السلام عليكم صديقاتي
حبيت اكتبلكم قصه ولادتي للفائده للبكريات لان انا قبل ان اولد كنت ابحث عن قصص ولادات حتى اطمن نفسي ههههههههههه
بس لا ماكو فايده ابد اذا ماتجربين ماتحسين
بدت قصه ولادتي يوم رحت للدكتوره وكالتلي ان ضغطي جدا مرتفع وهذا الشي خطر جدا عليه وعلجنين انطتني تحاميل توسع وتسرع الطلق اخذتها مده يومين رحتلها الاحد الصبح للمستشفى فحصتني وكالت توسع اصبعين ونص يلا للصاله ولاده ركبولي مغذي من الساعه 11 الصبح الساعه 3 الظهر حسيت انتهيت من الالم اجت فحصتني الدكتوره المناوبه كالت يلا ولاده اخذوني الممرضات لغرفه مخيفه ونمت ورفعوا رجليه ويلا مسكي بالحدايد اللي يمج وطلكي وانا ماعرف شنو طلكي يعني شنو اسوي تكولي يلا دفعي وادفع وتكولي لا هو هذا دفع ادفعي اقوى وانا مابقت الي قوه تعبانه وابجي وبقيت على هل حال للساعه 5 العصر يلا ولدت بس تعبت والدكتوره والمساعدات ابد ماساعدوني هذا وانا بمستشفى خاص واحسن وحده عدنا بس كان اسلوبهم مو حلو نصيحه خواتي المقبلات على الولاده من تدخلين بشهرالتاسع روحي لدكتوره اوقابله تكون ثقه وتعرفيها واتفقي وياها احسن من المستشفيات الخاصه اهم شي بتلك اللحظه تحتاجين حب وحنان واهتمام وكلمه تشجيع موبنايه كبيره وغرفه خمس نجوم اتمنى اكون افدتكم:26:
ام اسياد @am_asyad
عضوة فعالة
يلزم عليك تسجيل الدخول أولًا لكتابة تعليق.
renadazzam
•
الحمد لله عالسلامه ومبروك ماجاك :)
ألف ألف ألف مبررررررررروك والحمدلله على السلامة حبيبتيألف ألف ألف مبررررررررروك والحمدلله على السلامة حبيبتي
الصفحة الأخيرة