قصه ولادتي في مستشفى سليمان الحبيب في العليا

الحمدلله ولدت وجبت بنوته وسميتها لين في يوم 4 \11والحمدلله كانت ولادتي طبيعيه بس بعد معاناة المعوشره لمده سبعه ايام والحين بقولكم قصه ولادتي كان نفس اليوم عندي موعد مع الدكتوره نوال امام الدين الله يسعدها وقبلها بخمسه ايام كنت عندها وسوت لي تحريض على فتح الرحم وقالت لي اشربي زيت الخروع وامشي بس والله حاولت اشرب الخروع اول مره بس ماقدرت ورحت مشيت وشربته مره ثانيه بس مو شرب زي المطلوب ورحت امشي اليوم الثاني يوم جاء الفجر يوم الثلاثاء نفس اليوم موعدي الصبح عند الدكتوره بديت احس بمغص خفيف ويوم رحت وكشفت علي وقالت مفتوح اربعه سانتي :p وتغير وجهي وخفت وتذكرت الولاده وصلت :22: قالت تنويم ودقت على المستشفى الولاده علشان تبلغهم بتحويلي بس المصيبه قالو زحمه مافيه غرف ابد :eek::eek:قالو لدكتوره حوليها لفرع الريان بس الدكتوره رفضت قالت هذي مريضتي من بداية حملها مااقدر احولها المهم بعد معاناة حصلو لي غرفه ولاده وعطتني الاوراق ورحت ادفع المبلغ حق الولاده طبعا كاش ويوم رحت للمستشفى الولاده واحصل على المكتب واحد لبناني حسبي الله عليه حساب عسير :angry2:عطاني اوراق قالي وقعي عليها علشان الدخول طبعا وقعت علشان ادخل ودخلت وبدء الطلق يحمي وكان وقتها العصر وقالو بنعطيك طلق صناعي علشان يساعدك ومن جد ذبحني ماعاد خف علي وولدت الحمدلله بعد صلاه المغرب والي ولدتني جعلها تعيش حياتها سعاده في سعاده الدكتوره نوال بس المصيبه بعد الولاده يوم جاء ينقلوني لغرفتي قالو الي دخلك ماسجل رقم غرفة التنويم ومافيه غرف فاضيه والله لايوريكم ضاق صدري واجلس ابكي ليش دخلوني يم ماعندكم امكانيه غرف حسبي الله على ذاك البنانيالمهم وتجيني مديرة علاقت المرضى وشافت حالتي يرثى لها الرجال يقول اجلسي لحد بكره ونحولك مدري يستهبل او انه يحاول يتريق معي اجلس لين بكره على سرير ولاده مجنون واقوال للمديره وشافتني معصبه قالت خلاص هدي نفسك بنحولك لغرفه بس بشرط تكتبين لي تعهد انه اذا جاء بكره نحولك لغرفه خاصه نفس طلبك قلت ليش تعهد قالت بنحولك لغرف رويال سويت الليله بسبعه الاف ريال قلت انا ماعندي اي مشكله بس طلعوني من هالمكان ابي ارتاح وحولوني ويوم جاء من بكره العصر وينزلوني للغرفه الخاصه وبعدها طلعت اليوم الثالث الحمدلله رجعت بيتي جنتي وهذي كل قصتي وعقبال الجميع يولدون بالسلامه :26: