قصه ولادتي ورحمه ربي بحالي

السلام عليكم اخيرا لقيت وقت انزل قصه ولادتي :09: الحمدلله هذا طفلي الثالث لكن تعبت عليه تعب الله لايوريكم من الشهرالسابع واناعندي طلق وحاله نفسيه زفت المهم المفروض ان ولادتي تكون بتاريخ 10\3 لكن الله اراد غيرذلك طبعا لما تعديت موعدالولاده رحت للدكتوره كشفت قالت مفتوح واحد سانتي وسويت تخطيط لقلب الجنبن وكل شي تمام راح ننتظرلين 17\3ولانضطر للطلق الصناعي حاولي تمشين كثير وعشان النفسيه زفت قلت ماراح امشي لاني خلللللللللاص تعبت وراح انتظرفرج ربي استمريت على الاستغفار والدعاء في اوقات الاجابه يوم الاربعاء بتاريخ 16\3فكرت استسلم واروح يعطوني الطلق الصناعي شاورت زوجي قال خلاص اصبري الموعد بكره يمكن ربي يكتب لك ولاده بدون تدخل الاطباء قلت خلاص اصبر صبرت كثير في هذااليوم نمت نوم موطبيعي مااقدرافتح عيوني نمت حق ثلاثه شهور فجرالخميس احس طلق كالعاده زي الم الدوره صليت الفجر ودعيت ربي مايحوجني للطلق الصناعي وخذت 5تمرات وقريت عليها سوره الزلزله واكلتها رجعت نمت والله يابنات ماحسيت بالم وقف الطلق قلت انام ساعه اوساعتين لاني ناويه اروح للدكتوره بعد الظهر وانانايمه حسيت بالم في ظهري على الساعه تسعه بس موقوي رحت الحمام وانتوبكرامه لقيت مع البول لون برتقالي قلت يمكن لون البول غامق وارجع احاول انام طار النوم افكر في المصيبه اللي ورايه فجاءه احس بالم قوي والله يابنات فجاءه بدون مقدمات ماسك ظهري بقوه اناخوااااافه صحيت زوجي على فكره مرتين يجني طلق في التاسع واروح المستشفى اول مااشوف الحريم يبرد وارجع البيت المهم لماصحيت :arb: قلت تعبانه قال اكيييييييييد خاف ارجعه:angry2:قلت اكيد قالت بنتي بابا لاتفرح ماراح تجيب النونو كل مره تضحك علينا :22:ورحت المستشفى وانااحسب في ساعه السياره الالم كل ثلاث دقايق دخلت الاسعاف ويبدا الروتين اش اسمك وكم عندك عيال وطولك وووووووو صحت مووقته بموت دخلتني على الدكتوره وكشفت صارت كذا:eek:قالت 9سانتي بس ماانفجرالكيس هي قالت من هناوانفجرت المويه من هنا وعلى طول غرفه الولاده ماتلاحظون اني ماجبت سيره عباتي من زود الستر دخلت غرفه الولاده وانالابسه العبايه وقعدو يصيحون لاتدفين يبون البس ملابسهم طبعا حمودي مايبي امه تفسخ الحياء وتشيل ملابسها قلت مااقدر طبعا استسلمو ورفعوا ملابسي مع العبايه طبعا قالودفي دفيت مره مه ثانيه طلع حمودي اللي هلكني طول 9شهور الحمدلله والمشيمه اه منها ولاده ثانيه خيطوني وخلوني ارتاح ساعه غيروملابسي وطلعوني غرفه التنويم والحمدلله رب العالمين كل هذاماخذ ساعتين زوجي دق عليه وانالسى في غرفه الولاده بعدالولاده قال دخلتي على الدكتوره ولازحمه قلت ولدت وخلصت قال من جد قلت والله ماصدق لين سمع البيبي قال رحت ادورعلى موقف للسياره اجي الاقيك سويتيها \ربي كريم ربي عظيم بالرغم من ذنوبي استجاب دعائي ويسر ولادتي ربي ارحم بنا من انفسنا ماعبدناه حق عبادته اللهم لك الحمدحتى ترضى ولك الحمد اذارضيت ولك الحمدبعد الرضى ولك الحمد على كل حال