضحك عاد امي الله يخليها لي قعدت من النوم رحنا الصاله (المجلس) قعدنا كلينا رماااااااااااااان :) و زوجي اتصل فيني قالي ها مافي شي ههههههههههههه قتله لا توني ما خلصت التاسع و البكر يقولون يطول قالي لااااااا خلص كليه و يومها كان اربعاء كل اربعاء زوجي يروح بيت خالي يتجمعون عيال خالي و خالاتي يجلسون ليه الليل 2 3 قتله لا تمرني خلك انا بقعد في بيتنا انت روح و مرلي في الليل من تخلص قال اوكي عاد يومها كنت بروح اشتري ترمس مطاره ماء حق البيبي حق النفاس كنت مو مخلصه كل تجهيزاتي واثقه اني ما راح اولد عاد امي قالت خلاص خل نروح صلينا المغرب و رحنا السوق انا و عمتي و امي و خواتي الثنتين رحنا سوق اسمه سوق الميره المركزي ما تعرفونه ممكن لان بالكويت
رحنا و اهني بده الطلق اخخخخخخخخخخخخخخخخخخخخخخخخخخخخخخخخخخخخ تخيلو بالسوق رحنا عند المواعين ادور و اختار مع امي تقولي يالله هذي زينه و اخذيها انا وقفت في مكاني جاني عواااااااااااااااااااااااااااااااااااااااااااار ماني عارفه شسوي تخيلو في السووووووووووووووووووق ! امي تقولي شفيج قتلها مادري عوار شكله بوادر ولاده كل شوي اقولها بوادر ولاده تضحك تقولي لا انتي بعد يبيلج تو الناس واثقه بعد امي تقول بكر يطول قلت خير ****لله عادي راح العوار قعدت ادور و ادور تسوقنا شوي و اييني العوار مره ثانيه اااااااخ يمه والله ماني مصدقه اقول هذا الطلق الي يقولون عنه ههههههههههههه شكله مو سهل اختي تقةلي وناسه بتولدين يا رب يا رب بكره عطله ههههههههه اولدي يالله كان التاريخ 8-11-2006 بالليل قتله الله يعلم متى بولد المهم ركبنا السياره وجهي يقول ولاده امي تقولي جنج بتسوينها و تولدين قتلها مادري و اييني العواااااااااااااار بعد اقول يما يعووووووووووووووور اخخخخخخخخخخخخ بالظهر و البطن (:( و انا كلش ما توقعت جذي الطلق قالت لي اوديج المستشفى قتلها لا لا بعد ننطر يمكن مو ولاده عادي المهم امي تقةلي بالسياره خل نحسب كل شكثر تجي طلقه المهم على الحساب كل 10 دقايق امي تقول اذا مستمر يعني ولاده قتلها لا لا مابي خل نكمل طلعتنا ههههه ابي اطلع بعدي مابي اولد واثقه انهه مو ولاده قالت خلاص المهم وين نروح وين صار الساعه 10 و نص في الليل خواتي و عمتي يبون مطعم جاعوا :) قلنا اوكي المهم امي قالت خل نروح مطعم قريب من المستشفى احسن قالت امي خل نغذيكي قبل الولاده ههههههههه عاد وصلنا المطعم تخيلو يجيني طلقققققققققققققققققققققققق و انا وجهي يقلب الوان يا ربي شسوي كل 15 ساعه يجي طلبنا اكل امي وكلتني كباب و عصيبر برتقال و تبوله :42: و انا اكل مستانسه و من يجي الطلق مو مصدقه اهد الاكل عاد اهما مستانسين يالله اولدي عاد بسرعه قتلهم ماني قادره بروح المستشفى زاد العوار امي قالت لا تتصلين في زوجج نطري لان المستشفى الي كنت اراجع فيه و اولد فيه يمنا قريييييييييييييييب حيل دشينا و انا فيني عوار سالت على دكتورتي قالو مو موجوده ما تيي اليوم قلت مو مشكله اي دكتوره خل تكشف علي تشوف شو فيني المهم دخلوني على دكتوره هنديه زينه و طيوبه كان فيه جم حاله قبلي دخلت عشان الكشف تخيلو لقيت ماء طايح مال ولاده انا اهني خفتتتتتتتتتتتتتتتتتتتتتتت عاد الدكتوره قالت الغرفه الثانيه بسرعه اناذر روم كوكلي كشفت و انا اهني خايفه اول مره بكشف داخلي و من كلام البنات يعور و يعور خفتتتتتتتتتتتتتتتتتتتتتتتت و بكيييييييييييييييييت تخيلو و عمتي تسكتني لا تبكين عادي و امي خايفه علي كشفت قالن 1 و نص 2 جذي قالت ولاده احتمال تولدين اليوم روحي البيت و اذا زاد العوار رجعي انا اهني مت خوووووووووووووووووووووووف قلت يمه شكله صج بولد و ابكي و يسكتوني و عوار يروح و يرد المهم امي قالت لي روحي البيت تسبحي و زهبي شنطتك و دقي على زوجك و قوليله له اهني المصيبه ادق على زوجي جهازه مغلقققققققققققق كله مغلق ادق ادق بخبره بونسه بقوله انه قالولي احتمال ولاده ادق مافي الجهاااااااااااز مغلق حاولت يمكن 10 مرات قلت يمكن اهو في سرداب و مافي خدمه يعني ما يوصل وصلت بيتنا ما قدرت الالم يزيد و ميته خوف دخلت الحمام بسبح يمه شو صار فيني اصرخ و الالم يزيد و عمتي جاتني و اختي تخيلو اهما سبحوني ماني قادره و عمتي تقول بطنك يروح يمين و يسار يمين و يسار هههههههه غسلت جسمي اب شامبو بيبي جونسن هههه ليلحين اذكر و بدلت لبست عباتي قلت لا برد لازم الالم قاعد يزيد و ما نزل مني شي الحمدالله و امشي في الصاله امي تقولي امشي و تقرى علي و نسمي و ابوي يه و انا استحيت شسوي كانت الساعه 11 في الليل و الخدامه تقولي امشي يالله ماما جين امشي يجي بيبي ****لله هههههههههههه تواسيني و العايله كلها دروا اني بولد خخخخخخخخخخخ عاد ادق ادق مافي دزيت مسج حق زوجي قتله السالفه بعده الجهاز مغلق و زوجي قايلي من قبل لو بتولدين لازم انا معاج عاد شو سوينا امي اتصلت على ولد خالتي قالتله وين زوجي و كلمته اهني زوجي انعصرررررررررررررر هههههههههههه مو مصدق قال الحين بيي و هد الشباب و جاني امي و زوجي ودوني المستشفى مره ثانيه و ادخل طوارئ في كرسي بس الالم زاد و ابكي و امي تواسيني والله فلم رعب ميته خوف و زوجي مو عارف شسوي متوهق عاد دخلت و قالت 3 سم قلت كل هل عوار 3 سم ليييييييييييييييييييش المهم سوولي دخول و اختي و عمتي ما جو معنا مع امي و زوجي بس ما صبروا لازم يجون و ابةي وصلهم و جو و يواسوني و دخلوني غرفه الولاده و اتصلو على دكتورتي قالت بتجي بعد ساعه دخلوني غرفه الولاده و لبسوني اللبس و انا خفت اكثر و اسمع صراخ حريم يمههه عاد امي الله يخليها لي دخلت معاي و زوجي نزل يسوي دخول و يكمل اوراقي امي و زوجي جمبي و انا اطلق و امي تدعي و تدعي و عمتي وصلت و ابوي فشله وللله بس شنسوي انجبر يجي وصل خواتي و عمتي و راح قال طمنوني دخلو معاي رجلي دفع فلوس زياده عشان يدخلون معاي الغرفه بس طبعا وقت الولاده طرد هههههه بعدين جات دكتورتي عطوني ابره تريح و تسكن العواررر الحمدالله خف شيوي يمكن 10 دقايق بعديييييييييييييييييييين رد الالم و الدكتوره فكت الماي و اهني زاااااااااااااااد العوار و زاد و السستر تقولي اخذي نفس و عطوني كمام و دخت و قمت اخربط في الكلام مادري شقول و اشوف مثل ضباب جدامي اختي و زوجي و عمتي و امي جمبي ماسكه ايدي و تهديني و اخذ الكمام كل شوي ابي ادوخ ما احس و احساس مو حلو من فكت المااااااااااااااااااااااااء اااااااااخ حسيت اب شي حار نزل مادري شو صار فيني و في قلبي اقول هذا الولاده ماهي سهله و الله يعين امهاتنا و كله في اجره ****لله بعدين كل شوي تفحص الدككتوره و انا ابكي و يهدوني مافي شي بتولدين ****لله و اسال انا اشيل الكمام و اسال كم سانتي قالو 5 بعدين 5 و نص و اشوفهم يحاتونيي مساكين بعدين طردو اختي و عمتي و زوجي نطروني بره غرفه الولاده بس امي جمبي ما خلتني ماسكه ايدي و يفحصون و الطلق يزيد و اسمع دقات قلب حسوني حبيبي و انا اصرخ (:( و العوار ذبحني امي تهديني بعد و تقولي ذكري الله و ماسكه اييد السستر و اييد امي و امي تقولي من يجي الطلق عادي رعصي ايدي هههههههه و انا كسرت يد امي من الرعص و ارعص بعدين ما اسمع الا جات الدكتوره قالت 8 سم ماشالله ماشالله يالله شدي حيلج و السستر ماسكه الكمام ما يبوني انام عشان اساعدهم بعدين اسمع الدكتوره تقول يالله بش بش البيبي راسه بين اي ذاكره الله و اسمعها يالله يالله ماشالله تبارك الرحمن بيطلع حسوني و انا اصرخ و يقولولي بش و انا اقول شلون ما اعرف ههه و يقولون يالله البيبي بيتعب بعدين طلع حسوني حبيبي في هالدنيا ربي يخليه لي و لابوه :) حطوه على صدري بس ما حسيت لان كنت دايخه بعدين مادري شصار حسيت مثل حلو كملو الخياطه و انا حاسه مثل حلم مادري شلون و لدته الساعه 2 و 35 بالليل بعدين نمت و صحيت عمتي جمبي و تباركلي و انا مو مصدقه كل شوي ها ولدت تقولي اي و خلوني في غرفه الولاده فتره لان ما كان في غرف فاضيه ماشالله زحمه بعدين ودوني غرفتي و لبسوني و جوني الزوار
****لله تعجبكم قصتي المضحكه
و الله يسهل على كل حامل يا رب
انوار المحبه @anoar_almhbh
محررة ذهبية
يلزم عليك تسجيل الدخول أولًا لكتابة تعليق.
انوار المحبه
•
:39:
الصفحة الأخيرة