اول شي ماكان عندي طاري ولاده يوم جاء الظهر نزل معي مويه لزجه بدم وعلمت امي فرحت مرره لان موعدي مع الطلق الصناعي اليوم الي بعده
ورحت امشي يمكن نص ساعه ولا اشتد الطلق وقفت وجلست اتعصر
الله المستعانرحت مستوصف خاص ابي اكشف لو الرحم مفتوح مرره رحت المستشفى قالت 3سم رجعت البيت وابلع من ذا الرطب
والقرفه وانا امشي وراء زوجي اوقف بالزوايا اتعصر وامسك اقرب شي يجي يقول لي وش فيك يقهرررر
جالسه استعرض وش رايك
المهم رحت المستشفى العسكري قالوا مافي سرير وجلست انتظر بالطواريء منالعصر الى الساعه 10 تخيلوا مايدرون عن نبض الجنين ولا لمويه ولاشي وانا بالطواريء اتعصر واتمسك بالماصوره حقت المغذي شوي واحبها
وزوجي ازعجني يقول وش فيك خخخخخخاول مره يشوف وحده تولد مسكين وامي بس تنتفض من الحزن وتقرا علي وتنفث ولانفثت اقول يمه لاتفلين علي
قالت والله انك رايقه لاقمتي بالسلامه تروشي بصابون
بس والله مو حلو ان الام تكون مع بنتها لاشافتني امي اتعصر قامت تبكي اتالم جسديا ونفسيا وزوجي يناظرني كنه يناظر فلم حزين 
وجاء دكتور سعوديقال لازم نكشف على الرحم وتوه شاب وزوجي واقف والله زوجي شبت نار الغيره احراج والله تمنيت ماعندي احد
واخر شي لقوا سرير ودخلوني قسم الولاده ومنعوا امي وزوجي واخذت راحتي جلست ابكي على كيفي واتعصر محد يقول وش فيك هههههههه
وادخل ويلبسون ذا اللبس الفاضح مكشوف من ورا اتورط لاجيت اروح الحمام خخخخ تجي الممرضه تمسكه لي واسمع
ذا الحريم يصرخون اقول في نفسي وش ذا الحريم الي ماتذكرالله بس تصارخ يوم جاء اخر الليل واصف طابور معهم اصرخ
في البدايه كان الطلق من 40 الى 50 وتحملت بس ارتفع الى 114 و118 الله المستعانعاد هنا ماتحملت والله بكيت بس ادعي اكثر شي اقول يارب اجعله بردا وسلاما ويمسكني الطلق من الظهر الى الساعه
2ليلا وامي تخيلوا من دخلنا المستشفى العصر الى الساعه 3 وهي تنتظر وتدعي وتبكي لدرجه كل المستشفى عرف امي
وصاروا الدكاتره يعرفوني وياخذون اخباري ويعلمون امي برا وتدق على تحويلتهم وتكلمني ولا مسكني الطلق رميت
السماعه ولا فكني جلست ادور السماعه والله حالتي مستعصيه هههه
والحمدلله يوم جت الساعه 2 وربع الا واحس اني ابي الحمام الله يعزكم وانادي النيرز وجت قالت ولاده ويالله ادفع كويس
يقولون ماشاءالله كويس ويحمسوني وادفع تخيلوا مااقدرت فيني لوز وحراره وجسمي هاده الطلق والحراره لادفعت وجاء
الراس بيطلع وقفت واخر شي بعد معاناه طلع الراس بعد توسيع اول مايطلع الراس خلاص يزلق الجسم بس والله حبيبي
طلع راسه مطبات من كثر ماادفع واوقف بين في راسه لاشفت راسه ارحمه ودي ابكي خخخخ
بس تصدقون الطلق حامي قوه قوه والولاده لسى عليها قالت النيرز انتي اشرب قرفه قلت ايه قالت خلاص تحملي
وكل ماجابوا شي اقول وش هذا طلق صناعي
قالوا ليش انتي يبغى طلق صناعي طلق انتي حامي كفايه انتي اشرب قرفه ههههههههوجابوا دكتور يخيطني غطيت وجهي يضحكون علي الممرضات شكلهم يقولون مغطيه من فوق ومن تحت كل شي طالع
وجايب معه طالب امتياز الي يطبقون ويشرح له كيف الخياطه مالقى الا انا يشرح علي ياشين الاحراج اخر شي حسيت زي الاغماء من التعب
ودوني قسم الملاحظه وماصدقت على الله انام اااااااااااااااااااااااااه يازين الراحه بس والحمد لله بشروا امي وراحت امي البيت
ودوني قسم التنويم بس والله الشاهد ممرضات روعه روعه قمه الاخلاق وحده اسالها اقول متى ولاده قالت الله كريم وتقول لامي باقي 3ساعات او 4 ساعات بس ماعلمتني عشان مااطفش ويساعدوني لاطلبتهم فوطه ودوني الحمام بنفسهم
والله النشبه خخخخويججلسون يراقبوني والله احسهم مهتمين مررره
نسيت اقول طفا الكهرب قامت امي تبكي خافت علي قاموا العسكر تجمعوا عليها يحسبونها خايفه من الظلام ههههههه قالت حسبي الله عليكم بنتي تولد ياويلكم من الله قالوا لاتخافين عندهم كهرب احتياط ياحليل امي والله ياهي تعبت معي
يالبى قلبها بس ومن ضمن المواقف المضحكه زوجي ماسك الكيس حقي فيه قميصي ملابسي الداخليه ويدور فيه بالمستشفى والكيس شفاف قالت امي يابن الحلال انطله قال لو مافيه ملابس داخليه نطلته ههههههههههه تقول جنني يقول امسكي الكيس لايضيع ههههه
وسلامتكم والله باقي مواقف بس خلاص تعبت من الجلسه ولدي يبكي فقدت النوم يابنات ااااااااااه ياللنوم ادور له وينحاش عني وعقبى لكل وحده يارب ونصيحه انتبهوا من القرفه الا اذا تاكدتوا ان الرحم مفتوح ومع السلامه في حفظ الله ورعايته يمكن مااعد ادخل زي اول بذا القسم بس باطلطل عليكم
تحيااااتي (نونو خالد )
والله يخليلك اميمتك
اما زوجك والكيس توحفة خخخخخخخخخ