هذا الله يسلمكم قصه اختي من سنه وحبيت اقولها لكم
اختي كانت حامل وعندها 3 عيال مشاء الله
ويوم من الايام عزمتني اختي على الغداء ورحت عندها تغدينا والعصر طلعنا نمشي انا معها عشان تتسهل ولادتها جينا البيت على الساعه9 بالليل وسبحان الله كأن اختي حاسه انها بتولد قالت لي نامي عندي اليوم عشان تسليني قلت لها طيب بس لازم اقول لزوجي:arb: ووافق كأنه يبي الفكه هههههههههه
المهم صحت اختي الصباح الساعه9 تتألم من بطنها وجاتني الغرفه وانا خفت قلت لها وش فيك قالت الحقيني بطني وظهري شكلي بولد قلت لها دقي على زوجك يجي يوديك المستشفى قالت ادق عليه جواله مقفل اصلا ماعنده ارساااال المكان اللي هو فيه مافيه ارسال قلت ياربي وش الدبره ومسكينه جلست تتالم لين الساعه 12 الظهر واحنا نحوس بالبيت مانعرف وش نسوي هي تتالم وانا مرتبكه بتقولون كان قلتي لابوك او اخوك اخوي مسافر مع ابوي بتقولون قولوا لزوجي زوجي ادق عليه جوال مايرد نايم وحاطه صامت المهم قالت لي اختي روحي بيت جارنا ودقي الباب عليهم وقولي لهم السالفه خلي ابوهم يودينا المستشفى ورحت ودقيت الباب وتخيل وش قال قااااااال ااااسف مقدر اوديكم الرجال خاف انها تولد عليه بالسياره علما بان اختي مالها علاقه فيهم كثير مو متعودين علينا ولا احنا متعودين عليهم واختي جالسه تصرخ بالبيت والله كسرت خاطري جات الساعه2 الظهر وكان ولد اختي الصغير جاي من البقاله قالت له اختي روح عند صديقتي في الحاره الفلانيه بالسيكل حقك وقول حق امهم تودينا المستشفى وراح ولد اختي بالسيكل يركض بيت صديقه امي والله يجزاها خير على طول جات مع زوجها بيت اختي وشلناها ووديناها المستشفى مشاء الله اولد مادخلت المستشفى بس 5 دقايق الا واختي والده وجابت احلى ولد وسميناه على اسم اللي وصلنا المستشفى
وانا الحين مشاء الله حامل وكل ماتشوفني اختي تقول حطي احتياطك بكل شي بالشهر الاخير لايصير فيك ماصار فيني وتتوهقين وزوجي كل شوي لما يكون برا يتصل فيني يقول هاه جاك طلق والا لسا الاخ تعقد مسكين ماينلام
وتوته توته خلصت الحدوته
دلعي برستيجي @dlaay_brstygy
عضوة نشيطة
يلزم عليك تسجيل الدخول أولًا لكتابة تعليق.
rosyyazn
•
صراحه موقف صعب
toto&G
•
معليش هذا الجار الي رفض يوصل ما فيه نخوه اذ ولدت بسيارتك يغسلونها على حسابهم هههههههههه
بعدين غريبه ليه ما اخذتو تكسي والادقيتوا عالاسعااااف ترى يجوون عادي
اهم شي ولدت بالسلاه
بعدين غريبه ليه ما اخذتو تكسي والادقيتوا عالاسعااااف ترى يجوون عادي
اهم شي ولدت بالسلاه
الصفحة الأخيرة