قصه ولادتي لعيونكم

السلام عليكم ورحمته الله وبركاته

كــــــــــل عام وانتم بالف خير حبيـباتي واخواتي

حبيت احكي لكم قصه حياتي مع ولادتي كانت يوم السبت موافق7_12 _1431هـ

العمليه هذه الثالثه قيصري بس مختلفه بموعد من دكتورة لان الي قبلها جربت الطلق وبعدها قيصيري

رحت مستشفى صايمه وطبعا الخوف لو اوصف لكم ماراح ينوصف لكم كيف كان صليت ودعيت ربي

واستودعته نفسي وبنتي وتوكلت على ربي

سوت لي تحاليل قبل العمليه واخذت ابرتين وحضروني للعمليه وهم ياخذوني للغرفه حالتي كذا :icon33:

وهم يهدوني وراح تشوفين بنتك وانا بحاله صعبه وغرفه عمليات باااارده اتنافظ والله يابنات وشوي دخل

دكتور تخدير ويشرح لي عن بنج نصفي وانه احسن لي وانا ابكي ههههههههههه

قلت طيب بس تنومني شوي مااكون صاحيه طول وقت العمليه قال طيب واعطاني ابرتين في ظهري كنت جالسه

ومنحنيه ظهري وماحسيت بشي بصراحه شكه بسيطه ونمت على ظهري وحطو الستارة وبشوي حسيت بحرارة

في رجولي ارتحت كثير حسيت بدفا واقولهم احس وابكي وهم يضحكون يقولو طيب وهي دكتورة بدات


بس صااااااااااارت لهم هنا مشكله يبنات محد كان متوقع بتصير لي :44::44:

صحيت شوي وسمعتهم يقولو نادو جراح بسرعه ونمت بعدها وشوي صحيت شفت بنتي وسلمت عليها واطالع بالساعه

اشوف مر على الوقت ساعه ونص والدكتورة تسوي لي تجميل للعمليه مر على عمليتي ساعتين :44:

واسالهم ليش طيب وقتها صحيت وهم ينظفوني وبخرج لغرفه الافاقه وخلوني ساعه كمان ماطلعت غرفتي الا بعد

4ساعات وجات الدكتورة تشرح الوضع الصعب الي كنت فيه وقت العمليه انه القولون تعبهم كان مره منفوخ

والشي ثاني الامعاء الغليظه كانت لاصقه في الرحم فخافت الدكتورة واستدعو الجراح وساعدها انها تشوف الرحم و

وتخرج البنت فطولت العمليه و حطو في انفي لي يوصل للمعده وممنوعه من الاكل ل3 ايام خايفين على القولون

وامعاء ولايصير الله يكرمكم استفراغ والي يسون قيصيري يعرفون ضروري بخروج الغازات يتاكدو انه الوضع تمام

عندك والحمدلله يارب مرت العمليه بخير وشربت بس سوائل وبعدها ادرج اكلي بشربه خفيفه الى تتعود معدتي لان لي

5 ايام مااكل شي بس محاليل ومغذي

والاهم انه بنتي بخير ونسيت كل شي بعد ماخرجت من مستشفى وشفتها بصحه وعافيه حمدلله على كل شي

الحين مأثر فيني ابرة البنج في ظهري جدا يعورني يابنات احس بظهري مثل الحلقه من اسفل بالم شديد

وقت مراجعه بقول للدكتورة على انها قالت ماتاثر الابره بشي والله أعلم وعندي مراجعه مع دكتور الجراح للاطمئنان

اسفه طولت عليكم خواتي سامحوني ودعواتكم لي بالشفاء :26::26::26::26::26: هذه لكم