قصه ولادتي المحزنه المضحكه .....

الســــــــــــــــــــــلام عليكم ..



ها أنا جيتكم بحكيلكم قصه ولادتي معليش طولت عليكم بس تو صحصحت وفقت لنفسي وكمان بنتي الله يصلحها بس تصيح جننت فيني .. المهـــــــــــــــــــــــــم .. انا طبعا طولت ماولدت واخذت اربع ايام بالعاشر ورحت للاستشاري وصرفلي خروع وقالي لاتشربيه الا يوم الجمعه لان الجمعه مانستقبل حالات ولاده وقالي لو ماسوالك شي راح نحطلك طلق صناعي يوم الاحد .. انا طلعت من عنده وقلت خير ان شاء الله رجعت البيت وجاتني ام زوجي وفليناها وسهرنا للساعه 2 وتعشينا وانا مو حاسه بشي الا اني نعسانه جاني نعاس ذاك اليوم مو طبيعي حتى خليت زوجي عند التلفزيون ونمت كأنه الهدوء اللي يسبق العاصفه هههه.. صحيت الساعه 8 وانا شبعانه نوم وماكنت حاسه بشي الا مغص كالعاده خفيف جدا واجلس اطقطق بجوالي على هالقسم واقرأ بمواضيعكم فجأه الا شي يمغصني بقوه يروح ويجي بس واروح للحمام ماشفت شي قلت اكيد طبيعي المهم رجعت قلت خليني اتمدد شوي الا والالم ذبحني بس وادور بالغرفه زي المقروصه :09: وابكي واقرا على بطني واطلع شنطتي وشنطه بنتي واستنى زوجي يصحى مافيه فايده لما جات الساعه 12 الظهر وانا اروح له لقيته نايم والتلفزيون شغال واصحيه وانا ابكي قالي البسي عبايتك ويالله .. المهم وصلنا المستشفى قالت اليوم الجمعه مانستقبل حالات ولاده روحو اي مستشفى مع العلم ان المستشفى خاص واراجع فيه من بدايه حملي وعصب زوجي وتنرفز بس ماحاول يبين علشاني قال للسستر بس ابيك تكشفين تشوفين عندها ولاده او لا وبالقوه وبالمحاولات كشفت قالت 1 سم بس وانا انصدم قلت كل هالالم على 1 كيف اذا وصل عشره بس ويطردونا مع الباب واطلع واروح البيت الا والالم يشد حسيت روحي بتطلع وزوجي راح يصلي الجمعه ورجعلي ولقاني اتالم قالي يالله نروح لاي مستشفى بس واحنا نمر لام زوجي وناخذها معنا وانا بالسياره اصارخ كل ما جاتني الطلقه بس ويكلم زوجي واحد ويتوسط لنا وبالقوه استقبلوني ودخلوني غرفه المخاض وجات الدكتوره قالت انتي يادوب واحد سم وعنق الرحم مرفوعه يعني اقل شي قدامك يومين وانا اتحطم :( وبعدين جات دكتوره 2 قالت الحوض عندك صغير جابولي الجنان :angry2: قلت خلاص اكيد ما راح اولد على كلامهم :(.. بس والالم ذبحني وانا على 1 سم من 8 الصباح لحد 7 المغرب والالم مررره قوي كانه فاتح 10 بس وجات امي من مسافه 100 كيلو وراحت عمتي لبيتها.. بس وتجلس معي تهديني بس مافيني فايده بس اصيح واقول ابي قيصري ابي قيصري وكرهت وجه زوجي لانه قدامي من اول ما اتالم مدري وش جاني عليه قلتله ماحبك روح عني :( هاذا وهو واقف معي من الصباح بس جاني شي عليه ودي اصفقه :22: واسكر الستاره بيني وبينه هو وامي ماكنت طايقه اطالع بوجيههم استغفر الله والسسترات ماسكيني بالقوه يبوني اجلس علشان احط التخطيط وانا الطلقه اذا جتني وانا منسدحه تموتني بس مخليه زوجي يضغط على افخاذي اذا طلقت وامي تمسك اخر ظهري وبعدين كل ماحسيت بالطلقه ركضت للحمام والسسترات عجزو عني يمسكوني لاني وانا واقفه الطلقه تكون اخف بس من جد شكلي يضحك ويبكي بنفس الوقت لاني اذا جت الطلقه اركض للحمام واروح وانتو بكرامه ومايطلع مني شي ومن قوه الطلقه اتعصر وانزل راسي لين مايوصل لبلاط الحمام :( ووجهي الوان وانا اتعصر وكشتي طايره وملبسيني قميص له رباطات من ورا ومو ساتر والدنيا كلها باينه بس من الالم ماني داريه عن شي .. وامشي بالسيب زي المجنونه وعلى الحمام على طول اذا حسيت بالطلق تقريبا جلست فيه اغلب وقتي وامي تهاوش لانها خافت اولد ويطيح بالحمام بس ماسمعت كلامها ولا علي منه خخخ وبعدها اختي جابت قرفه وبلعت منها لين ماخلص الترمس وتجي الدكتوره تقيس بعدها وتلقاه فاتح 2 وبعد نص ساعه قاست وقالت 3 وكل شوي الحمدلله يزيد من بعد الله ثم القرفه لين ماوصل عشره الا وتجي الدكتوره وتدخل عود خشبي وتفك المويه بس وتنزل المويه فقالت لي ماراح اوديك الكشك الا لما تتدربي على الدف وقالت يالله اذا حسيتي بالطلقه دفي لحد ماتنتهي وكررتها يمكن 3 مرات وبعدين قالت يالله عالكشك انا قلت اكيد بيجيبون لي سرير قالت لي لا يالله امشي افضل لك وانا امشي رايحه للكشك شكلي يحزن وقتها كاني ميته عالولاده من الموت اللي شفته بس وهم ياخذون رجل يمين ورجل يسار ويمسكوني المثلث حق الشد علشان ادف اذا حسيت بالطلقه والحمدلله من 2 دفه وتطلع بنتي للدنيا وبعدها حطوها على صدري وما دريت عنها لاني بعد اخر دفه كانو اغمى عليه وتطلع السستر لامي تبشرها:icon28: وامي تقعد تبكي وزوجي محد قده انبسط وعلى طول راح للحضانه اذن باذن بنوتي وسمى عليها بس وطلعوني للغرفه وجا زوجي جلس معي شوي وتاسفت من الكلام اللي قلته له ولامي والحمدلله على كل حال .. بس توني اعرف ان الموت هو الطلق بس امي ضحكت علي تقولي زي الم الدوره وانصدمت بالواقع .. يالله الله يأجرنا بس ويحفظلي بنتي ...



كانت ولادتي بتاريخ 28 -8 .. والله يهون على كل حامل يارب ويسهل عليها وللمعلوميه انا بكريه