قصه ولادتي ببروكير

السلام عليكم ورحمه الله وبركاته

حبيت اقول لكم قصه ولادتي بمستشفى الرعايه بروكير
طبعا انا كنت اراجع عندهم من الثامن بس ومع د.فادي لان زحمه كانت عند الدكتورات واستخرت وتوكلت على الله

وجاء يوم الاربعاء 10/11/2010 الصباح كان عندي موعد اصلا بالعصر وقلت بما اني صاحيه خلني اروح الحين
واصلا كان فيني الم يضغط من تحت وكان لي 3 اسابيع من التاسع
ورحنا المستشفى
طبعا تنظيمهم بالمواعيد روعه استقبالهم زين ويوم قلت بحول الموعد للحين قالوا عادي
جاتني الممرضه شافتني قالت يمكن ولاده
طبعا انا طول الطريق احسب وحسيت ان الالم منتظم كل 10 دقايق بس مااعلمت زوجي خفت يرتاع ويسرع
انتظرت لين جاء الدكتور ودخلت عليه قلت فيني الم قال شرايك نكشف وارسلني مع الممرضع فوق شكله كان حااس اني بولد بس ماايبغى يروعني خخخخخخخخخخخخ
رحت فوق مع الممرضه وزوجي قابلتني مصريه قالت ماافيي غرفه فاضيه انتظري
واسفهوني طبعا وزوجي يتحلطم وانا ماالي مزاااج تحلطم كنت خاايفه
الا جاء دكتور فادي وشافنا ننتظر دخل عليهم وفجأة جاتني المصريه مع دكتورة باكستانيه تهبببببببببببببببببل
قالوا تعالي بس نكشف واخذوني في سرير على الجنب
وكشفت علي يدها ماشاء الله خفيفه مااحسيت بالم
يوم اكشفت الا نادت فادي قالت 4 ونص تقريبا
انا انصدمت وخفت قالوا خلاص ولاده وجاتني بريطانيه حبيبه تسولف وتخفف علي بس كنت مرتاحه لاني توقعت ان هذا بس الم الطلق:09: مااكنت عارفه وش بيجيني
خيروني بعدين بين غرفتين عشان اولد فيهم طبعا اطلق واولد في نفس الغرفه
جات المصريه وعطني حقنه شرجيه ولبس المستشفى ورحت الحمام بعدها لبست اللبس حقهم
جاء زوجي عندي ركبوا لي المغذي
وبدا الالم يزييييد شوي شوي جات المصريه تكشف في البدايه كشيت منها خفت تعورني بس لا والله حتى هي يدها خفيفه
بس المشكله كانت ان راس البيبي فووووق عشان كذا كاانوا خايفين
وجات الباكستانيه ونفس الشي كشفت وتحلطمت انوا الراس فوق بس جلست تهديني لاني خفت منهم ومن ربشتهم
وفتح الرحم 6 والالم صار لا يطاق وقالت لي شوفي بفتح الماي عشان الراس ينزل قلت طيب
وفتحته
والالم صار لا يطاق وجلست اتعذب لان الطلق كان سرييييييع بالمرة وعطوني ابرة الفخذ جلست اترجاهم ابي ابرة الظهر قالوا ماانقدر فتح 7
وكل شوي زاااد الالم اقوى من قبل
كان الوقت الظهر قالوا لي بتجلسين تقريبا 4 ساعات لين يفتح 10
والالم لا يطاق كيف بجلس 4 ساعات كذا
وكل شوي جاتني وحدة تكشف ويقولون الراس فوق للحين
وزوجي موجود وشكله خاايفه بس مااسك نفسه وبس ماايبغى يتركني
وجلست عندي ممرضه تراقب الطلق وكل شوي اقولها نااديهم واذا جات الباكستانيه اقول لها ابي مهدي ويعطوني وكشفت الا 9:42:
انصدموا في نص ساعه ماشاء الله فتح بسرعه
شوي الا فتح عشرة ولاده
بس الراس فوق
شوي الا قاموا يستعدون للولاده طبعا انا حيلي راح من الطلق لانه كان حااار وسريع
الباكستانيه راحت نادت فادي جااني واسأذني قلت يالله خلصوني بس
وجلست اتشهد لاني توقعت اني بموت بصراحه
والدكتور يقول ادفعي مع الطلقه بس من تعبي مش عارفه
ويقولي ترا الراس فوق
حاولي
واصيح من الروعه
وجلسنا كذا تقريبا ساعتين شوي الا دكتور فادي ارسل ممرضه وجاتني دكتورة لمياء اسشاريه سعوديه ماشاء الله عليها
كانت لابسه تنورة وبلوزة
مدري وش قال لها الا دقيقتين الا هي لابسه لبس الجراحه
انا ارتعت
وقالت لي بعطيك فرصه وحدة قبل احولك للجراحه
انا تحمست مع الطلق
وهي جلست تقول انتي مااتدفعين تبيني اتحمس وانا اصرخ عليها خخخخخخخخخخخخخ مسكينه
وجاابت جهاز الشفط وحطته مع دكتور فادي يدف بطني وهي تشفط من تحت مع الطلقه 3 مرات
شوي
ليييين قالت شهر الراس انا من الحماس صرخت صرخه مع الدف وسحبه دكتور فادي وحطه على صدري واسمع اذان العصر
طبعا زوجي كان موجود وانا نااسيه وجوده:42:
وفادي قال بنخيطك الحين شوي وجلست اتاسف من صراخي عليهم
وجطوا لي تخدير موضوعي اتوقع لان الالم كان خفيف وتاسفت من لمياء
بس حبيتها بجد حسيتها انجدتني وماشاء الله عليها هي وفادي مرة كان صبور علي ولا رضى يحولني قيصري بسهوله
وحب ياخذ راي ثاني
هو اللي خيطني طبعا
وحطوني شاش وخلوني ساعتين بالغرفه عشان ضغطي ارتفع
وودوني فوق


المستشفى روعه بمعنى الكلمه
والممرضات رووووووعه ماشاء الله عليهم
حقين التوليد كانوا مرة متعاطفين يدهم خفيفه بالكشف ويوم شافوني اتالم جلست وحدة تدلك ظهري طبعا بالطلق
وفي وحدة بريطانيه مدري وش قصتها والدكتور يخيطني جابت ولدي توريني اياه وتعاملها يجنن وكانت بالطولاده جنبي تقولي تنفسي وتجيب فوطه مبلوله وتمسح راسي فيها

في الغرفه الممرضات بعد قمه وفي وحده سوريه او اردنيه هذي روعه
وحريصه مرة واول يوم هي اللي دخلتني الحمام مرة حليوة
اليوم الثاني جااني دكتور فادي يطمن علي

وطول الوقت كانت الدكتورة المناوبه تشيك على جرحي
الغرفه جيدة جدا
والهاوس كيبينج ممتازين كل شوي ينظفون وتحت امرك باللي تبين

الحضانه بعد احسهم حنونين وفاهمين
مااحد يدخل على الاطفال الا الام والاب

يجيبونه متى مااتبين ويرجعون ياخذونه من نفسهم اذا حسوا انك طولتي
اساذنوني بالرضاعه الطبيعيه الممرضه السوريه كانت تبي تغصبني خخخخخخخخخخخخخ تقول مصلحته اهم
بس حااولو معاي بس الحليب ماانزل معااي الا قليل علموني وقالوا حااولي انتي بالبيت هذا اليوم الثاني


اي وحدة حامل تسال عن مستشفى توليد بالدمام او الخبر انصحها ببروكير لاني مااحستهم مااديين ابدا

المشاكل اللي صادفتني اني ولدت نهايه اسبوه وطلعت الجمعه فدكتورة الاطفال مااجاتني
غير انهم مااختنوه علشان يوم جمعه بعد قالوا تعالوا بكرة السبت
ولا طعموه تطعيمه الدرن قالوا تعالوا الاثنين وهو المفروض من الولاده على طول تتطعم
والمشكله اني كان لازم اروح لاهلي بمدينه ثانيه فمااقدرت انتظر للاثنين


طبعا انا سمعت ان خياطهم تجميلي كلهم انا كشفت عليه مااحسيت ان فيه شق او جرح بس حبيت استفسر الحين هم يخيطون من دااخل والا لا ؟؟؟
لاني احس اني متوسعه مرة يمكن وسواس مدري مجرد احساس

بالنسبه للمستشفى ككل روعه وقبل اطلع جاابوا لي ادويتي وكل حاجه
ووصلوني انا وولدي لعند الباب
وجرحي الحمدالله كان زين ولا حسيت بالالم منه بس التهب علي بعد اسبوع وكم يوم وكلمت فادي وطمني وقال اذا تقدرين تجين تعالي
بس انا حجزت عند لمياء:42:
وهذي قصه ولادتي بالسلامه:icon28:

اشكر كل اللي دلوني على هالمستشفى اللي في ملف مستشفيات الشرقيه وكل اللي سالوا عني:26:
وطلبتكم ادعوا لولدي بالسلامه وان ربي يفرحني برجعته لحضني:44: