قصه ولادتي السهله ورحمت ربي

اليوم بحكيلكم قصه ولادتي طبعا انا تعديت شهري التاسع بخمسه ايام وخلاص كانت اخلاقي جدا زفت ثقل الحمل وخايفه من القيصري وخايفه من الولاده كل مافتكرت ولادتي الاولى اتعب نفسيا المهم صحيت الفجر وحسيت الم زي الدوره قلت الحمدلله هذا بدايه طلق المهم انا في ولادتي الاولى طبعا الطلق كل مالوا يزيد لما يسير مو محتمل المهم اكملكم سويت فطور ورحت اتروشت وزبطت نفسي وكل مالي اقول الطلق بيزيد :06:جلست منتظره اصحي زوجي ولا لا قلت خليني انتظر طبعا داك اليوم كنت متضاربه مع زوجي بعدين صحيته على الدوام وقلتله ابغا اروح عند امي انا فيني طلق قلي منتي رايحه انا بقعد مابروح الشغل قلتله روح ممكن يكون طلق كاذب لان بصراحه طلقي لما اجي ابغا انام تجي الطلقه بس لما امشي تروح ولا تجي على خفيف مررره قلت شكله طلق كااذب المهم جلست اقله ابغا اروووح عند امي وابكي المهم انه مارضي قلي بقعد معاكي فطرنا وسرت انا امشي في الصاله وحاطه السماعات اسمع صوره مريم واستغفر وفيني خوف طبعا هذا الكلام الصباح المهم اتصلت على اختي قلتلها شكلو فيني طلق انفجعت قالتلي اجيكي قلتلها لا ممكن يكون طلق كاذب وانا والله الذي لا الله الا هو ان الطلق عندي شي لايذكر المهم جاء الظهر وحسيت الام زاد بس برضوا جدا محتمل وسرت امشي في الصاله واستغفر ويروح الام لما امشي واروح غرفتي اقول ابغا ارتاح شويتين يجيني الم اقوم مفجوعه بس برضوا الالم محتمل جدا لما سارت الساعه 2 جتني طلقه صحت وانفجع زوجي وسرت امشي في الصاله وابكي والله مو ابكي من الام ابكي من خوفي من الي جاييني لاني في ولادتي الاولى موت من الطلق وطول معايا طبعا الساعه 3 سرت ابكي وامشي في الصاله وزجي معايا يمشيني واقله خاااايفه:06: يقلي لاتخافي والله ربي بيسهلك ولادتك وفجاه تنطفي الكهرباء وانا حرانه وطلق وبرضو مو مصدقه ان طلق حقيقي اقول طلق كااذب شلت نفسي ورحت المستشفى كشفت عليا قالتلي مفتوح 2 سانتي قلتلها الي فيني طلق حقيقي قالتلي ايوه وخرجت من المستشفى ورحت وجاتني اختي ورحنا نمشي انا وزوجي واختي من الساعه 4 الين المغرب وكان الطلق قوي معايا بس برضوا محتمل جمب ولادتي الاولى مشيت لين اذان المغرب رحت المستشفى الي بولد فيه كشفت عليا قالتلي 2ونص خلاص انا هنا انهرت جاني احباط قلتلهم والله مامشي خلاص ونفسيتي جدا زفت وقل هذا وانا انتظر الالم القويه الي ماتتحمليها المهم دخلت عند الدكتوره سولي سونار وبعدين على الساعه 9 كشفت قالت 3 انا هنا نفسيتي تعبت والله ان نفسيتي تعبانه اكثر من الطلق الي فيني سرت امشي بسيب طبعا مايدخلو احد معاكي بغرفه الولاده سرت امشي وادعي يارب هونها يارب ودعيت الي في قلبي وبعدين تقلي السستر امشي شويه كمان عشان اسوي طرمبه بعدين ولاده انا مومصدقتها لانها توها كشفت 3 سانتي سوت لي ودخلت الحمام الله يكرمكم وخرجت وقامت قالتلي ادخلي مره ثاني عشان ان شالله خلاص ولاده دخلت الحمام ودخلوني غلافه الولاده وكشفت عليا وحده سستر حسبي الله عليها يدها حاااااااااااره صرخت باقوى ماعندي قالتلي خلاص انتي مفتوح 5 سانتي فتحتلي المويه وانا ماني مصدقتها واقلها اماااانه لاتوجعيني تقلي ايش هذا امااانه :D وانا من بعد مادخلت يدها وهيا تبغا تسويلي قصطره وانا ارافس اماااانه لاتوجعيني تقلي ايش هذا لازم قسطره يلا وخليتها تدخلي قلتلها فكيتي مويه قالتلي ايوه جات كشفت مره ثانيه قالت خلاص مفتوح 7 وانا والله مو مصدقه طبعا حطتلي شي في المغذي شكله طلق صناعي وهنا جتني طلقه قويه وانا ادعي بكل الي في قلبي يااارب انا مالي غيرك اهلي مو جنبي لاتتركني يااارب لاتتركني يااارب واطالع على السقف وادعي يارب هون عليا يارب اجعل ولادتي بردا وسلاما علي كما جعلت النار بردا وسلاما على ابراهيم وشوي تجيني تقلي 9 وشوي والله العظيم يابنات ان جتني طلقتين بس الي لاتحتمل وبعدها جات دكتورتي قلت خلاص لما تحسي بطلق دفي وسبحان الله يروح الطلق احس بطلق خفيف بعدين دفيت تقريبا 4 دفات وخرجت بنتي حبيبتي ونزر عيني وكانت ولادتي سهله وكله بفضل رحت ربي عليا وكنت دايم ادعي في سجودي الله اني اسالك هون الطلق وحسن الخلق اللهم اجعل ولادتي بردا وسلاما علي كما جعلت النار بردا وسلاما عللى ابراهيم وربي يسهل ولادت كل حااااامل يااارب