السلام عليكم ورحمه الله وبركاته
اليوم حبيت أقولكم قصه ولادتي ببنتي والحين بسم الله عليها عمرها 3 شهور
ماشاء الله تبارك الله
سالفتي ومافيها إني تميت التاسع وخذيت من العاشر أسبوع وما ولدت وكنت أراجع عن دله
وتعبت من أول ماخلصت التاسع سويت توسيع مرتين ولافاد شربت كل شي( خروع+ كف مريم+ كل يوم اشرب قرفه + الخلطة اللي هي {تمر+قرفه+ زيت سمسم}+ مشيت اللين تفقعت رجليني ) بالعربي كل شي سويته وما فاد حتى إني نسيت نص اللي شربته حامت كبدي ومافيه أمل يوم تميت الأسبوعين من العاشر رحت لدله لدكتورتي ربي يذكرها بالخير ويجزاها بالجنة (ناديه الزركي)
وقلت لها أبي أولد وربي تعبت تعبببببببببببببببببببت هلكت ثقل وعندي ولد عصبي وعنادي ربي يهديه وادرس بالكلية فعندي استعداد أعطيهم اللي يبون بس يولدوني
فقالت لي خلاص أنتي تعبتي حتى وجهي كان اصفر وهالات وحالتي وربي حاله قالت لي تعالي الثلاثاء وبولدك وكنا يوم الأحد فرحت لامي حطيت ولدي عندها كأني بدرس بالكلية عااااااااادي وما وضحت لها
وولمت أغراضي كنت مره خايفه من الخوف ماعاد أحس بشي ودي أهون
رحت الصبح ومريت عليها كشفت علي كان يعوووووووووور وقالت الرحم بس مفتوح 2سم ونص
طبعا أنا من دخلت التاسع كان بس 1سم وتوسيع وربي أكثر من مرتين مافاد إلا زيادة 1سم ونص
وش ذا الحالة وربي يئست وخنقتني العبرة وقالت عنق الرحم قاسي وبتعطيني طلق صناعي وبيقعد تقريبا ساعتين بس عشان يطري عنق الرحم كنت بمووووووووووت من كلامها بس توكلت على الله
ورحت كملت الإجراءات إحساس مو طبيعي انك تروحين للولادة برجليك رعب من جد رعب وصعدوني فوق لغرفه الولادة صليت الظهر الساعة 1 ودعيت ربي انه يسهل علي فها اللحظة مالك الاربك
وانسدحت عطتني الحقنة وعطوني طلق بالوريد عن طريق المغذي الساعة 2 إلا ربع وعطتني مسكن وأنا كنت أقول لها استني شوي على بالي مافيه الم وبعدها بشوي جت الدكتورة فتحت المويه ورب الكعبة يدها خفيييييييفه ربي يسعدها
وبعد شوي عالساعه 3 جاء زوجي كان يسولف وأنا اسولف معه ومبسوطة مااحس بشي بعد شوي بداء الألم يشد وأنا بس اتالم على خفيف وهو بس يسألني يعور وأنا بس أهز راسي انو يعور
وبدت رحله الألم خلاص ماعاد اقدر بس اصرخ وأنا ماكنت أبي اصرخ بس والله ماعاد اقدر وكان الرحم بس أربعه سانتي يعني ساعتين الم قوي ولا انفتح إلا 1سم ونص معقولة يوم قالت لي بس أربعه وتوك مبكرة يمكن يبي لك أربع ساعات إلى ثلاث ساعات
أنا لحظتها صرخت أبي ابره ظهر مع إني واللي خلقني كنت خايفه منهاااااااا موت مع أن كثير يمدحونها بس مدري لبش خايفه منها وقعدت النيرس مدري كم تعطيني محاليل بالوريد تقول أنها ضرورية وأنا أصارخ أبي الدكتور مكااااااااااااااارم( دكتور التخدير مصري) وهي مسيكينه من العجلة خبطت على رأسها مسكينة كل ماتذكرتها رحمتها
وجاء الدكتور وخذيت الوضعية وربي متعبه وعطاني الابره الحمد لله ماحسيت بيده ((ماشاء الله تبارك الله)) وقعد يسولف معي وأنا لازلت أحس بالألم وقلت له قال بس شوي وماعدا تحسين بألم وقال لي أن لها فعاليه مو طبيعيه على الرحم يفتحه بسرعة وبعد ماجت الساعة 5 ونص تقريبا حسيت بشي قريب قعدت أنادي النيرس يوم جت قلت لها أحس برأسه كشفت الدكتورة المناوبة قالت 9سم ((ماشاء الله تبارك الله)) ((ماشاء الله تبارك الله)) ((ماشاء الله تبارك الله))
قالت بالله ولادة وودوني غرفه الولادة وجت الدكتورة بسرعة وقالت لي حرام من أول تالمتي كان خذتي الابره على طول بس أنا كنت خايفه والألم أجبرني بس الحمد لله على كل حال وبعد شوي طلعت بنوتي والحمد لله رب العالمين
اللهم ياحي ياقيوم ياذا العرش المجيد انك تسهل على كل حامل
نصايحي::
1_ لاتتعبثين بنفسك وتشربين أي شي لأنه وربي مافادني بـ ولاااااااا شي
2_ اللي محتارة بالدكتورة تروح لدكتورة ناديه بدله بس تسمي عليك وتدعي لك الله يجزاها عني خير
3_ أنا حسيت انو دله استغلاليين يعني المرافق يجلس معي بفلوس السرير حقه ب200 ريال غير المويه اطلبها بفلوس صراحة قويه وتكاليف المرافق كللللللللللللها علي مو لها الدرجة عاد والبيبي له وقت عشان تشوفينه لدرجه انو زوجي ماشاف بنتي وشالها إلا وقت الخروج قويه صراحة
والحمد لله على كل حال والله يجزي أمهاتنا كل خير اللي شقو وتعبو علينا
راس مالي عزتي @ras_maly_aazty
عضوة فعالة
يلزم عليك تسجيل الدخول أولًا لكتابة تعليق.
إيمان82
•
الحمدلله على سلامتك ومبروك ماجاك
انا مثلك ودي بابرة الظهر بس خافه منها في ولادتي الاولى مااخذتها وهالمره اشاور عمري ربك يسهل بس
انا مثلك ودي بابرة الظهر بس خافه منها في ولادتي الاولى مااخذتها وهالمره اشاور عمري ربك يسهل بس
الصفحة الأخيرة
والحمد لله ع السلامه تتربي بعزكم يااارب
والله الولاده احسها مرعبه رحتي لها والا قعدتي >>> بكريه وميته خوف