كيفكم ياحلوين ان شاء الله بخير
حابه اقول لكم قصه ولادتي في المستشفى النسا والولاده في بريده<<<الله لايبارك فيه
انا تنومت مده 3 ايام لان الجنين ماله حركه وتعبوني في الكشف والتخطيط وبعدين قرر الدكتوريعطيني طلق <<عاد انا خفت لان بكريه ومااعرف شي
قال الدكتور اختاري طلق صناعي او عمليه .اخترت الطلق وهو اللي حط التحميله ليه>>الله لاتفضحنى كان مالي وجهه
بس كان دكتور طيب في الكشف بس ماادري وش اسمه ماحسيت بالتحميله يوم حطها... اقولكن وش شكله هو رجال كبير وشعر اشقر مايل للابيض يا سوري او اردني..
يوم جاء العصر جاء دكتور ثاني مصري >>ياليته ماجاء حسبي الله على عدوينه.
حط التحميله الثانيه واوجعني وجلست ابكي بعدين بدات الولاده احس بتعب مرررة
وطلبت الممرضه الدكتور المصري عشان ايشوف ويكشف عليه >>وجاء الوجع بغت تطلع روحي من كشفه دخل يده كلها >>وانا اصرخ بأعلى صوتي من الوجع.وزوجي يجلس يتهاوش معاه يقول اوجعتها والدكتور يرد بكل برود ابغى اسهل عليها الولاده>>
هه قال يسهل بغى يذبحني
وبسرعه ارسلوني لكشك الولاده وجتني دكتورة سودانيه اسمها رحاب كشفتي علي بعد وقال راح اريحك فكت مويه الطفل وصرت اسبح من المويه وراحت وخلتني اتألم
يوم وصلت الولاده دخلوني الغرفه>>ياهي تخوف:icon33:
وتقول دفي وانا النفس راح ماعاد اقدر ماحطو ليه اكسجين
والممرضه الفلبينيه تضرخه في وجهي بسرعه البيبي راح يموت
انا خلاص احس هاذا يومي راح الموت والممرضه تقوم بكل قوتها تضغط على بطني بيدها واقول اوجعتيني :44: قال اسكتي
المهم ولدت والحمد لله وجبت ولد. والدكتورة رحاب تقول شكلك نايمه وانت تولدين>>الاخت فاضيه للمزح
طلعت من الغرفه وانا ميت من البرد لان كان يكشفون عليه ومكيف شغال ذبحني بالبرد
بعدين جابو 4 بطانيات وحطوها عليه وانا لسى ارتجف من البرد
واقول ابغى بطانيه زياد وجلسن الممرضات يضحكن عليه يقولن
كل هاذا برد يله قومي روحي للحمام (عشان الله يكرمكم )اتبول وقفت ودخت وانا اطيح وتهاوشني تقول وش فيكي انتي طيبه والده طبيعي وتروح تغسل وجهي بالماء البارد ويزيد البرد عندي ودتني للحمام وغسلت افخاذي ورجلي ماء بارد تقول عشان تبولين وانا تعبانه مررة اقول ذبحتيني بالماء البارد انا بردانه تقول معليش لازم تبولين والامااطلعك..المهم تمت العمليه.
ودوني الغرفه وانا ارتجف برد ولدي يبكي جوعان اقول ابغى رضاعه تقول ممنوع رضعيه من صدرك واقولها مافيه شي ..
المهم طلعت الظهر من المستشفى ولدي معايه سليم مافي الا العافيه الحمدلله
بس بعد 3 ايام من الولاده وانا اتعب صابتني نزله معاويه حاده
الله يكرمكم اسهال حاد واستفرغ وما اقدر اكل لمده 4 ايام بغى يصبني جفاف كله من البرد الا دخلني وجلست رايح جايه على المستوصف الين صرت احس.
وهاذا كل الا صار ليه في المستشفى واي سؤال انا حاضره
ملاحظه مهمه
تبغين العاملات يهتمن فيكي لازم بخشيش او موتي ومااحد جاك يعني مثلي.
:26:
دعواتكن ليه
يارب احفظ ولدي من كل سوء ومكروه
@همس@$ @hms_143
عضوة جديدة
يلزم عليك تسجيل الدخول أولًا لكتابة تعليق.
الصفحة الأخيرة
وهذا حال مستشفيات الحكومه عندنا الله لايحدنا عليهم تقل يشتغلون ببلاش