السلام عليكم
اولاحبيت تشاركوني فرحتي بمولودي الله يخليه لي وحبيت اكتب لكم
قصه ولادتي واشكر بنات تجمعي كثير الشكر كانوا نعم الاخواات
انامن يوم حملت وانا خايفه من الولاده لاني متاخره خمس سنوات
بناتي قبل جبتهم ورى بعض وهذا حبيت اريح نفسي واحس اني
نسيت الحمل وكل شي عنه حتى خواتي يضحكون علي :mad:
المهم انا تابعت التبويض عند الدكتوره وعرفت متى صار الحمل
وحسبولي اني اولد ب17-11 وعلى حسابي 20 -11
المهم لما دخلت التاسع رحت المستشفى موعد وكشفت علي
من تحت وقالت الرحم مفتوح 2 سم ويمكن يومين وتولدين
بصراحه خفت وبديت ارجف:icon33::icon33:
وقالو اذا نزل دم او مويه تعالي تصدقون قعدت اسبوعين ولا جاني
شي الاااالم راحت وبنات التجمع ماقصرو معي في خلطات ومحفزات
بس مافي فايده جماااع وحلتيته وقرفه وكف مريم وكل شي
صرت محطه تجاااارب:09:
المهم رحت الاسبوع الثالث وكشفت قالت 3 سم بس عنق الرحم
قاسي انتي ماتمشين انا صراحه مامشيت قبل امشي وماستفيد
مشيت بس مو كثير المهم قالت تنويم بس انا رفضت
وطلعت على مسوليتي وجلست اسبوع على المحفزات ولما خلصت
التاسع رحت ونفس الشي 3 سم وقالو لازم تنويم وانا مافي مفررر
زوجي رفض اني اطلع قال لازم تتنومين احسن
وطلعت مشكله ثانيه وقالوا انتي في الاشعه توك في بدايه التاسع
وانا صراحه انصدمت وقال الاستشاري تبين نعطيك فرصه
اسبوع ولا تبين طلق صناعي
عاد انتم تعرفون الثقل بالتاسع قلت لا ابي اتوكل على الله وطلبت
صناعي وبصراحه كنت خايفه مررره منه ومن كلام الناس وخواتي عنه وصرت استغفر واقرا سوره مريم وانا من بدايه التاسع اقرى الورد
لتسهيل الولاده مررررره روووعه
ولما جاءت الساعه 12 الظهر عطوني تحميله وتابعوني بالتخطيط
في طلق بس خفيف وصرت ادعي واستغفر وبعدين بدا الالم بس
محتمل وانا بالتنويم لسه مارحت غرفه الولاده ولما جاء العصر بدا يزيد
ولما جاء المغرب جاءت الدكتوره تعطيني التحميله الثانيه ولما قاست
قالت اربعه خلاص ولاده
انا فرحت وبعدين خفت ورحت ابكي والالم صار يزيد بسرعه
وزوجي وخالتي كانوا جاين بالطريق
وزوجي رايح يشتري حلويات وخرابيط :arb: وكلمته وانا ابكي
ومعصبه يالله تعال قالو ولاده هو استانس وطيران الاهو عندي
وجلسوا يتقهون ويسولفون وانا مو يمهم اتعصر وماسكه نفسي
وجت الممرضه وقالت خلاص البسي ملابس الولاده بسرعه
المهم لبسته وقلت لزوجي يروح البيت ووصيته على بناتي :44:
وسبحان الله كنت متوقعه اني بولد الفجر او بالليل يعني مو
بالسرعه هاذي لما رحت غرفه الولاده بدات الالم تزيد ومعاااد اتحمل واتلوى واطلب مسكن وجات الدكتوره قاست قالت 5 وبعدها عطوني مسكن وبعدها حسيت اني بنام وانم واصحى على الالم
وسبحان الله الالم زاد ولما جت قاست قالت سبعه يالله وجهزت عده الولاده وانا حسيت بالدفع وفجاءه 8-9 يالله ماما ادفعي وانا ادفع
وادفع ههههههههه:09:تعبت والثالثه طلع حبيبي قلبي :icon33:
وارتحت ماما مبروووك ولد:icon28:
بعدها طلعت المشيمه وخيطتني يعني كلها بساعتين
دقيت على زوجي قلتله انا ولدت قال ايش قلت ولدت قال بسرعه
انا قبل فب بناتي يوم كامل هذا بسرعه ياربي لك الحمد
والحمد لله جبت ولد الله يخليه لي
معليش طولت عليكم عشان تعيشون التفاصيل
والله يهون عليكم ويسهل لكم ياااارب
يلزم عليك تسجيل الدخول أولًا لكتابة تعليق.
الاخت نوته
•
الف الف الف مبروك والله يجعله من عباده الصالحين البارين ...
الف الف الف مبروك والله يجعله من عباده الصالحين البارين ...الف الف الف مبروك والله يجعله من عباده الصالحين البارين ...
الف الف الف مبروك
والحمدالله على التساهيل ربي فرجها عليك
والله يجعله من الصالحين يارب
والحمدالله على التساهيل ربي فرجها عليك
والله يجعله من الصالحين يارب
الصفحة الأخيرة