قصه ولادتي بمستشفى الجزيره + ابره الظهر + الطلق الصناعي اللهم لك الحمد حمدا كثيرا ..

السلام عليكم اليوم بكتبلكم قصه ولادتي مع ان لي اربع ايام نفاس لكن لعل وعسى انفع وحده محتاره اول شي ببدء من بدايه حملي المفاجى سبحان الله قبل تسع شهور حملت من غير تخطيط وانا اخذ مانع قلنا الحمدلله وفرحنا ماخفيكم عندي بنات ونفسي بولد كنت ادعي ربي يرزقني الوولد ويكون حملي ولد لكن مجردماعرفت بالسونار انها بنووته غيرت الدعووه وهذا الي سهل علي حملها وولادتها والله يابنات ماعت ضت يوم عرفت انها بنت برمضان كنت ادعي ربي يجيبها بالسلامه ويرزقني الحمل الجاي ولد كانت هذي دعووتي ماعترضت وقلت لا يارب يطلع ولد لا قلت الحمدلله يارب سهل ولادتها وحملها وبهذي الدعوه ربي سهلها على الحمدلله ووحام ماتووحمت نهائيا كاني مو حامل حملها كان خفيف لدرجه ان بالتاسع احس كان بطني فاضي ومافي شي وخفيفه مرا المهم كانت عندي مواعيد بسبب قله المويا وتعكرها بمستوصف الجزيره بحي النسيم عند الدكتوره دعاء الله يهديها بس عيشتني الشهر التاسع كله بهم كنت ارجعها كل ثلاثه ايام اسوي سونار اخر شي اتصلت على زوجي الاربعاء الي فات وقالت ممكن تجون الخميس الصباح ضروري رحت لها وسوت اشعه وقالت خلاص بنحسم القرار انتي لازم عمليه الجنين متبرز ببطنك ومويته قليله اصلا لازم نفتح عمليه بس انا ماقدر اباشر حالتك لاني بسافر مؤتمر راح اكلم الدكتور وليد الراعي بمستشفى الجزيره تروحين له اللحين وتخلصي اجراآت العمليه واليوم تولدي طلعنا من عندها انا وزوجي وبناتي واتجهنا لمستشفاهم بالطريق زوجي يقنعني بالعمليه لاني رافضه لان ولاداتي كلها طبيعي وصلنا الدكتور سوا سونار قال المويا قليله بس ايش رايك اخلي الدكتوره مرفت تكشف تشوف كم فاتح الرحم كشفت لقته اثنين سانتي قال الدكتور ايش رايكم نحاول طبيعي هينا انا رفضت لان الدكتوره دعاء الله يهديها قالتلي مافي فايده طبيعي واح نتعبك بطلق صناعي واخرتها نسوي لك عمليه قال الدكتور برراحتك الي تبغيه عمليه طبيعي زوجي اصر عالطبيعيه هينا انا قلتله دكتور ابي بنج قال فيه ابره ظهر وهينا رفض زوجي وسكت الدكتور قاله ابره بالظهر لا وانا دمعت والدكتوره مرفت الله يوفقها هاوشت الدكتور وزوجي قالتلهم ياجماعه اتروكها براحته الي تامرين به حنا ننفذه لاتقلقين كلنا معاك والله معاك راح زوجي يسدد لهم وجت الممرضه تطلعني فوق تجهزني سالتها دفع حق ابره الظهر قالت لا وانا والله يوم شفت غرفه الولاده جاني الرعب دقيت على زوجي قلتله ترررجع الاحين ولا والله انحاش هههههههههه هو اصلا راجع البيت وخاف شافني جاده بكلام قلتله تدفع حق الابره ولا ترا عباتي علي قال لا لا انا جاي ورجع ودفعها ويوم دفعها عاد وانا ابداء استعد لبست لبسهم واعطوني الحقنه وجت القابله الله يسعدها ويرزقها الفردوس الاعلى هي طلبت من ادعي لها هذي الدعوى وهي اردنيه وجلست تقول لاتقلقي وكذا وتسولف معاي جات الدكتوره مررفت فكت مويا الراس كان مولم بس لو اخذتي نفس وفتحت رجولك واشغلت فكرك بالدعاء ماراح تحسي بشي انا كذا جلست ادعي لكل الي احبهم والحمدلله ماحسيت بشي بس الصدمه ان المويا كانت نظيفه والجنين مو متبرز ولا شي جا دكتور التخدير مصررري نسيت اسمه بيعطيني الابره ماتوقعتهم يكشفون ظهري كله حاولت اقفل واخلي بس مكان الابره الممرضات رفضو والله كنت ادعي اقول يارب استرني يارب وجلست اقول وجعلني من بينهم سدا ومن خلفهم سدا فاغشيناهم فهم لايبصرون كنت مابي الدكتور يشوف جسمي بس الشكوى لله المهم على هالدعاوي طول الدكتور ورا ظهري مدري وش يدور حسيته ضربني الابره كذا مرا مالووومه صرراحه دعاوي قوويه بس كان يعتذر كثير انه طول ويقول انا اسف معليش حبه واخلص وزي كذا لحد ماخلص وانسدحت وحط الابره بالانبوب الي ركبه وبديت احس بتنميل برجولي بعدين ثقل وبعدين خلاااص لو قطعتيها ماحس فيها اللهم لك الحمد اقسم بايات الله انها نعمه من ربي جربت الولاده من غير مسكنات يارب فرررق فررق الحمد لله ياارب جلست اسولف واضحك والدكتور مرفت الله يسعدها مرا تلعب بجوالها ومرا تسولف عن اوضاع مصر ومرا عن الرسول والصحابه كانت جلسه ممتعمه بشكل وانا معاهم اسووولف ويكشفو بررراحتهم ماحس بولا شي كل هذا والطلق واصل السقف عندي الدكتور وليد جا يضحك يقول علي هالطلق المفروض راميه نفسك من الشباك قولي الحمدلله وجلست مو مصدقه لحدمابعد ثلاث ساعات بالضبط قاسو قالو تسعه سانتي هينا انا ارتبكت قلت للدكتور متى ادخل غرفه الولاده قالت هذي غرفه الولاده الي احنا فيها بس راح نفك السرير ونجيب العده قلتلها البسي وجهزو يالله ضحكت مرا ههههههه قالت انتي مستعجله بقى راحت لبست وجهزو السرير وجت القابله وممرضه التخدير وممرضه التوليد وممرضات الحضانه وممرضتين لتنظيف اول مرا ماعرفت ادفع بسبب اني مو حاسه بش وقالت الدكتوره لاتدفعي لحد ماتجي الطلقه نشوفها على جهاز التخطيط جت الطلقه وحاولت ادفع مره ثانيه بان الراس شوي المهم جات الطلق الثالثه وانا ادفع والطاقم كله يشجعني اني اكملها للاخير بنفس ووواحد كملتها ولله الحمد وطلعت احلا بنووته الدنيا طلعوها من بطني تبكي شكلها كانت تبكي جوا هههههههه قصو الحبل السري اخذوها ممرضات الحضانه وبداء التنظيف والخياطه وانا طول الوقت اقول الحمدلله الحمدلله الحمدلله خلصت خياطه ونظفووني وفكو ابره الظهر ونزلوني غرفتي تنويم وانا اقول الحمدلله ماقدرت اووقف ماكنت مصدقه اني ولدت كنت خايفه يكوون حلم دخلت غرفتي لقيت زوجي وبناتي قالولي انهم شافو البيبي اول ماطلعوه الحضانه زوجي حسيته فرحان بس حسيت وجهه كانه كبير بالعمر دعيت له ربي يصلح بناتنا ويرزقنا الولد متى ماراد الله الحمدلله يارب جلس مفعول الابره اخذتها 12 الظهر راح مفعولها 11 باليل كان مفهولها يروح بالتدريج مو مرا وحده.
نجي للمستشفى طاقم التوليد والدكتوره مرفت والقابله والدكتور وليد ماعليهم كلام اهتمام ويخففو عنك مرا قسم الحضانه صراحه مهملين ويماطلو مايجيبو الطفل ترضعينه ولما جابو بنتي وصخه مرا مستفرغه من حليبهم ويرضعوهم غصب قسم التنويم والغرف بعض الممرضات كويسات بعضهم لا هذي تجربت وولادتي بابره الظهر والطلق الصناعي انصح كل بكريه او اي وحده ناوويه تولد تتوكل على الله وتاخذها ندمت ندم عمري اني ماخذتها بولادتي الاولى لاني شفت المموووت فيها بالنهايه ادعوولي ربي يصلح بناتي ويرزقني الولد الصالح ويرزق كل محرررومه الذريه الصالحه.
بالنهايه اعدروني اكتبلكم من جوال مدري كيف الخط تشوفونه او لا واسفه على الكلام الي مرتب .