قصيت شعري وهنا تكمن المشكلة

حبيبتي يقولون الحلبه تطول الشهر وزيت الجدايل من القرشي وهذا كلام البنات ومتأكدين .

بس كلام اختج طيوبة الإمارات انج تضعين يوميا أو يوم ورا يوم سدر وحلبه والطريقه كالتالي :
تحضرين الحلبه المطحونه وتغلينها وبعدين تحطين سدر مطحون في وعاء وتصبين عليه ماء الحلبه الي فورتيها وتخلطينه جيدا بعدها تحطينه على شعرج من الليل إلى الصبح يعني تنامين وانتي حاطه الخلطه والصبح تغسلينها انا لي الحين اسبوعين ونص استخدمها انا وبنتي بصراحه شعري باين عليه واااااايد صحي بس يعني ما طول وايد لاني بالبدايه وبنتي كانت شبه صلعاء والحمد لله طول شعرها شوي مب وايد وغلظ شوي الحمد لله بيبين مفعول الخلطه بعد شهرين او ثلاث شهور.


الشئ الثاني انا ما استخدمته لكني شفته بنت عمرها 5 سنوات شعرها قصير وخفيف بطبيعته امها تحط لها حلبه وزيت اي زيت عافيه ولا اي واحد مب مهم يوميا البنت شعرها طول في ظرف شهرين تقريبا شبر وشوي بصراحه شفتها بعيني واعرف شعرها قبل استعمالها للحلبه وبعد استعمال الحلبه بصراحه وايد تغير

والله يساعدج ويطول شعرج ويخليه رووووووعه ان شاء الله

حبيبتي الله يعوضك بشعر احلا بأذن الله
شوفي اجتنبي كل شي كيميائي لا صبغات ولا فرد ولا يحزنون
جيبي لك ثلاث علب قزاز مثل علب النسكافيه
حطي في وحده زيت جوز هند ومحلب مطحون
الثانيه حطي فيها زيت سمسم وفلفل اخضر مقطع
الثالثه حطي فيها زيت جوز هند وحبه سوداء مطحونه وحلبه مطحونه
( الحلبه غير المحلب)( زيت جوز الهند خذي الي صالح للاكل با القوطي ولا اذا تعرفي تسوي زيت جوز الهند في البيت يكون احسن لانه مفعول الطبيعي خيااااااال وحتى زيت السمسم خذي حق الاكل)
وداومي عليهم يوم وترك
واذكري الله لما تزيتي شعرك قولي(بسم الله الذي لايضر مع اسمه شي في الارض ولا في السماء وهو السميع العليم)
ولما تتسبحي استخدمي بلسم بانتين للشعر المصبوغ
با التوفيق يا الغاليه

اختي الكريمه ,,

نصف العلاج انك تريحين نفسيتك .. ماراح تشوفين شي زين وانت بهذي الحاله ..

كل شي حصل لك من البدايه فيه تذمر ولوم شديد .. خذي الموضوع بروح رياضيه ويمكن شعرك الحين بأفضل حال

ابدأي بتناول الفيتامينات , واهتمي بتدليك شعرك بزيت انت تفضلينه .. وعليك بتحصين نفسك بالأذكار اليوميه ( ونفسيتك راح تتحسن معاها )

الله معك

صح لسانك ويسلم بؤك يا غزول...
فعلا اول شي ريحـي نفسك ونفسيتك وخذي الموضوع ببساطه..وبعد هالشي حاولي قد ماتقدرين تهتمين بصحتك من خلال الغذاء المتكامل والمتوازن (والصحـــي)..وخذي لك من الصيدليه فيتامين خاص بتطويل الشعر وبتكثيفـه ..
باذن الله انه بيتحسـن ويكون افضـل ... لكن انتي عليك انك تشدين حيلك عـاد:) ..الله الله بالفواكه والخضار والسلطات وخففـي الشواهي والقهوات ووجبات برا وشوفـي النتيجـه:)
راح تطلعين قمـر :27:

مساءكم معطر بورود الخزامى لمحياكم احبتي
طيبوبة الامارات - غنوجة - غزال الحبارى -نــ الريـاض ـــور

ماتتصورون كيف ريحتوا نفسيتي ردودكم وكلاماتكم الرائعة
رزقكم الله كل خير وحقق كل امانيكم واسعدكم
راح اعمل بنصيحتكم
يالله احس نفسيتي غيرررر
احبكم :icon33:
دمتم بحفظ الباري