قصه ولادتي <عنوان معدل

السلام عليكم ..قوه خواتي بنات حواء من زمان ودي انزل ذا الموضوع لعلي اضفر بدعوه حلوه من كل وحده استفادت من تجربتي ..المهم هاذي خلاصه تجربتي بولادتي الاخيره كان موعد ولادتي اول رمضان كانت النفسيه زفت ثقيله وودي اولد قبل رمضان او الحق على العيد والجنين كان راسه تحت من اول الرابع والوضع صعب المهم كنت مسنتره قدام النت ابحث وادور اي شي يحرض على الولاده ماخليت خلطه ماجربتها وياليتني استفدت بالعكس تدهورت النفسيه وطال الوقت علي وهاذا من اكبر الاخطا اللي تسويها الوحده بالتاسع ...جربت كف مريم والمويه الحاره اجلس فيها واتسبح فيها والخروع والحلتيت و مشيت اللين انكسر ضهري وورمت رجولي والمفضله مليانه من الوصفات والخلطات وماحصلت غير النفسيه المزفته ..الزبده جتني الولاده وانا نايمه الساعه 11 الصبح ثاني يوم برمضان حسيت المويه تنزل والطلق مستمر وشربت كف مريم وقرفه قبل اروح للمستشفى ووقف الطلق عني والرحم فاتح 3سم وهاذا من الاخطا المهم عرفت وايقنت ان الولاده ماينفع معها التجارب والخرابيط والمفروض الوحده تتكل على الله وتفوض امرها له وتحرص على اكل التمر فقط وانها ماتكون جوعانه كولي اي شي خفيف وانصحكم خواتي بكتاب الافاده بما جا من اذكار الولاده وقراة سوره مريم ويس والزلزله والانشقاق بما زمزم وشربه ومسح البطن منه واخذ لو مبلغ بسيط بشنطة الولاده والتصدق فيه على عاملات النضافه بالمستشفى ولا تنسين الدعا واذكار الصباح والمسا والحرص على الكتاب والاستمرار على الاذكار اللي فيه وبتشوفون النتائج باذن الله وياليت بالتاسع ماتدخلون ذا القسم لانه هو السبب بالحرص على سرعة الولاده وخوض التجارب اللي اغلبها فاشله وانعدام الصبر واخيرا لاتنسوني من صالح دعواتكم ان الله يهون علي ويرزقني البنت الصالحه السليمه وصلاح زوجي وابنائي .. وياليت كل وحده تستفيد من تجربتي تدعي لي اختكم ام فلونه