قصه ولادتي .....وعقبال كل كروشه يارب

السلام عليكم جميعاً
:)



الحمدلله انا ولدت في 30 شعبان

يوم الجمعه وكانت ولادتي طبيعيه الحمدلله

وجبت بنوته زي القمر :icon28:

بقولكم القصه انا من التاسع وطلوق تروح

وتجي بس انها خفيفه بس

كل اسبوع بالحمل يزيد تقوى الطلوق معه

اخر شي قالت لي الدكتوره

انتي كملتي الـ40 اسبوع

مضطرين تنويم وطلق صناعي

والمهم قالت لازم تطلعين

جناح التنويم عشان نسوي لك

تخطيط لقلب الجنين اذا كويس تطلعين

وتجيننا الاسبوع الجاي عملته وطلع زين الحمدلله

اللي هو يوافق الاحد 2 رمضان <<موعد التنويم


انا خفت من الطلق الصناعي

لاني مجربته في بنتي البكريه

رحت البيت وانا ادعي ربي وابكي

:icon33:

هذا الكلام الاثنين والاحد الجاي التنويم

صرت أمشي مشي

وخليت ابو الشباب يقوم بواجباته الزوجيه

لاني سمعت انه يسهل الولاده

برغم اني ما لي خلق

وودي ارجع وانتو بكرامه
:09:

مع ذلك جاء الاربعاء ما فيه

اي شي غير طلق بارررد جداً


بس احس بضغط على تحت

ورجولي زرقاء من قوة الضغط والورام

امي تقول لي اصبري انا احس

انه قربت ولادتك !!!



ما صدقتها ويأست قلت شكلي

بولد على موعد تنويمهم


قالت امي .......بسوي خلطه تفتح الرحم وتحمي الطلق

الخلطه عباره عن

(( ملعقتين قرفه مطحونه+ ملعقه حبه

سوداء+شويه زعقران + ملعقه عسل + 5

تمرات ))

تحطينهم في ابريق وتصبين عليهم مويه مغليه

وتخلينهم تنقع شويه طبعاً ملعقه صغيره

بس لازم يكون فيك طلق خفيف


شربتها ما جابت نتيجه اول يوم

غير انه نزل مني افرازات بيضاء وصفراء

فيها خيوط دم

جاء الخميس من بكره ظل ينزل معي هالافراز

رحت للطواريء قالوا الرحم مفتوح 2 سم

تبين تجلسين ونعطيك طلق صناعي

والا تطلعين تمشين لحد ما يحمى الطلق


قلت يابنت الحلال اطلعي

يمكن يجيك طلق طبيعي برغم اني

ما اعرف له ولا قد جربته ..


رحت للبيت سويت الخلطه مره ثانيه

وشربت منها 3 اكواب


وتعشيت ونمت

قلت شكله منب والده الا على موعد التنويم


الساعه 6 الصبح الجمعه

صحيت على ألم غريب مو زي طلق العاده

ألم قوي بالظهر عرفت انه

طلق ولاده ميزته على طول


بس قلت صعبه اخرش ابو الشباب

وبالنهايه يطلع طلق كاذب

جلست بسريري واحسب له بالضبط

كان يجي كل 10 دقايق

وكل مره تزيد قوة الألم فيه ....

صحيت ابو الشباب قلت يله للطواريء

قال البنت وين نحطها ؟ نوديها لأمك ؟

قلت لا حطها نايمه بالصاله وعندها شغالتها ..

طلعناها وسميت عليها واستودعتها الرحمن

بصراحه كنت خايفه ما اشوف بنتي مره ثانيه

:44:

طلعنا بسرعه على الساعه 8 احنا

بالطواريء في دله

كشفت علي قالت الرحم مفتوح 5 سم ..

(((((((((ولادهـ))))))))


صعدوني فوق دخلوني غرفه الولاده عطوني

لبسهم وطلبت الاكسجين

البنج وبصراحه >> هالمره عاقله

ما صايحت وصارخت وسويت مناحه

بلسان طويل برغم اني اسمع حريم يصارخون

ابكي واكتم ابي اولد بسرعه واهم شي


ورد الولاده والدعاء اثناء الطلق

تخفف الألم الحمدلله

جلست اتولول في غرفه الولاده ولما وصل الرحم 8 سم فتحوا المويه اجباري

ولما فتحوها بسرعه انفتح 10 سم نادو الدكتوره ممتازة على طول

وحسيت راسها بيطلع قمت

اصارخ >>>>

هنا خربت الاخلاق عاااد هههههه

قالت يله ادفعي بقوة والله جلست

ادفع بقوة بس بلا فايده دفعت 3 مرات

الراس مو راضي يطلع

عملت لي توسيع

والقابلات شي تضغط بطني

وشي ترجع رجولي على بطني

وانا ادفع ما قدرت

قالت الدكتوره ترا البيبي بيقل عنه

الاكسجين وهذا خطر عليه لان راسه

واقف كذا لا طلع ولا دفعتي زين

خفت قالت اذا جلستي تصارخين ولا دفعتي

كويس بنضطر للجهاز نسحبها .........خفت

بسرعه جت طلقه قويه واحاول باقوى ما عندي الحمدلله طلعت .............بنتي الحلوة

بس مررره صغيره كيلوين و700 غرام

وملفلف عليها الحبل السري بس الحمدلله

ما كان شاد وخانقها

ولما قصوه وبكت نسيت كل الألم

حطوها على طول في حضني ضميتها وشكرت الله على تسهيل الولاده وان بنتي بخير وعافيه

عاد الدكتوره تضحك تقول بنتكم مطوعه جايه وقت صلاه الجمعه وبكره رمضان ههههههه


والحمدلله تسهلت بطلق طبيعي من

ربي وما جننوني بطلق صناعي

...............


وعقبال كل كروشه يارب الله يسهل عليكم جميعاً


=============


أهم شي :

تدعون الله ليل نهار + كثره الاستغفار + ورد الولادهـ موجود في كتب صغيره سهله وواضحه +

المحافظه على اذكار الصباح والمساء

والمشي
ثم المشي
ثم المشي

تعرفون فايده ساعه الولادهـ

والخلطه هذي امي مجربته في ولادتها وانا جربتها وبالفعل فتح الرحم بسرعه وحمت الطلق

والصبر زين << انا زهقت بس عرفت ان كل شي له وقته ..وساعه الولاده ما يعلمها الا الله سبحانه وتعالى

================

نجي للمستشفى دله والحمدلله

كل شي كويس فيه نظافته اهتمامه

النيرس مره رووعه كلهم

الخياطه الدكتوره سوت لي خياطه تجميلي الخيوط تذوب مع الوقت

الدكتوره ممتازة هي اللي ولدتني

================

نجي ليش ما طلعت البنت بسرعه

برغم الدفع ومساعده القابلات

لان بنتي حجمها صغير وهذا اللي لاحظته عن ولادتي السابقه بنتي الاولى بسم الله عليها وزنها كان 3 كيلو و400 غرام
دفعتين وطلعت الحمدلله تساعد اذا صار وزن الطفل كبير

اما وزن الطفل اذا صغير يهبل بأمه ضعيف ما يساعد وغير كذا الطلق وقوته تأثر عليه كل شوي يضعف نبض قلبها

نتيجه ضغط الطلق عليها ويعطوني مغذيه وترجع نبضها كويس ...

لان وزنها ضعيف 2 كيلو و700 غرام

عشان كذا ياكروشات تغذو ولا تخافون

من وزن الجنين الجنين وزنه يساعد في الولادهـ









والله يهون على الجميع ان شاء الله

ويرزق كل محروم يارب

ولا تخافون من الولاده تراها ألم يجي

بعده لحظات
ماتنسى طول العمر لحظات مررره حلوووة