قصور الأفراح والزواجات سلبيات وايجابيات وأفكار

عزيزاتي
العضوات قريت في أحد المنتديات عن فكرة مشروع قصور الأفراح وخطر في بالي نشغل المخ شوي ونشوف رأي العضوات هنا
اتخيلوا معي إننا بنسوي لنا مشروع قصر أفراح ونسميه قصر أفراح عالم حواء (؟؟؟؟؟؟)
فإيش هو الشي الي تبغينه في هذا القصر

وهل فيه فرق بين قصور الأفراح في السعودية ومدنها وقصور الأفراح في دول آخرى؟؟

أنا بأبدأ وأقول :
نفسي القصر يكون باب الحريم كبير وفيه أكثر من حاجز لايكشف النساء وهي طالعة قدام الرجال الي تنتظر أهلها في الداخل
ويكون في جهة وباب الرجال في جهة بعيييدة عنهم ..

ويكون فيها مصلى يصلون فيه الحريم ويكون في علامة جهة القبلة لأنا مرتين نجي قصر ونسأل ولا حد يعرف القبلة..

وكذلك يكون من الداخل اتمنى يكون فيها منصتين منصة كبيرة للحريم وللعروسة
ومنصة صغيرة في الخلف للبنات الصغار يرقصون عليها طول اليوم مساكين كل ماجو حول المنصة اطردوهم الحارسات...

يلا نشوف رأي الي تبي تشارك بشيء أو قد شافت قصور الأفراح خارج السعودية تفيدنا أو شافت سلبيات في القصور أو الاستراحات

المكرفون لكم
.