قصه ولادتي فيها اكشن ومجازفه بكريه ههههه

راح اكتب لكم قصه ولادتي

طبعا لي هالحين 4شهور ونصف من ولدت
تاخرت بس يالله لان نشغلت شوي غير كذا حملت وسقطت ماعلينا
طبعاااا انا بكريه ومتاخره بالحمل ومتلهفه ع شوفت جنيني
ومعروووفه عند الناس اني جباااانه
وحامي بالحمل شديد الى يوم ولادتي صارت مشكله بحملي نزول المشيمه وغطت جزء من عنق رحم وصرت بخوف وقلق من نزيف والولاده المبكره واخسر جنيني عشت ايااام مايعلم فيها الا رب العباد
المهم نجي للقصه نهايه الثامن كان عندي مراجعه مع الاستشاري وطمني ان المشيمه ارتفعت وقال في امل كبير ان تولدي طبيعي عاد انا قاطعته بالكلام وقلت لا ماابي طبيعي اولد اهووو انصدم وقال ليييش قلت خااايفه ومن خوفي اخاف اشد ويمكن بنقص الاكسجين عند البيبي ويتعب قال لاتخافي وجربي تاخذي ابره الظهر قلت كيف وانا اخذ حبوب الاسبرين مسيل لدم ومايصلح اخذها قال مجرد ماراح توقفيه ولو قفتيه قبل الولاده بعشر ايام راح تاخذيها ان شاء الله وهو مقرر لي اوقف الاسبرين بعد تاسع باسبوع موعدي كان شوي بعيد لان يصادف عطله الحج ومافي عيادات
المهم دخلت 3يوم من التاسع وكان في 7ذو الحجه باليل طلعت مع زوجي ع المجمع تمشينا وبعدها تعشينا ورحت لصديقاتي اسولف وعادي ماكو اي حاجه رجعت بالبيت وزوجي قال بسهر عند ربعي
للمعلوميه انا ناويه اولد بالمستشفى مجمع الطبي ملك فهد بالظهران وانا بهالفتره صرت بالحسا عند اهلنا قلت بعد العيد برجع وماراح انزل ع الحسا لان مسافه الطريق ساعه و10دقايق
نرجع لسالفه زوجي خرج مع ربعه يسهر وانا انشغلت بالواتس اب مع قروب خالاتي وعماتي وبمزحه قلت لهم ولدت ههههههه الكل مو مصدق ويضحكون ان مستحيل
ماادري وش اللي خطر في فكري ان اروح المستشفى بوقت متأخر قلت اطمن ع البيبي واسوي لي تخطيط لان موعدي بعيد فرصه اروح هالوقت ماكو زحمه ولا شي مستشفى الولاده بالاحساء الحكوومه
دقيت ع زوجي وقلت له احس بالم بسيط وغرريب عاد شوفو الكذب ههههههه بس عشان يوديني
وجاني واحس مو مقتنع لان من كثر مااوسوس ودايم اروح زهق مني
رحت ودخلت وقلت احس بكيت وكيت وزودت شوي وان لي 3ايام من التاسع قالت هياااا الى سرير
سوت لي سونار وطمنت ع البيبي قالت يالله كشفيه يمه بسم لله قلت لا ماابي ابي تخطيط قالت ماينفع لازم كشفيه ماراح نسوي لك تخطيط ومنا ومناك اقتنعت وانا بموووت من الخوف من الم الكشفيه مرعوووبه المصيبه وهي تكشف انا خلاص صرخت صرخه ماعمري صرختهاااااا من شد الالم واشد بقوه وهي تصرخ علي وتضربني آه يالقهر وفجأه قالت لي ياست ذي ولاده 6سم مفتوح الرحم انا هنااااااااا انهرت خلاص بكيت بصوت عالي ماابي اولد عندكم ماابي ابي اطلع لان عارفه اسلوبهم ومعاملتهم الزفته وكان ضغطي مره مرتفع من الخوف وصدمه ودقيت ع زوجي وانا ابكي هو ارتعب ودقيت ع امي واناااا ابكي قالت وين تبين تروحين قلت ابي ارووح الظهران صرخت بوجهي قالت مجنوووونه الجنين نازل جدااا ورحم مفتوح ماتقدري تطلعي قلت بطلع واللي فيها فيها قلت اقلها اروح الحرس اللي بالحسا ع رغم مايستقبلوني لان زوجي مو بالحرس عسكري
وقعت وختمت وقع زوجي وبسرعه بسرعه ع طول رحت الحرس وتاخروا علي وبعدها جات الدكتوره وكشفت قالت الرحم مفتوح 2سم كيييييف وشلووون اهنا صدمه لان ماراح هم يستقبلوني لان بس 2وقالت البيبي مره نااازل وماعندك اي مؤهلات نستقبلك روحي المستشفى اللي جيتي من عندهم وانا اشوي وابوس رجولهم حسبي الله عليهم ابي اولد عنكم تكفووون ماابي اروح لهم وانا ابكي اترجاهم قلت اجل بروح ع ظهران قالت لا مايصير وصعب وكيت وكيت المهم بعد محاولات من الاقناعم ان يخلوني قالت خلاص اذا انتي بكريه روحي ع ظهران لان البكريه تطول وقالت امسكي الخط الحين يعني ابد لاترجعي البيت ولاتجهزي حاجه ومجرد ماتحسي بحاجه اقرب مستشفى بطريق روحي فيه بالذمه وش هالمستشفى اللي بالخط سريع بحصل ورحناا وانا اقول لزوجي لاتسرع وانا وزوجي ع اعصابي ووصلت ولله الحمد ع ساعه 5الفجر المستشفى وع طول دخلوني وكشفوا علي واعصااابي هدت وضغطي نزل كويس احس رتحت سبحان الله حتى الكشفيه حسيتها خفيفه يمكن المعامله لها دور كانت معملتهم مره ممتازه وكشفت دكتوره قالت تخطيط في طلق ورحم مفتوح 4سم يعني ولاده قلتها دكتوره انا ابي ابره الظهر بس ترى اخذ حبوب سيوله الدم وكيت واخر حبه اخذتها بالمغرب قالت اجل اول نسوي لك تحليل اذا طلع مافي سيوله بالدم نعطيك ايها المهم صعدوني فوق بالكش الولاده وانتظرت ساعه وعليها تطلع النتيجه التحليل
وزوجي طول الوقت معاي وكان طلقي بارد قالوا تحتاجي طلق صناعي يمه بسم الله طلعت النتيجه وكانت كويسه انتظر دكتور تخدير وانا ع اعصابي جات دكتوره كشفت علي قالت 5سم وجابت العصه وفكت المويه طبعا وقت الكشفيه يطلع زوجي ويكون بيني وبينه ستاره
جاني دكتور تخدير عطاني الابره واخذتها وبعدها حطوا لي طلق صناعي وقالت لي القابله ماشاء الله معاملتهم مررره ممتازه ع ساعه 4خلاص راح تولدي وكل بين فتره يكشفون قالت يالله 7سم وشوي ع 3ونصف قالت مدام 10سم ولاده وخففت جرعه الابره وصرت احس بالم خفيف وقالت لي اذا حسيتي بالالم دفعي طبعا زوجي خلف الستاااره وجهزوا سرير البيبي اه بس ذي الحظه مااقدر اوصفهااااا وادفع بكل قوتي وظليت نصف ساعه ع دفع وبعدهااااسمعت بكاء طفلي حمووودي وكنت اقووول لها عطيني ويه وعطتني ثواني وع طول خذته بس قالت مدام شوفي هذا ولد وبعدهااا ع طول سوهااا علي هههههههههه من اولتهااا هذا جزاي
زوجي سمع بكاء طفل وع طول بيدخل علي بس مسكته الممرضه قالت ممنوع لان ابد وضعي مايسمح دم وقرف وحاله ارتحت شوي وجات دكتوره حبوبه خيطتني خياطه حلوه
واخذو ابني ع طول للحضانه الخاصه لان صار عنده النفس سريع مع دقات القلب صار تحت الملاحظه كم ساعه صعدوني لغرفه ع ساعه 7 زوجي ع نهايه الزياره مشى وهو خلاص منتهي يوم كامل مانام ولا انا بعد بس من فرحتي طار النووم ههههه
والحمدلله باليوم الثاني طلعت مع ولدي بالسلامه
المستشفى روعه ونظافه ومعامله ممتازه الكل يقول جازفتي يوم طقيتي مشوار للمستشفى بس انا اقول لشي يستاهل الحمدلله اعتبر لو ظليت بالولاده عندهم اعتبرها هذي المجزفه لان ماراح يهتمون فيني ولاعندهم ابره ظهر ولا راح يكون زوجي معاي وهذا اهم حاجه اشياء كثيره راح افتقدها لو ولدت عندهم وبث