قصه ولادتي وسر سهولتها ادخلو استفيدو

السلام عليكم ورحمة الله وبركاته

كيفكم كروشات الله يقومكم بالسلامه ان شاء الله ويهون عليكم

الحمدلله ولدت يوم الثلاثاء 16/2/1433

ويارب لك الحمد كانت ولاده ميسره بفضل الله

طبعا من شهر تقريبا وانا احس بالالام والنغزات الله يكتب لنا الاجر ان شاء الله

بيوم الاثنين وكان اخر يوم لي بالتاسع حسيت الام زاد وبطني يتحجر واحس انه ينسحب على تحت قلت لازم مستشفى
كلمت اخوي بحكم اني ببيت اهلي وقلت له يلا وديني. رحت كشفت الدكتوره وقالت مفتوح الرحم ثلاثه سنتي بس البيبي جوعان لازم تشربي عصير عشان نشوف التخطيط زين
دقيت على اخوي وجاب لي وشربت بالقوه والحمد لله تنشط البيبي
بس ماكنت احس بطلق وحسيت اني مطوله وكان هالكلام المغرب تقريبا قلت للدكتوره يعني ولاده ولا اطلع قالت الرحم مفتوح يعني ولاده وبتجلسي معنا قلت لها لا بروح قالت على مسؤليتك قلت اوكي وبصموني وطلعت
وتقريبا الساعه اثنين حسيت بالطلق دقيت على اخوي وقلت يلا ورحت قالو خلاص خمسه سنتي كلمت اخوي وقلت له خلاص روح انت نام وارتاح واذا قربت بدق عليك تجيب لي شنطتي وشنطه البيبي لأني خفت تضيع مثل ماصار لي بولادتي الأولى
وكلمت زوجي وقال لي ماحولك ولاده ليش رايحه انتي باقي لك اسبوع انا مقهوره منه وهو طبعا ببلد ثانيه موهنا ومو حاس قلت له طيب وانا مرتفع ضغطي ههههههههه
المهم جا الدكتور قال بكشف عليك سونار خايف لأن حجم بطني كبير لما شاف قال انا توقعت من شكل بطنك ان البيبي حجمه كبير بس طلع صغير وبتكون ولادتك سهله ومن وقتها وهو مطنشني وكنت على سرير الولاده قال قومي تمشي شويه. تمشيت لما حسيت ماني قادره شافني قال روحي ارتاحي بغرفه السونار جلست طول الليل ادعي واقرأ سورة الفاتحه واكررها بنيه ان الله يفتحها علي واولد. وانا اعتقد هذا سر سهوله ولادتي بفضل الله وجلست للساعه سته او سبعه تقريبا بعدها رجعني الدكتور على سرير الولاده وركبو لي جهاز التخطيط ومافي طلق مبين عندهم وجلست اقرأ الفاتحه واكررها وتجيني غفوات حلوه واقوم على الطلقه شعور غريب مره وبعدها بدأ نبض الجنين ينزل وانا اسمع الصوت وطفشوني لفي يمين لفي يسار لما ارتفع ضغطي منهم خلاص اخر شيء قلت ماني متحركه خلاص
ويحطو لي الاكسجين والقابله تقول لي شمي وردي وطفي شمعه عجبني وصفها في طريقه التنفس الصحيح واحس فعلا يريح مو مثل وانا مقفله فمي
المهم جا الدكتور وقاس ولقاه سته سنتي وشكله سوا لي تحريض وجت الممرضه حطت شيء بالمغذي بعدها حسيت بالطلوق اللي تذبح وحسيت بدفع لتحت كأني بدخل الحمام وخلاص حسيت ولاده وجت القابله وبسرعه قالت لي يلا دفي لأن نبض البيبي ينزل انا خفت عليه مره ودفيت بقوه والحمد لله ولدت بسرعه
وخيطتني الدكتوره وانا الحمد لله ارتحت اني ولدت وعيني على البيبي وكان صغير مره قالت لي ولد وجابوه وروني اياه وهم يخيطوني

ودقيت على طول على امي وابويا ابشرهم وطبعا اخوي كان بره من قبل الولاده بساعه ودخل الشنط وسمع كل شيء =)) هًُ?هًُ?ه?ًُ?ه?ًُه?ًُ?هًُ?ه?ًُ?ه?ًُه?ًُ =)) بس الحمد لله ماصارخت الا اخر شيء

دعواتكم لي ان الله يقومني بالسالامه وافتك من الم الخياطه ماني عارفه امشي منها وظهري مره يوجعني ما ارتاح بالنوم

واللي تعرف وصفه للخياطه زينه تقولي لي عليها انا استخدم بيتادين وميبو ومره فيسودين واحس انها مورمه وما اقدر امشي منها يارب لك الحمد

عذرا على الاخطاء داخله من الجوال