قصه ولادتي في فتيحي وابشركم يااكتوبريات بسلامه ولدي وهو بحضني

السلام عليكم ورحمه الله وبركاته 

حبيت اقولكم قصه ولادتي وخاصه بنات تجمعي مواليد سبتمبر واكتوبر لان ايام ولادتي ولدي كان بالمستشفى ووضعي صعب 

وابشركم يااخواتي ولدي رجع لحضني اللهم لك الحمد جلس بالمستشفى شهر كانها سنه 
مابين الاجهزه والابر وفي العنايه المركزه وممنوعه زيارته بس ربي كريم الان اكتب لكم وولدي حبيبي قدام عيوني الحمدالله حمدا كثيرا طيبا مباركا فيه مشوار علاج ولدي لسه ماانتهى الحين كل بعد ساعه عنده علاج والمراجعات مستمره اللهم لك الحمد قادر ربي يحفظه لي ويلبسه ثوب الصحه والعافيه عاجلا غير اجلا
لكل من لايعرف قصه ولدي ولدي انولد بعيوب خلقيه في القلب في الشرايين وعمل عمليه من اعقد واصعب العمليات وعشنا ايام الله لايوريها لمسلمه ابي كل وحده تدخل موضوعي تدعي لولدي بالشفاء الكامل عاجلا غير اجلا لان لسه بيسونه له عمليه بعد مايكبر شوي بس الله كريم قادر يحميه يارب 

قصه ولادتي انا من يوم دخلت الشهر التاسع وانا ابغى اولد وطفشانه وخايفه من الولاده كنت استخدم مثبتات ابر وحبوب من اول ماحملت لين الشهر الثامن  وفي الشهر التاسع مامشيت ولاسويت شي بس كنت اشرب يوم بعد يوم كوب يانسون والجماع احيانا واخر اسبوع من التاسع شربت قرفه طبعا الرحم كان فاتح 1 سم لما شربتها وفي اخر اسبوع من التاسع رحت لدكتوري وسو لي تحريض وتعبت شوي بعدين اختفى الالم المهم اخر يوم بالتاسع كان عندي موعد ورحت للدكتور وانا ابكي ابغى اولد قالي خلاص بعد يومين نتقابل في المستشفى بعطيك طلق صناعي قلت له لا ابغى اولد اليوم قال انا عندي امل تولدي هاليومين ويجيك طلق طبيعي كان الدكتور مررره متفائل انو يجيني طلق طبيعي 
وكشف علي الدكتور وقال الرحم فاتح 1 ونص وانا وسعته شوي طلعت من عند الدكتور خليت زوجي يوديني السوق مشيت بالسوق كثير لفيته مرتين وكان جدا كبير السوق وكنت امشي واضغط ع رجلي بقوه في الارض لان الجنين كان فوق مانزل الحوض وبطني مرتفع المهم مشيت من غير مااخذ راحه وبعدها طلعنا تعشينا بمطعم 
ورجعت ع بيت اهلي وانا تعبانه دخلت نمت قبل انام جلست استغفر وادعي وقلت يارب اصحى ع الطلق الطبيعي واولد اليوم يارب جلست اكرر الدعوه لين نمت وع الفجر صحيت وسوت لي امي كوب يانسون وبعدها قرفه وصحن تمر وبعدها قمت مشيت شوي في البيت وطفشت قمت اطلع الدرج وانزل يمكن كررتها 8 مرات وع طول سويت تمرين القرفصاء وراء بعض وارجع الدرج واستغفر طول وقتي المهم ع الساعه 8 قلت لامي بروح انام ونمت وبعد نص ساعه اصحى ع الم ماعرفت انه طلق لاني بكريه قلت بنام ماعلي في الالم صرت انام نص ساعه واصحى من الالم ولما حسبت الوقت لقيته نص ساعه بين كل طلقه ماشاءالله تبارك الرحمن المهم قلت شكله بدري وماصحيت امي وكان فيني النوم كل مااجي بنام اقوم ابكي من الالم قلت خليني امشي يمكن يخف الالم صرت امشي واطلع الدرج وابكي من الالم من الساعه 8ونص الصباح لين 12 وانا ادور في البيت وابكي واتوجع موعارفه وش اسوي صار بيت الطلقات 5 دقايق ولا جا ع بالي اكلم زوجي او اصحي امي من الالم مو قادره افكر المهم صليت الظهر وانا ساجده مو قادره اقوم من الم الطلقه وشوي احس بشي نزل ولقيت دم خفت شوي بس لازم الالم والخوف مأثر علي ولا ناديت احد والطلقات ماعاد بينها وقت وشوي قلت بنسدح موقادره اوقف بدوخ بس انسدحت احس بشي نزل مني ولما وقفت انفجر كيس المويه كله وصرت اصيح مررره خفت ورحت ع طول عند امي صحيتها وقلت انكبت المويه خافت امي مسكينه وصارت تهديني قالت روحي تروشي وبكلم زوجك يجي ياخذنا رحت اتروش موقادره بس جالسه والمويه كل مالها تصب ماوقفت طلعت من الحمام ورميت نفسي ع السرير صرت اصيح واون موقادره البس ولا عارفه شسوي بس ابكي واقول يارب امي تسألني تقولي كم بين الطلقات موقادره ارد عليها خلت اختي تحسب لي قالت يمه بس دقيقه بينها امي جن جنونها وتلبسني ملابسي وعبايتي وتتصل ع دكتوري عشان يروح المستشفى وشوي جاء زوجي طبعا نزلت السياره ووصلت المستشفى وانا مااحس بنفسي اتوجع ومغمضه عيني موقاده افتح اتذكر وصلت غرفه الكشف وجات دكتوره وصى عليها دكتوري تكشف علي وتهتم فيني لين يجي اول ماكشفت علي قالت ماشاءالله لاحول ولاقوه الابالله الرحم فاتح 7 سانتي صرت اصيح اقول ابغى ابره الظهر جاتني دكتوره مصريه حسبي الله ونعم الوكيل فيها واعطتني الابره بس كنها دخلت نار في جسمي مو مهدى صرت اموت الف مره من الالم وابكي واقول ذي مو ابره ظهر مدري شسوت لي كانت الساعه 3 العصر جاء دكتوري قال الرحم فاتح 10 سانتي ماشاءالله وجهزوني لوضعيه الولاده 
وانا اصيح في الدكتور اقول انا ماتبنجت انا بموت احس حوضي بينفجر الدكتور استغرب ليه ابره الظهر ماسوت مفعول وصرت احلف له عشان يصدقني وامي وزوجي كانو معاي 
قالو من جد يادكتور البنت بتموت من الالم ولما سأل الدكتوره المصريه قالت ان جسمها مااستاجب للابره عشان الرحم فاتح كثير والقسطره مارضيت تدخل معها وراحت حطت لي مسكن حسبي الله عليها واختفى الطلق والرحم فاتح 10 لما جاء الدكتور يولدني قال انا شايف الراس بس الطلق فاتر يابنتي انا جن جنوني وابكي واتحسب عذاب والم واحس الحوض بينفجر اثاريه راس البيبي خلاص بينزل واجلس اتالم ع هالوضع لين الساعه 8 العشاء وجاء الدكتور ورحمني وارسلي دكتور ثاني وعمل لي ابره ظهر ثانيه قسم بالله يمكن 5 دقايق واقوم افتح عيوني واضحك واسولف مع امي وزوجي واقول ايه هذي ابره الظهر مو ذيك اللي عطتني اياها المجرمه والله العظيم هذي الابره نعمه من رب العالمين جاء الدكتور وقال الحمدالله روقتي قلت الحمدالله والساعه 8 ونص ولدني كنت مااحس بالطلقات بس هو يقول دفي وانا ادف تعبت وانا ادف في النهايه الممرضات صارو يضغطون ع بطني بقوه وانا ادف لين طلع البيبي اللهم لك الحمد اخذت الطلق كله والتعب كله من 8 الصباح ماارتحت الا ساعه وحده بالابره الله يكتب لي الاجر ولجميع الامهات 
ولادتي كانت في الطبي الدولي الولاده عندهم كويسه دكتوري كان من برا المستشفى 
دكتورات البنج ينخاف منهم لاتثقون فيهم مافي زي الدكاتره للبنج الله يكفيني شرها ذيك الدكتوره خايفه ع ظهري منها ربي يحميني الممرضات كانو حنونات وخدومات جدا المستشفى جدا نظيفه بس ماستمتعت بوجودي عندهم لان صباح ولادتي بلغوني عن مرض طفلي الحمدالله طبعا كان في استغلال مادي حطو ولدي في العنايه حقتهم وهم ماعندهم دكاتره قلب اطفال ودفعوني 20 الف للحضانه لمده يومين حسبي الله عليهم 
نصيحه لكل وحده تولد بخاص اذا الله قدر وقالو لك بنحط ولدك بالعنايه ارفضي وطلعيه مستشفى حكومي لانهم ياخذون اموال ع الحضانات من غير وجه حق لا علاج ولا شي بس يبون يسحبون فلوس 
الحمدالله هذي كانت قصتي اعذروني ماعرفت اصيغها بااسلوب افضل لان ولدي ماله يومين من طلع وطول وقتي معاه ادعو له ربي يشفيه ويعافيه ويخليه لي ولايحرمني منه