قصه ولادتي بمشيمه متقدمه وصدمه كانت بعد العمليه💔😭

راح اكتب لكم قصه حملي الثالث
طبعا حملي السابق كان شوي متعب بالخصوص بالبكر كان عندي مشكله مشيمه مغطيه جزء من عنق الرحم والوحم مررره شديد وخبركم حملت بعد تاخر فكنت بحاله خوف استهلكت نفسيا وجسديا بحملي مافكرت ان اولد طبيعي او عمليه كان همي اقوم انا والبيبي بالسلامه والحمدلله ولدت طبيعي وجبت ولد الثاني مر بسلام ماانكر الوحم كان شديد ربي سهل ولدت طبيعي وجبت ولد اعمارهم متقاربه طبعا كان عندي اسقاط باول حمل لي وبعد بكري فصار الناس ماعندهم سالفه الا انا ماغير تحمل متقطعه ع لعيال كل شوي نسمع انها حامل ولي من تشوفني تقول اكيد حملتي وفوق كذا اللي تجي وتقول خلاص امسكي عمرك لاتحملين عيالك صغار وحركين قررت انا وزوجي ان نجيب مولود جديد بعد ما صار عمر ولدي سنه و١٠سنوات الصغير وحملت الصدمه ان بعد حملي ماشفت احد يبارك لي كثر ماينتقد ويتهجم ليش حامل واللي تطالع بنظرات ان كانها تقول حمدلله وشكر ماغير بس تحمل المهم نجي لسيرة الحمل مر حملي بسلام لشهر سادس ماانكر وحامي شديد وبالعاده بكل عيالي للولاده بيوم بعد صلاه المغرب شفت دم ارتعبت اول مره يصير لي كذا لدرجه صرت اتوهم ان معاي الم وقت خلاص هذه دليل ان ولاده مبكره ورحت ع طول المستشفى عملت سونار وكشف وكل حاجه سليمه قالت يجوز من الاجهاد ولازم ترتاحين ظل الدم كل بين فتره ينزل مو عارفين السبب وكل مره اسأل عن وضع المشيمه يقلون وضعها كويس وبمره قالوا لا المشيمه نازله مااهتميت قلت مصيرها بترتفع مثل ماارتفعت بحملي اللي قبل وغلطتي ان مجرد مايتوقف الدم وارتاح كم يوم ارجع بعدها للكرف بشقه ومراكض مع لعيال وربي مارحمت نفسي حتى الفرش ثقيل ارفعه وازحف بالكنب صحيح ماقلت لكم بالذات بهذه الحمل كنت ع طوووول احمل بكوابيس مخيفه ثعابين قطط حشرات وزواحف تحاول ان تهجم عليه بس احاول ابعدها عني لدرجه قلت خلاص ماراح يتم حملي بسبب الكوابيس الحمدلله ان مداومه ع الاذكار والقران بيوم رحت وعمل لي استشاري اشعه وقال المشيمه مغطيه عنق الرحم بالكامل وخلاص تنويم للولاده مو فاهمه شنو مغطيه ومن هالكلام رفضت تنويم بحجه ان ماابي هالمستشفى ولا لي نيه اولد فيه اللي اتابع فيه عندي معاهم موعد بعد عشر ايام قلت بنتظر موعدي عندهم بروح وهنا وقعت انا وزوجي برفض وع رغم قال خطر عليك وع البيبي بس مااستوعبت هالكلام قررت اروح لامي ارتاح. لكن صدمه ان بعد جم يوم فجأه دون سابق انذار او علامه او اي الم جاني نزيف ورحت ع طول المستشفى لي رحت لهم من قبل لان هو اقرب مستشفى حكومي مستشفى نساء والولاده بالاحساء والمستشفى اللي اتابع فيه مجمع ملك فهد العسكري بالظهران يعني مشوار ساعه و١٠دقايق صعب بروح ومعاي نزيف دخلوني ع طول شافني الاستشاري قال احتمال راح ندخلگ عمليه 😩 ع رغم توني بالسابع ع حسابهم بس الحمدلله شافو الدم خف بالتدريج وخلاص ساعتها اضطريت اتنوم ع رغم قلبي متقطع ع عيالي وكيف راح اتركهم فتره طويله ومن هالكلام المستشفى من ناحيه الاطباء خبره وعندهم افضل الاطباء بالاحساء ومرت عليهم كل الحالات الحرجه لكن عيب المستشفى زحمه بالحيل المعامله زفت عندهم نقص بكل حاجه اقربها انا معاي نزيف واطلبهم فوط صحيه تقول مافيه دبري عمرك ماعندنا 🤔 وش ادبر عمري باخر لليل قياس السكر بابر تطعيم لان ماعندهم جرس بالغرف مافيه تصرخين مااهتمو فيك قومي وناديهم بنفسك 😩وغير الاسلوب الا من رحمه ربي قليل اللي تتعامل معاك كويس حتى الاستشاري اللي ماسك حالتي اكلمه ويمشي ولا فكر يسمع لي سلامات انا بوضع احتاج دعم نفسي بعد مو بس تشوف وتروح من غير نقاش وغير انواع الحالات اللي تجي واللي تطلق قررت بعد مااستقر وضعي اروح بالمستشفى اللي اتابع فيه وكلمت الاستشاري قال تخرجين من عندنا وع طول تروحين للمستشفى اللي بتابعين فيه رحت واول مارحت جات الاستشاريه اللي تتابع حالتي وسوت لي سونار رباعي وقالت معاك مشميه متقدمه ولادتك بتكون عمليه لكن من المحتمل وقت العمليه يحصل لك نزيف وهذه شي جدا متوقع لان المشيمه ع عنق الرحم ويمكن مايحصل انقباض لعنق الرحم مانقدر نسيطر ع النزيف الا بتصرف اولها راح نعمر غرز للرحم ولازم توقعي ع كل حاجه ثانيا لو مانفع ربط شراين ولو مانفع اشعاع هذه مافهمت وشو ولو لسمح الله مانفع نشيل الرحم هنا صدمه 😭 قالت لاتخافي هذه حالات نادره وتكون ٣٠بالميه قالت ولازم يتوفر من بنك الدم لك فيه حال لو نزفتي انا هنا مررره تعبت سألتها قلت انا شفت حاله شالو رحمها وكذا بسبب مشيمه ملتصقه قالت لا تطمني مشيمتك مو ملتصقه ومستحيل لان ماسبق لك العمليات ومن هالكلام ماانكر المعامله فوق الممتاز بغرفه تنويم بس ملاحظه يعني ع طول يشفون وضعي قالت ع الاسبوع ٣٧راح نسوي العمليه فيه حال لو ماجاك نزيف انا هنا انهرت قلت لا صعب بنتظر شهر وعليها وغير كذا ماراح اتحمل من تفكير سوي لي العمليه بالاسبوع ٣٥نهايه الثامن قالت مستحيييل اطلبي اي حاجه الا ان اولدك قبل يتعب البيبي ويدخل الحضانه وحرام تعبك يروح وماتضمني يعيش او لا واقتنعت قلت انا عيالي اجيبهم بدري قالت عيالك يجون هم مستعدين للخروج مو احنا نطلعهم ومن قالك راح تقعدي ٣٧اسبوع يمكن ماتقعدين ومرت الايام والاسابيع وانا ماغير اتامل خير ومره ابكي وكلما تذكرت عيالي تخنقني العبره وش راح يصير فيني وجاتني وساوس يمكن ويمكن وبيوم من الايام صحيت لصلاه الفجر الا جاني نزيف بصدفه الممرضه موجوده قلت لها بسرعه نادت الممرضات خلال دقيقه شفت بالغرفه ٦ممرضات و٤دكتورات وانا ماغير ارتعش من شده الخوووف تقول لي الدكتوره ليش خايفه انتي بالمستشفى واللي تحط المغذي واللي تاخذ تحليل واللي تكشف كميه الدم واللي تغزز بالابر وانا مرعوبه وجهزو سرير علشان يدخلوني بغرفه الولاده استعداد للعمليه لو راح اسويها ونسيت ماقلت لكم قبل مااولد سالت الاستشاريه اقول لها لو جاني نزيف بوقت غير دوامك من راح يسوي لي العمليه قالت لاتخافين احنا مجهزين كل حاجه من حضانه للبيبي محجوزه لك وغرفه العمليات نفس الحاله وكل استشاري يوميا يطل ع ملفك لو فيه حال السكن قريب المهم من حظي ان بوقت الدوم جات الاستشاريه طبعا شافو ان دم خف شوي وقالو بننتظر تجي الاستشاريه كنت وقتها بالاسبوع ٣٤ وماكان ودهم اولد واللي تقول معليش ان شاء الله ماراح تولدين ومن هالكلام واللي تحاول تطمني وبعد ماجات الاستشاريه فحصت من برا باصابعها طبعا مادخلتهم داخل لان خطر قالت اعتذر مضطره ادخلك العمليات لان ااحتمال راح تنزفي ومانقدر نسيطر ع نزيف قلت اوك قالت هم لازم اتاكد من بنك الدم اذا متوفر وبعد مادخلت طلبت من دكتور تخدير بنج نصفي قال اوك ويوم جا استشاري تخدير قال لا ممنوع نصفي مثل وضعك انتي راح تنزفين بالعمليه ونخاف تصير مشكله راح نسوي لك كامل انا هنا صرت ابكي مرتعبه المهم بعد مافك البنج اول ماسألت دكتور بوجهي تخدير قلت انا وش جبت بنت او ولد😂 قال بنت لان مو مره متاكده ان بنوته فرحت بعدها قلت وش صار لي بعمليه قال ابد بس ركبنا لك دم خلاص ارتحت بس قعدت افكر بوضع البنوته وكلما اسال يقلون اكويسه رحت بغرفه الافاقه وجا زوجي وتطمن ع البنوته وان كويسه بعد ماطلعت من الافاقه دخلوني بغرفه ثانيه بالملاحظه وجات الاستشاريه مع دكتوره ثانيه وانا فرحانه مادري وش سالفه قالت الحمدلله ع سلامه قلت الله يسلمك واخيرا افتكيت قالت بس حابه اقولك ع حاجه وش صار لك 🤔😩 قالت اول مافتحت الرحم انصدمت ان المشيمه ملتصقه بالرحم وقعدت اشيل واشيل فيها وانتي تنزفي وكميه نزف مو قليله ووقدرت اشيل اغلبها لكن باقي قطعه صغيره ملتصقه بالحيل لو بشيلها ياتنزفي يااشيل الرحم واضطريت اسوي غرز بداخل الرحم علشان نسيطر ع نزيف تقول اضطريت اخلي القطعه وقالت بخليك عندنا اسبوع ع المضاد وقالت احتمال خلال هالاسبوع لو جاك نزيف يمكن اضطر ادخلك عمليه يومكن نتبع نفس اللي اتبعنا ويمكن نشيل الرحم ع رغم حالات نادره قلت مااهو انا صرت من الحالات النادره تن تكون عندي مشيمه ملتصقه قالت انتشرت هالامور وطمنتني ان اكثر من حاله نترك مشيمه كامله بالرحم تكون ملتصقه بالرحم وخلال ٦شهور يمتصها الجسم وتختفي وانتي قطعه صغيره وقالت للمعلوميه لو حملتي يمكن تتكرر سالفه المشيمه ومشاكلها والاهم لاتقولين لناس تعرفين ليش الناس اغلبها تجهل هالامور وراح تخوفك ولاتسمعين كلامهم اسمعي كلامي انا اللي عارفه تجربتي بهالحمل خلتني اقول ان العين حق بالخصوص ان ببكري اخذت ابره الظهر للولاده طبيعيه وقلت للك ع نياتي افكر الكل يتمنى لي الخير لكن انثدمت من تنحيز ان ابد احنا نتعب واحنا عمليات وناس طبيعي ولا يتعبون مايدرون ان انا اموت طول الحمل ومقارنه ومن اللي قالت هالكلام وربي وانا بالافاقه دقت عليه قالت ها اش رايك بالعمليه جربتي الحين كانها تقول يالله حسي باللي نحس فيه 😳 وكنت ع نياتي من اول مااحمل اقول واقول لهم بالضبط متى موعد الولاده والتاريخ اخر دوره وكل حاجه هذه صفعه لازم اتعلمها بحياتي ادري طولت عليكم بس علشان الكل يعتبر من قصتي ويعرف ان مو كل ناس تتمنى لك الخير والحين لي والد ٢٤يوم واعطتني مواعيد علشان تشوف وضع بقايا المشيمه وقالت خلال ٣شهور او٦شهور يمكن تروح من نفسها او بنضطر نعطيك ابر كيماوي للي يعطون الحامل حمل خارج الرحم علشان تفتتها دعواتكم لي وللي مرت بتجربه مشيمه ملتصقه تقول