قصه ولد حزنتني انتبهوا لاولادكم

القصه منقوله وليست لي
بسـم الله الرحمـــن الرحيـــم
السلام عليكم ورحمـة الله وبركاتـه

قصتي طويله وكل ما اجي بأكتبها اتراجع لاني من كثر ماشفت احس اني احيانا واهمه او نفسيتي تعبانه

باتكلم عن نفسي
قبل زواجي بيومين جتني حراره بلا سبب وجسمي كللله حبوب صغيره وحمرا و تعبت وقلنا بسبب النفسيه اكيد عشاني شايله هم وكذا
بعد ماتزوجت بشهرين انعمل لي سحر تفريق بيني وبين زوجي وما اعرف الى الان من مين واتوقع انه بعد شهرين لان الاحوال انقلبت فجأأه بيني وبين زوجي بعد شهرين
بس هو كان سحر مشروب اتوقع على كلام الرقاة
وفي واحد قال لي سحر مشروب و مأكول
انا حملت في هالفتره وكنتت كل اسبوع احلم باحلام فضيييييعه وكلها عن ثعابين خاصه ثعابين صفراء ..و برصي نايم في سريري.. و مره صرصور نايم في سريري.. و مره حلمت ببقره صغيره نايمه معي فالسرير انا وزوجي لحد ماكبرت مره وماصار يكفيها السرير فصارت تمشي في بيتي ..و حلمت بطقم شبكتي الالماس الماسه طايح ومربوط بحبال عريضه ومعقوده ومخبى في كهف عليه شلال وكان فيه شغالتين اندونيسيات ما اعرفهم يطالعون فيه...حلمت بتماسيح..
بس غالبا ما كنت احلم بالثعابين تحاول تلدغني ومره حلمت بثعبان لدغني مع اصبع قدمي الكبير ومره حلمت بتمساح صغير يعظني مع اصبع قدمي الكبير...واشوف بقعة دم في سريري ومره حلمت بزوجي لابس سروال داخلي قصير وجالس على السرير حزين و في سرواله من الامام بقعة دم كبيره..واحلااااااام كثيييييييييييييييره يبيلها مجلد من كثرتها بس الغريب اني قبل ما اتزوج كنت ما احلم ابدااااااااااااااااااااا ولا اتذكر الا نادرا
المشكله اننا عائله ماتعرف هالاشياء (حسد سحر مس) نعترف فيها بس ماعمرنا نقرا عنها ولا لها مساحه فحياتنا مانفكر فيها
طبعا وانا حامل فيه تخيلو اضرب بطني واكره طفلي ودايم ادعي انه يموت :( والله انا مو شخصيتي كذا حتى لما عرفت اني حامل جلست ابكييييييييييييييييي بقوه ما اعرف ليش..
ولدته والحمد لله كان طبيعي وفي هذيك الفتره كنت من سيء لأسوأ سواء في علاقتي مع زوجي وسواء في نفسيتي ودايم افكر فالانتحار
طبعا كنت حيه ميته وكنت للأسف ما اقدر اصلي ابدا لان احس فيه ناس وراي وانا اصلي
غير اني احس بغثيان ودوخه لدرجة اني افكر استفرغ وأنا اسجد..
اللي زاد الطين بله اني بعد ولادتي بسنه ونص جتني شغاله اندونيسيه ساحره وللاسف ماكنا نشك فيها ابدا لانها كانت صارفتنا عنها وكنا نحبها مره لدرجة انا و زوجي لما نفكر نوديها نحس ان احنا بنموت لو سافرت واننا ما رح نقدر نعيش من دونها
وكنت انا و زوجي لـاــ شـــــعــــــوريــــــــــــــــــــــــــأ مسلمينها بيتنا و أكلنا و شربنا و للأسف ولـــــــــــدنا :(
هي اللي ربته وهي اللي تأكله وتنومه وتنام معه وتاكلنا وتشربنا
وكان سبحان اللي خلقه الكل يتفكر فيه من ادبه لا يؤذي احد ولايزعج بس يسمع الكلام ونظيف ومؤدب وكنت ألاحظ انها تبعده عننا وعن الناس دايم مخبيته عنا واحنا زي اللي منومين ومخدرين
ويسمع كلامها وكان يحبها وهي تحبه مره طبعا هذا اللي يبان لنا
واستمر هالكلام مدة اربع سنوات و كم شهر :(
حتى مره شفناها بالصدفه تضربه و بعدها اخذته منها
بس والله اني ما قلت لها ولاااااااااا شي وكنت أعاملها معاملة ملكه مو خادمه وربي يشهد علي بس حسبي الله ونعم الوكيل ما أقول الاكذا
وقررت اني اسفرها بس بدون ما أخبرها
كانت كل ما مرت من جنبي تناظرني نظرات تخوف مره وتجلس تكلم نفسها الخبيثه وانا بكل براءه اتبسم في وجهها واضحك واقول:فيك شي؟؟انتي زعلانه؟؟تبين شي؟؟؟ تقوم تضحك وتقول:لا مدام مافي شي انتي مرا كويس
مره سمعت اصوات في غرفتها اصوات ركض قويه ورحت بأشوف لقيتها مقفله المدخل اللي يودي لغرفتها واطل من تحت كل شي ظلما و اناديها ماترد تخيلو اني ماقدرت اضرب زياده كش جلدي وخفت منها ورحت لغرفتي وحتى زوجي سمع الصوت مثلي و لما قلت له سكت!!ماقلت لكم مخدرين!!
مره دخلت عليها فجأه وهي تطبخ لنا اكل دخلت شي فالدرج وسكرت عليه بقوه وجلست تتمتم بكلام غير مفهوم ..جيت بأقولها افتحي الدرج والله ماقدرت لاشعوري ماقدرت مدري خفت مع اني كنت عارفه ان فيه مصيبه بس ماقدرت وحتى ما خبرت احد باللي صار مع اني ماكنت اعرف السحر بس جا في بالي ان فيه مصيبه يا وسخ بتحط لنا فاكلنا يا فيه شي ماتبيني اعرفه!!طبعا طوال هذيك الفتره وانا اعاني من الام فضيعه في بطني واستفراغ واروح الاسعاف ويكشفون علي ويقولون مافيك شي ومره استفرغت شي اسود وكان فيه رائحه كريهه جدا تطلع من فمي لدرجة اني اصحى من النوم كم مره افرش اسناني لاني مو طايقه نفسي والدكتور لما فحصني قال مافيه شي اصلا لو على كلامك ان هذا صحيح يفترض فيك نزيف فالمعده لانه شك ان اللي يطلع كان دم
بعدها استخدمت العلاج بالعسل وقشر الرمان المجفف ملعقه كبيره عسل مع ملعقة قشر رمان مجفف مطحون مره على الريق ومره قبل النوم لمدة اسبوع والحمدلله اختفت الاعراض..
وفي مره من المرات شفت شعر ولدي مقصوص طرفه و اذكر اني سالته من قص شعرك ما رد وسألتها قالت ما أدري..

طبعا ذيك الفتره كانت تزن تبي تروح وترجع وانا ابيها تروح لاني مدري بس مو مرتاحه ابدااااااااا منها بس سبحان الله ماكانت سفرتها تتيسر ابداااا وزوجي يبيها ويزن علي يخليها لولا انها عجوز و قبيحه ان كان شكيت فيه..بس كان يحس ان البيت بيضيع لو راحت مادرى انها سبب ضياعنا فذيك الفتره...بس الخيره فيما اختاره الله كان في جلوسها خيره اننا نكشفها......

ولدي في تلك الفتره كان شبح مايأكل نحيييييييييييييييييف مره ووجهه اسود وتعبان دايم بطنه يوجعه و الله شكله يكسر الخاطر مره :(
كان عمره اربع سنوات وشوي بس ماكان يتكلم ابدااا ومن عمر 3 سنوات ونص وهو منقلب حاله صاير منعزل و ماياكل ودايم يهمهم بكلام غير مفهوم ويقولي فيه حرامي يطير عند الشباك و يوجعه راسه ويقول ان فيه اصوات في راسه مع انه لما كان عمره 3 سنوات كان ماعليه يغني ويلعب ويسولف ويقول بعض الكلمات يعني ماكان فيه تأخر لغوي ابدا..

مره كنت نايمه وكنت احس اني بأمووووووووووووووووووووووووووووووووووووووووووووووو وووووووووووووووووووووووووووووووووووووووووووووووووو ووووووووووووووووت
والله جاني شي مستحيل أنسااااااااااه احساس غريب جداااااااااااا قلبي يخفق واحس اني فدوامه واني احلم وتعبانه وكنت مواصله مانمت احس بخوف فضيع مدري وش خلاني اقوم وأشغل التلفزيون واقلب القنوات واحط على قناة قرآن و نمت فجأه قمت لاشعوريا واشوفها تسكر التلفزيون!!سكت وفهيت وماقدرت اقول لها ليش؟! بس هي شافتني اطالعها قالت نامي مدام..ونمت ثم جات وجابت لي شاهي مع ليمون صحتني وقالت لي اشربي مدام هذا كويس عشان انتي تعبانه وانا زي الهبله شربته مع اني كنت مرتابه منها ومن هالشاهي اللي عطتنياه.بس زي العاده ما قدرت أقولها لأ!.ونمت:(
يوم ربي اراد يفضحها ويخلينا نشك فيها(انا من النوع اللي دايم اقفل غرفتي ولا اخليها تدخل الا تنظف وانا فوق راسها) و حتى ملابسي الداخليه وملابس زوجي انا اللي اغسلها..
مره كنت قافله غرفتي وحاطه المفتاح فغرفه ثانيه ونزلت تحت وكنت نايمه مدري ايش اللي صحاني وخلاني اروح الغرفه اللي جنبي واشوفها تمشوي شوي شوي تبي تسرق مفتاحي ولاول مره قلت لها هاتي و عطيتها نظره طبعا جا في بالي انها بتسرقني :) بس انا الحين اعتقد انها كانت تبي شي من ملابسي الداخليه او انها تبي تحط شي فغرفة نومي كانت تبي تقضي علي بس والله الا الآن انا اقول انا ماصحيت من نفسي حسيت بأحد يصحيني ..مدري مين!!ربي صحاني وحماني من كارثه اعظم او يمكن عشان اشك فيها واسفرها!!
بعد الموضوع هذا خفت على نفسي وقررت اسفرها وانا شاكه فيها مره طبعا انا كنت اضحك في وجهها ومو مبينه على وجهي اني زعلانه او مو راضيه أو خايفه..
وقبل بيوم من سفرها قلت بنروح معزومين و قلت لها: روحي معي بأطلع وهي متعوده على كذا فما استغربت شي ثم فالطريق قلت باحطك ببيت اختي نظفيه و انصدمت ونزلتها ورحت فتشت شنطها ولقيتها مخبيه شعر وقصاصات ملابس ومسرقه لزاقات جروح جديده ومخبيتها و مشابك....المهم اني فتشتها وغيرت حتى ملابسها الداخليه و سفرتها الله لايوفقها وهي تهدد وتتوعد وتقول انها كانت ماخذه هالاشياء عشان تبيني امرض وأموت الله لايوفقها.
المصيبه اننا ما سألناها ولاضغطنا عليها ان كانها حاطه سحر فالبيت لانها باين انها لو تموت مارح تعلمنا..بس قصيت من شعرها وهي تشوف وخذت ملابسها الداخليه و صور عيالها وقلت لها والله ثم والله لو يجيني شي ولا يجي أحد من عيالي والا أهلي شي لأودي شعرك لأكبر ساحر أحسن من ساحر اندونيسيا واموتك انتي وعيالك (طبعا تخويف لا أكثر لاني مهما صار مستحيل اكفر عشانها وعلى كثر ماجاني وشعرها عندي الى الحين ما عمري فكرت بكذا)
اول ماراحت شغلنا سورة البقره بصوت عالي بالبيت والصوت يتقطع ونسمع اصوات في غرفتها وجتني روعه الله اعلم فيها..

بعدها بدا العلاج معي وقصتها طويله ما ابي اضيع وقتكم بها بس الخلاصه اني اول مره قرا علي الشيخ حسيت بحراره فوجهي وظهري و اطرافي بارده ومنمله و كتمه لدرجة اني شلت الغطاء اللي على وجهي وحسيت بأحد يخنقني وانا منصدمه!!
وبعدها بدت الرغاوي تطلع من فمي مثل رغاوي الصابون
وقالي اني مسحوره بس قالي هذا مو سحر شغاله (مدري ليش قالي الشيخ كذا مع انه مو مشعوذ ولا شيخ بالعكس شيخ معروف)
( السحر اللي بيني وبين زوجي من قبل ماتجي الشغاله)
بعدها رحت لشيخ ثاني معروف واول ماقرا علي ما امداه يقول بسم الله الرحمن الرحيم الحمد لله رب العالمين الا تجيني حاله هستيريه صراخ عجيب غريب وانا جواتي اقول ليش انا اصرخ كذا؟!!مصدومه من نفسي!!! وطبعا طلع فيني جني خادم على كلام الشيخ وبعدها وانا اقرا عند هالشيخ الله يجزاه خير..
و خفت عندي الحاله كثير الحمدلله....
بس طبعا من ذاك اليوم وانا من مشكله لمشكله واموووووري متعسره مررره فكل شي بس الله كريم ما يأست من رحمة الله..

نجي لولدي آآآآآآآآآآه ياولدي انا والله ماهمتني نفسي و لاحزنت عليها كثر ما انا حزينه ومقهوره على ولدي...
فالفتره اللي كان ولدي تعبان نفسيا فيها ونحيف وما ياكل ومنعزل كانه بعالم ثاني قبل ماتروح الشغاله
(حلمت ان ولدي يمشي ويتبرز في بيتي وكان فيه ناس
وأنا أمشي وآكل برازه مثل اللي خايفه ان احد يشوف برازه)
و (حلمت اني في بيتي والشغاله تدور فالبيت و وولدي وراها
وانا اخذه منها ويرجع يدور وراها ثم ترقى لغرفتها واحنا كلنا وراها واشوفها جالسه على سريرها ومعها دبابس كبيره رؤوسها
كبيره وملونه و تغرزها في وسادتها وهذا الحلم حلمته
كذا مره اتوقع 3 مرات)
(ايضا فاليوم الليي نامت فيه في بيت اختي قبل سفرها
حلمت ان سيارتنا في حوش بيت اختي وانا لما جيت اركب
السياره لقيت ولدي جالس في مكاني وعليه عناكب او
خنافس سودا وواحد كبير قمت بعدتهم عنه و راح وراء
وجلست في مكاني وواحد منهم صغير ماشفته قرصني مع كتفي الأيمن)
هذي بس أحلامي فيه..
مشكلته طبيعي ومو طبيعي وطبعا الكل ملاااااااااااحظ
عليه الغريب والقريب
اول ماراحت كان
مايقدر يمشي كثير يتعب بسرعه و فيه مثل العرجه
الخفيفه مره واول ماراحت الشغاله كان يشتكي
من صداع و الم في ظهره ورجله بس ماكنت اعطيه
وجه مدري ليش كنت احسه يلعب ويكذب
كان طفل مافيه روح ابدا احسه ميت
لحد السنه اللي فاتت وكان عمره 6 سنوات(بعد ما راحت
بسنه ونص تقريبا) كان مااااااايتكلم بس كم كلمه وغامض
ومنطوي حتى ان المدرسه ماقبلوه يحسبونه مو صاحي
سافههم ولاكلمه مايرد عليهم
بعدها وديته لشيخ فالاردن يعالج بالطاقه و الحمد لله
خف مره وصار يمشي مايتعب زي اول وبدا يتحسن
تحسن ملحوظ لدرجة ان الاستاذ اللي ماقبله قال لزوجي انت متاكد انه نفس الطفل!ذكي ماشاء الله مره
درس معاهم مع انه مايعرف يتكلم ابدا كلها كم كلمه
اللي يعرفها بس وكنت متأكده انه بيعيد السنه بس انصدمت انه ماشاء الله متفوق مره الا في مادة القرآن

مدرس القرآن طلب زوجي وراح له يقول: ولدك شاطر وذكي بس بحصة القرآن يرفض يردد معنا و لاحظت انه يتثاوب كثير و يحط يدينه على اذنه يعني يسدها ما يبي يسمعهم وهم يرددون.. :(
و يعذبنا مايبي يحفظ قران وينسى الايات اللي حفظها مع اننا جايبين له مدرس قران يجيه فالبيت..
الغريب اني دايم اشغل سورة البقره في بيتي وعادي يسمع ما عمره صار له شي..

وفيوم من الأيام قال المدرس لزوجي اعرضه على
دكتور يمكن فيه مشكله بسيطه لان الولد مايعرف يتكلم ابدا و اثناء الحصة يجلس تحت الطاوله حركاته حركات طفل
ابو 3 سنين ونص وكلامه كلام طفل عمره 3 سنين او اربع :(
عرضناه على مركز متخصص و قالو يمكن توحد
او نوع من انواع التوحد حتى ان الدكتور شك مع ان الدكتور ممتاز و حولني على دكتور نفسي قال يمكن مشكلته نفسيه..
اعرضيه على هذا الدكتور وخليه يكتب تقرير عنه بعدين جيبيه لي..
بس المصيبه انه احتماعي ويحب الأطفال بس انه
اصغر من سنه بمرااااااحل..
انا احساسي كأم يقولي ان ولدي فيه شي مع ان اللي
حولي كلهم قالو يمكن لأنك عازلته معها يمكن تأثر فيها..
ويمكن ان فيه توحد فعلا.. ويمكن ان بس مشكلته لغويه..
اصدقهم فتره واستسلم ثم ارجع اتذكر لما كان صغير كان
غيييير مره كان طبيعي..بعدين ولدي الثاني انولد قبل
ماتروح بشهر والحين تفوقق عليه ...مهما علمت ولدي
الكبير احس فيه شي عاقد لسانه...

مره جيته متحمسه قبل ماينام و قريت عليه رقيا بسيطه
و تفاجئت انه صار يعلج لسانه ويعضضه كأنه ياكله (لما اقرا
عليه سورة الفلق)وخفت ما كملت وقلت لزوجي
قالي:انتي موسوسه وتتوهمين
لحد مايوم شغلت رقيا عامه اخذتها من هذا المنتدى اسمها
الصاعقه اتوقع وكانو عيالي يلعبون و فجأه سوى نفسه ميت زي الاطفال العاديين يعني نام وطلع لسانه وانا احسه صاحي يعني يمثل بس استغربت انه جلس كذا ساعه ونص اول شي طنشته
بس حاولنا انه يصحى طنشنا مره مدري هالحركه شي
نفسي والا ايش؟!!مع ان زوجي ضربه بس استمر وطنش!

بعدها وديناه لشيخ معروف وقرا عليه وانا احسه ولدي
متغير وشوي ويصيح بس استغربت ان الشيخ قال مافيه شي!!

ورجعنا وزوجي يقول: لاعاد تزعجيني وده لشيخ وده
لشيخ خلاص الولد مافيه شي الشيخ قرا عليه ولدنا
فيه حاله نفسيه!!




بعدها بردنا و طنشنا الموضوع مره لحد ماجا يوم من الايام
قلت ليش ما اقنعه يسمع الرقية يمكن فيه عين والقرآن خير
يمكن لو فيه مرض توحد او اي شي ثاني ربي بيشفيه..
وكان هالكلام في رمضان...
في 17 رمضان تقريبا
شغلت الرقيه العامه(الصاعقه)
وحطيت في اذانه السماعات وكان قبل موعد نومه بساعه
تقريبا اول ما قال بسم الله الرحمان الرحيم ناااااااااااام و استغرق
فالنوم بسرعه مره وجسمه مسترخي وهادي مره.
.كنت مطفيه الأنوار و جالسه عالنت وهو السماعات
في اذنه ومطنشه الموضوع ما شفته ولاركزت عليه
مره لحد مادخل علي زوجي فتح اللمبه وجلس يطالع فيني
ويسألني وش تسوين؟؟ليش الولد نايم على سريرنا؟؟قلت له:اني مشغله الرقيه و سمعها ونام على طول!!
عاد هو قرب من الولد وقالي شوفي رقبته!!
ونطالع الا فيه مثل العرق المنتفخ فيه زي النبض القوي
يرقى وينزل تحت اذنه!!وانا وزوجي مصدومين بس نقول
يمكن عرق عادي ينتفخ ونبرر مع اني احسه شي غريب لانه كان وااااضح مره وزي الكوره!!
بعد ماخلصت الرقيه ومدتها ساعه ونص تقريبا وديته
غرفته ونام لحد بكره وماقام الا متأخر يعني كان مرتاح فنومه

اليوم الثاني من الرقيه :ما ناام على طول بس الغريب
انه حاط السماعات وماقاوم ابدا مع الرقيه طويله مره
وطفل مثله طبيعي يتملل ويشيل السماعه!!بس كان
عااااااادي يسمع وجلس نص ساعه ثم نام بس مالاحظت
علي شي الصراحه ..حتى زوجي قال لي لو فيه شي ان
كان ماتحمل وجلس يسمع الرقيه كامله !!!

اليوم الثالث:
سمعها كااااااااااامله ولانام ابدا وكان متوتر وجاه مثل الأرق
مانام على طول هو العاده ينام بعد الفجر هالمره جلس
الى 7 الصباح وانا عدت الرقيه مره ثانيه سمعها مرتين
وانا جالسه جنبه لحد مانام ونمت شوي
جنبه وانا حاطه اذني على السماعه واسمع فجأه انا وياه
اهتزت أجسامنا مدري انا او هو بس انا حسيت فيه زلزال
في جسمي!! ولما شفته نايم شلت السماعات والاب
توب ورحت انام لما جت الساعه عشر ونص الصباح
او 11 تقريبا اسمع صوت التلفزيون معلي الصوت على
افلام كرتون ألقاه صاحي؟!!!!!!! قلت له:ليش صحيت
بدري حبيبي ؟!! قاللي: شفت وحش وانا نايم كبيييييير
و أسود مثل الذبانه يبغى يوطاني برجله!!

سألته في شي ثاني تبي تقوله؟؟قال:لا مافي شي!!
صلحت له فطور وفطر وكان نشيط و ما لاحظت عليه
انه تعبان او فيه شي..
رحت نمت وانا ناااسيه موضوع الرقيه مره ولاربطت بينهم ابدااااا

لحد ما جا في الليل انا وعيالي لحالنا بالبيت لأن زوجي راح لمكه يعتمر(في رمضان) ويدعي لولدنا ان الله يشفييييييييييييييييه
ولما جا وقت الرقيه مع اني ماقلت له شي بس قلت
يالله تعشا قال:
ما أبي وكان شكله خايف وحزين
قالي:ماما ابغى اقولك شي وكان مره متردد
قال: أنا ما أبي اسمع قرآن كثير و أنا خايف اليوم
ما أبغى أنام عشان ما أستفرغ!!اليوم الصباح أنا خفت لأني قمت و بطني يوجعني مرررررررره شوي وأموت ثم استفرغت
صابون كثيييييييير من فمي وسعااااااابيل كثيييييييييره!!!!
قلت:ليش ؟؟قال:عشانك تسمعيني قرآن كثير و
الحارس اللي فراسي مايحبون القرآن الكثير!!قلت
الحارس هذا حق ايش؟ قال:السحر

فيه في راسي حارس وملكه!! الملكه قالت للحارس
يحط في فمي صابون ثم ضحك بقوه وقال هم يضحكون عليك الحين!!
قلت:طيب اذا هم مايحبون القرآن انا بسمعك قرآن كل يوم لحد مايموت الحارس هذا!!
قال:الملكه عندها مية حارس ولو مات بتجيب واحد ثاني!!
قلت:كلام ربي أقوى منها ومن حراسها
صرخ بقوه فوجهي وشوي ويصيح:ربي واحد وضعيف وهم الف وأقوياء!
قلت:ربي واحد لكنه أقوى منهم ولو يجي ألف منهم كلام الله أقوى..
قال السحر في وسط الارض وحوله حراس كثير!!
وجلس يتكلم يقول ان الحارس والملكه يبون منه دم!!!
قالي:ما أدري من وين أجيب لهم دم حيوان!!! وقال انهم ما يحبون الأخضر يقصد السدر!!

(لاني كنت أغسله بالسدر لمدة شهر ونص يوميا
و تحسن مره ولاحظت انه انطلق حتى المدرسين لاحظوا انه متحسن(بعد السدر))

و قالي لما قلت اني باموتهم بكلام الله:والله يقطعونك يا ماما
وكلام كثير صدمني و أذهلني لانه يقول انهم في راسه من زمان وكانو طيبين بس لما صرت أسمعه الرقيه صارو شريرين وانه خايف منهم!!

وبعد هالكلام هديت الوضع لاني خفت وضاق صدري مره
ولاني لحالي مابغيت الوضع يتفاقم لاني ما ابي اعلم احد
مافيه الا انا وزوجي وامي يعرفون بس..غيرت الموضوع
وشلت الاكل و وديته لغرفتي و اول ماحطيت السماعه فاذنه جلس يضحك ويقول ان الملكه والحارس مارح يسمعون القرآن لانهم نزلو من راسه لرجله عشان ينامون وانهم مارح يسمعون!!
انا طنشت وسمعته بس هالمره قاوم غير عن المرات اللي قبل وانا غصبته و واقفه على راسه اول ما سمع القرآن بشوي جته شهقه قويه(فواق او حازوقه) مع انه ما اكل شي وجبتله مويه بعد شوي راحت و صار يضحك شوي غير عن العاده وانا على راسه اطالعه بس مطنشه.. وناااااااااام بعد جهد جهيد ولاحظت انه يتثاوب وهو مستغرق فالنوم و يطلع صوت يحك حلقه و مره اهتز جسمه بقوه مره وحده والمصيبه انه اثناء الرقيه ولاول مره تصير فالعماره اللي ساكنه فيها انقطع الكهرب!! موووو وقته ابدااااااا
هو نااااااايم مايدري وبما ان الاب توب مشحون فماوقفت الرقيه بس انا جتني رووووووووووعه وجبت ولدي الثاني وهو يصيح خايف وانا خاااايفه لان ظلمه و لا اشوف ولا شي ولاعندي شمعه....قلت:جو بيقطعوني بسم الله علينا :)..الصراحه خفت مدري وش ذا الصدفه اللي جت في وقت غير مناسب 7 دقايق و رجع الكهرب الحمدلله.....


انا بعدها جتني صدمه وكالعاده ابي ادور عذر هالمره مالقيت لان الولد مو ذكي لهالدرجه ولاعمره سمع كلام عن السحر وبريء مره مره
من وين جاب هالكلام!!!


ترا لي كم ساعه وأنا اكتب واتذكر ذكريات ما ابي اتذكرها
لأنها مؤلمه جداااااااااااااااااااااا بالنسبه لي حتى وانا اكتب جاني مغص واسهال من القولون العصبي
والسبب اللي خلاني اكتب كل هذا ابيكم تعرفون التفاصيل عشان ابي أحد يفيدني:ولدي فيه شي أو أنا وااااااااااهمه وموسوسه!!!!
واذا فيه شي تتوقعون سحر ا وايش الصابون اللي يقول طلع من فمه!! واللي تكلم معي هو أو الجني؟!! طيب اذا الجني هذا نفس صوت ولدي واسلوبه المعتاد بس كان مرتبك ومعصب !!!
الشيخ اللي قال ولدي مافيه شي شككني اني واهمه مع اني لما وريته فديو ولدي وهو يمثل علينا انه ميت لمدة ساعه ونص قال اول مره فحياتي اشوف شي مثل كذا!!
هل ولدي غريب الأطوار ومريض نفسي؟!!
افففففف والله اني تعبت ومخي بينفجر!!مدري وش اسوي..
ساعدوني باي شي فسرولي اية شيء تقدرون عليه
واذا ما عندكم جواب ادعولي ولولدي بالشفااااااااااااء العـــــــــــــاجل يارب