السلام عليكم
كنت متردده اكتب قصه ولادتي ماابي البكريات يخافون من الولاده خخخخخخخخخخخخخ
بس ابي اقول لكم اللي صار مااقدر اصبر :27:
بدايه ولدت يوم الخميس وكنت احس بثقله نازل من يوم الثلاثاء وبدا الالم يوم الاربعاء الظهر حسيت بـ 3 طلقات وراء بعض كنت اقول لزوجي وانا اضحك بيجي فرخنا الاول على بالي انه لسى بدري المهم جت الساعه 10 ونص بالليل واحس بالم كانه بدايه دوره وكنت اتفرج على التلفزيون على الساعه 11 مشيت للمطبخ الا واحس بشويه مويه تنزل يمكن نص بياله الشاي انا انشلييييييييييت من الخوف وقفت بنص الصاله وش اسوي وابو الشباب مو عندي والف سؤال يدور ببالي ولاده او لا وانواع ام الركب هههههههه
واركض على الحمام وانتم بكرامه واغسل واتعوذ من ابليس واجلس وارسل لابو الشباب رساله يجيب لي عشاء واقول ولدك بالطريق جاي تعال لاتتاخر
وكل مامشيت ينزل شويه مويه على الساعه 11 ونص بدات الطلوق والم يهبل وحلو (((( نصااابه ):icon33:واجلس اصيح لاشعوريا وادعي ربي انها مو ولاده ههههههههه
واتصل على اختي اسئلها هبلتها وتقول لي ولاده وانا اسكر من هنا واكمل الصياح من هنا
واستغفر ربي واهلل واسكت شوي ويدخل الرجال ويطالع فيني ويمشي يحسبني استهبل عليه مثل العصر ويوم جلس قال وش فيك وانا متماسكه اقول احس بالم وعنوني تدمع
كان الطلق كل خمس دقايق ومتواصل وارجع ادق على اختي واعلمها قالت روحي للمستشفى لايطلع ولدك وانتي بالطريق واترك عشاي من الخوف والبس عباتي ونطييييييييير على المستشفى كان الوقت الساعه 1 ونص ووصلنا 2 وادخل الطوارئ ويكشفون علي تخيلووووووو كل هالالم ساعتين ونص وكان فاتح بس 2 سم :icon33:
ويخلوني عندهم للساعه 4 ونص بعد ساعتين ونص فتح بس نص سم :44:
طبعا المستشفى قوى الامن الظاهر ملوا مني وقالوا شكلها مطوله حولوني على مستشفى ابانمي دخلت عليهم الساعه 5 ونص الفجر
المهم كشفوا علي وفاتح 3 وكانت الساعه 6 الصباح بعد 6 ساعات ونص الم فتح 3 سم وانا خلاااااااص تمنيت الموووووت ويجيبون لي فطور وانا مالي خلق والسسترات يهاوشوني كلي الولاده تستهلك مجهود وانا اغصب نفسي من هنا واستفرغ من هنا حتى المويه ماقدرت اشربها وانا ميته من الجوع والالم اتعبني تجي لي الدكتورة وقالت فيه ابره توقف الاستفراغ اذا دخلتي غرفه الولاده بيعطونك وحده
الساعه 8 ونص فتح 4 سم ودخلت غرفه الولاده ويبدون شغلهم وانا زي الاطرش في الزفه بس ماصحت هههههههههه
وكل نص ساعه تجي القابله تكشف كم فتح ومازال 4 وانواع الطلوق والكمامه نصب في نصب لاتخدر ولا شئ
على الساعه 11 ابشرررررركم فتح 5 سم لللللللللللللوووووووووووللللللللللوووووووووش :35:
الحين 12 ساعه وفاتح 5 سم حطمت الرقم القياسي :time: ههههههههههههه
المهم الهانم الله يصلحها وهي تكشف فتحت الكيس وهي ماتدري ونزلت المويه واناااااااا نقزت من الخوف وش هذا وهي مافي خوف شويه مويه ينزل نامي
على الساعه 12 فتح 5 ونص ونبضات ولدي كل شوي تنزل وتنزل وتنزل وصارت بطيئه اللي يسمعها يقول بيوقف والسسترات صراخ دكتورة دكتورة ويجتمعون على 3 مع الدكتورة ويقلبوني يمين ويسار يبون النبض يرجع طبيعي وانا ميتتتتتتتتته خوف عليه اكثر من نفسي :icon33: واسالهم قالوا ان المويه نزلت وسخه والجنين تبرز فيها وهو الان تعبااااااان من الطلوق والتلوث احتمال نعمل لك قيصري وانا ادعي ربي انه يفرجها علي
والله يابنات ان كل مانزلت النبضات اقراء ايه الكرسي ويرجع النبض طبيعي سبحان الله لاتنسوها يابنات وقت الولاده هي المنقذه لي بعد الله سبحانه من القيصري
وكل مااخذت نفس من الكمامه النبض يقل والدكتورة فوق راسي وتحاول تقنعني بابره الظهر لان انا خلاااص انتهيت وبنفس الوقت هي خايفه على الولد من المخدر اللي اتنفسه وانا اقول لا توجع ومدري كيف وجلست تشرح وتقنع فيني وانا متردده واكلم اختي وقالت توكلي واخذيها على الساعه 1ونص فتح 6ونص والالم قوووووووي قووووووووي وانا اللي اصيح ابي ابره ظهر خلاااااص تعبت
واخذ الابره وارتااااااااااااااح احس ان عيوني فتحت وجلست اسولف وانكت والحمدالله نبضات الولد بدات تستقر طبعا وضعي على جنب نايمه
قالت لي الدكتورة ان الابره لها مفعول على الولاده احيانا تسرعها واحيانا تبطئها وانا الحمدالله سرعتها لي على الساعه 2ونص فتح 10 واخيرررررررررررررررررا ويلا ادفعي
انا بصراحه مااحس الا بالم خفييييييييييييييف يالله احس فيه والسسترات هم اللي يعلموني اذا جت الطلقه قالو لي ادفعي الساعه 3 الا عشر طلع على الدنيا احلى حموووووووووودي بالدنيا واخيراااااااااااا مابغى يطلع هههههههه
لو ادري ان الابره بتسرع الولاده وانها بتخفف الالم كان اخذتها اول مادخلت غرفه العمليات بس الخوف هو اللي منعني
ودعواتي لكل حامل ان الله يهون عليها حملها ويسهل ولادتها واللي ماحملت تحمل بهالشهر يااااااارب
وحشة الليل @ohsh_allyl
محررة
يلزم عليك تسجيل الدخول أولًا لكتابة تعليق.
هههههههههههههههههه حاااامل بسم الله علي عقب الموت احمل على طوووووووووول
مو مني من الموقع انا اول ماشفته شهقت جتني فوبيا من الحمل على طول شلته
الله يبارك فيكم
وتسلمون حبيباتي على الدعوات الحلووووووووه
مو مني من الموقع انا اول ماشفته شهقت جتني فوبيا من الحمل على طول شلته
الله يبارك فيكم
وتسلمون حبيباتي على الدعوات الحلووووووووه
الصفحة الأخيرة
الابسالك انتي اللحين حامل ماشاء الله
لانك حاطه توقيع شريط حمل