قصه ولادتي <<بدري عليه ههه

السلام عليكم وحمه الله وبركاته
كيفكم كروشات
انا مالي في المقدمات كثير بس حبيت اكتب قصه ولادتي اللي من 4 شهور <<بدري هههه
بغيت اكتبها بدري بس الضروف ماسمحت
انا ولدت في مستشفى اسمي قسم التوليد عنده بقسم الذل كله تترجين كل شي ترجي واصعب شي اترجى واحصل منافخ وهواش :icon33:
بدايتي المويه انفكت علي وخفت مررررره على البيبي ورحت للمستشفى اول ما لست افكر ومبسوطه فيدخلت طلعوني تنويم لاني بكريه وباقي ماجاني طلق ولا احس بشي وكنت وقتها جوعاااااانه وعطشانه طلبت اكل مافيه لانه بنص الليل ومتاخرين بس مويه وكن خايفه مايجيني طلق ويعطوني صناعي وبعد ساعتين جاني الطلق بدايه خفيف وبعدين للاقوى وصل 3 سم ماقدرت انام على السرير ظهري يوجعني وجلست على كرسي صدق انه اريح بكثيييييير من السرير
وبين كل فتره يقيسو الرحم طلع الفجر وجابو الفطور اخذت من الفطور التمر والحليب اكلت حبتين وبس ماقدرت اكمل جاني غثيان من الم الطلق وطرشت وانتوا بكرامه وبعدها جا الدكتور وقاس قال مفتوح 5 ونص نزلوها غرفه الولاده وكان زحممممه ومافي اسره فاضيه توقعون وش سوفيني؟
ودوني قسم الاشعه والسونار اضيع وقت هناك وكنت مره اتالم والاشعه بعد زحمه وانتظر الين اللي حولي قسرت خاطرهم وانا اتالم دخلوني وقالو انسدحي على السرير وماقدرت من الالم وقم ابكي وقول الدكتور قال ودوها ولاده مواشعه الممرضات في قسم الاشعه ماقصروا دقوا على الولاده وقالوا حرام هاذي فيها ولاده ودوها وبعدين نزلوني غرفه الولاده كشف الدكتوره وقالت 6ونص ورجع الدكتور وكشف بعد<<ماصارت كشف مايألم بس تحسين متضايقه
وانا مااخليهم يكشفون وقت الطلق
وراحوا وطفوا النور وقالوا ارتاحي باقي :(
انا تركوني وصرت احس بدفع قوووووي وانادي قالوا لاتدفعين توك واحس وانتوا بكرامه ابغى الحمام حشرانه ووبعد شوي وانا اتالم الاكلهم خمسه حولي قلت وش فيه بتولدوني قالت ايه مدري شلون عرفت ان الرحم خلاص انفتح 10
وجيت ارفع رجولي على معلاق الرجول <<ههههه شاطره
قالت الدكتوره لا بس فرقي رجولك لا ترفعيها
واااااااااااه وطلع البيبي الحمد لله
سالوني وش جبتي شوفي جاوبتهم ومن بعدها ماشفته الافي التنويم
وراحوا خلوجولي مفتحه وانتظر زهقت وتعبت رجولي ابغى امدها
واقول في خاطري راح الصعب وباقي الخياطه سهله مع ابره البنج هيهاااااااااااات وهيهااااااااااات :44:
اقول اذا البنج اللي عطوني اياه بنج فهو فاشل
الخياطه مووووووووت الابغيت افقد عقلي وقتها تجى وحده خاطتني ورجعت دكتوره ثانيه تتاكد وقالت باقي غرز وتخيط وكل غرزه الم موطبيعي واللي خاطوني هنديات مايعطون وجه تخيلوا يصارخون ويتكلمون هندي واسال وش فيه وا ترجي تكفون وش فيه ترد طالبه كليه تتعلم اوص اسكتي انفكت غرزه وراحت هي اللي خاطتها تتعلم حسبي الله عليها كانت اكثر وحده تنافخ علي وانتي ازعجتينا بالرغم اني في الولاده ادعي ومتصبره بسفي الخياطه مممممممموت ومقدر اتحمل وبعدين جلست ساعه في الملاحظه وطلعوني التنويم كانوا الممرضات نصهم حبوبات ونصهم لا
والممرضات في قسم الحضانه ماشاء الله اخلاااااااق ويهتموا بالبيبي زين :)
المستشفى نصيحه كثير مدحوه لي بس انا اقول قسم الولاده معامله زفت لانهم هنديات وسعوديات <<ما اعمم بس الاغلب شايف نفسه ومافي حرمه لك تدخل وماتهتم بتسكيره الستاره وتطله وتخلي وراها الستاره وعادي عندها خل العالم تتفرج
مستشفى اليمامه الله لا يحدني عليه ان شاء الله
ونهايتي اتمنى من كل قلبي ان محد يزعل انا موقصدي اخوف بس احذر من ذا المستشفى
ملاحظه كثير اعرفهم وولدوا معي في اليمامه يمدحون بس اقول حضوض
على حسب الدكاتره انا جربت وهذا اللي طلعت به وربي فيه اشياء ماذكرتها تسد النفس
واتمنى تدعون لي ولذريتي بالصلاح والعافيه :26: