قصه ولادتي في مستشفى دله

السلام عليكم 
زي ما وعدتكم اني راح احكي لكم قصه ولادتي بالتفصيل الممل اللي متابعين مواضيعي عارفين وضعي انا الحمدالله اولد طبيعي بس بطلق صناعي مايجيني طلق ابدا ولكن الولاده اللي قبل هذي ولدت قيصريه وحملت بعد خمس سنوات وقلت ان شاءالله فيه امل اولد طبيعي واجمعو الاطباء اني ما اقدر اخذ طلق صناعي خوفا على عمليتي السابقه كانت كل ولاداتي في مستشفر رعايه الرياض الا الولاده هذي قلت بجرب دله ورحت مع الدكتوره دينا هواري استشاريه كانت في المراجعات نفسيتها جدا جميله وهاديه وصراحه ارتحت لها خلصت التاسع واخذت من العاشر عشر ايام ورحت لدكتورتي كشفت علي قالت الرحم مفتوح 3 سانتي وانا معي طلق خفيف عطتني ورقه تنويم بعد يومين وقالت روحي امشي واشربي قرفه رحت سويت اللي قالت لي عليه مع اني ما احب القرفه ورجعت بعد يومين معي طلق يشد ويروح دخلوني قسم التوليد وركبولي الابر والمغذي وجهاز الطلق وعطوني حقنه شرجيه والرحم كل ماله يتوسع بس بطئ جدا يعني دخلت الفجر والساعه 12 كان 4 سانتي بس ومعي الم وطلق شديد كانت فيه قابله سوريه نفسها خايسه وكشفها قوي حسبي الله عليها وانا مسويه استدعاء لدكتورتي و لا جت الا الظهر وانا من الفجر عندهم وجت وقالت لازم نحط لك طلق على خفيف عشان يفتح بسرعه الرحم حطو لي الطلق وبغيت اموت انا مجربه الطلق الالم اللي احس فيه مو الم طلق الم غريب عجيب واصيح واناديهم انواع المسكنات والكمام والالم حتى مايخف انا ما اقول كيذا اخوفكم لا ابد انا ولدت طبيعي ثلاث مرات ومع المسكنات يهدا الالم وارتاح لكن هذا الم غير شكل صرخت عليهم وناديت دكتورتي وكانت في الولاده نفسها شينه وتصارخ علي غير عن العياده مره نفسها زفت في الولاده قلت لها يادكتوره انا بموت من الالم قالت تحملي مو انتي تبين طبيعي تحملي قلت لها الالم الي احس فيه مو الم طلق انا اعرف الطلق قالت انا الدكتوره ولا انتي صبرت واسكت بس صار الالم لايطاق احس ان بطني يبي ينفجر قمت اصرخ بآعلى صوتي اقولهم نادو دكتورتي وقلت لها وقعي على مسؤليتك اذا صارلي شي او للجنين اللي في بطني قالت خليني افحصك فحصتني لقت الرحم واصل 7 سانتي قلت لها عمليتي افحصيها لما حطت ايدها على بطني مكان العمليه قالت للمرضات بالانجليزي تحسبني ما اعرف عمليات طارئه ومستعجله شوي الا الممرضات يركضون فكت القسطره وفكت ابره المغذي وحطت ابرتين جدد وقسطره جديده وانا اصيح من الالم ماسآلت حتى ايش فيه ويركضون بالسرير مسرعين ويدخلوني غرفه العمليات واحصل الاطباء والطبيبات مليانه ويمكن عشر ممرضات وجاء دكتور البنج قلت له ابي نصفي قال مافيه مجال انتي عمليه مستعجله عشان عمليتك الاولى انفتحت قلت ليش انفتحت قال عشانك اخذتي طلق صناعي وخدرني وصحيت الحمدالله وسآلت عن بنتي وقالت الدكتوره العمليه الاولى كانت مره طريئه ولينه والبيبي متضخم من السكر ومافيه مجال تولدين طبيعي لو فتح رحمك عشره سانتي قلت الحمدالله على كل حال 
ملاحظه لاتتحمسون على شي يمكن يكون شر عليكم وتكرهون شي يمكن يكون خير عليكم العمليه والبنج من نعم الله سبحانه علينا وملاحظه ثانيه المستشفى كرعايه ممرضات روعه ولكن اختياري للدكتوره كان سئ يعني تخيلو طلعت من المستشفى ما عطتني مضاد والتهبت عمليتي وصارت تنزل دم وصديد ورحت واخذت مضاد عن طريق الفم والوريد الله لايسامحها