سل سيّاف الصفـا سيفـه ودقـه ثـم طـاح...
السلام عليكم ورحمة الله وبركاته ..
اخواني اخواتي ..
هذه قصيده قرأتها في أحد المنتديات الشعبيه تحكي معاناة انسان بسبب غلطه غير مقصوودة انتهت حياته ..
سلطان بن رباح كان له أخ لم تلده أمه أخ دين ودنيا.. هو محمد بن عقيل ..
كانت أُخوتهم على وضح النقا .. ومن زود ما يغلي سلطان.. محمد.. سمّى ولده البكر محمد على اسم خويه ..
كانوا يعشقووون الصيد .. وفي رحلة من رحلاتهم وفي فتره الظهيره ..
كان محمد يجهز الغداء وسلطان ينظف السلاح ومن غير قصد وبدون علم بوجود الطلقه في
مخزن السلاح إنطلقت الرصاصه لتسكن في قلب محمد وترديه صريعا.. ولم يكن عندهم أحد ..
وضع سلطان في السجن .. وبدأت المشايخ بالوفود على أهل محمد لكي يصفحوا عن سلطان
ولكن بدون فائده .. وصدر الحكم عليه بالقصاص ....
وبعد التنفيذ .. ومصادفة ً صار قبر سلطان في جنب قبر محمد ..
لا أطيل عليكم .. هذه القصيده بين ايديكم ..
.
.
.
يا فلاح الهـم خيّـم فـوق قلبـي يـا فـلاح
كيف تبغاني اسولف وانـت خابرنـي عليـل
ويش قولك في عليل ٍ في حياتـه مـا ستـراح
تنتثر دمعـة عيونـه لاظلـم الليـل الطويـل
حالته لا ما تباعد حـال ( سلطـان الربـاح )
بالخطا راحت حياتـه والخطـا مالـه مثيـل
كان ويّا صاحبـه اثنيـن فـي أرض ٍ بـراح
يطردون الصيد دايم من صبـح ليـن المقيـل
اجمعتهم صحبة الدنيـااا علـى جـد ومـزاح
ما يهابـون الليالـي والحمـول اللـي تميـل
ما قتل عامـد ولكـن ثـوّر ابليـس السـلاح
بالخطا ثار السـلاح ويـن يلقـى لـه دليـل
انعقد سجنه .. وربعـه تنتظـر فـك السـراح
والاكيد انه سجين وما رضـووا ربـع القتيـل
هل دمعـه يـوم صلّـى ركعتيـن فالصبـاح
في نهار الجمعه اللي مـن ثقيـل ٍ فـي ثقيـل
هلّل وكبّر .. ونفسـه تذكـر اللـي راح راح
كان في ربعه عزيز .. وذلّـه الوقـت الذليـل
(لا محمد لا تهانـي لا سعـود ولا صـلاح )
كلهم كانوا على بالـه وهمّـه فـي ( هديـل )
طفلة ٍ مـا كمّلـت عاميـن صايبهـا كسـاح
وانتثر دمعـه وحالـه مـن سبايبهـا نحيـل
حان تنفيذ القصاص .. وغطوا الراس بوشـاح
وجاك سيّافه يشيل السيف ابـو حـد ٍ صقيـل
ارتخى راسه .. وزاد الموقف الحامي صيـاح
بين نوح وبين دمع وبيـن صيحـات وعويـل
وارتفع صوت الحشود .. وزاده محمد وصـاح
يا يبه تكفـى دخيلـك تستمـع قـول الدخيـل
يا يبه وشلون نصبر كيـف نهجـع بارتيـاح
وانت من دنيااا عيالك ماخـذك مـر الرحيـل
يا محمد .. هاك علمي واحفظه قبـل المـراح
انتبـه لاخوانـك وبالـك عليهـم لا تعـيـل
والله الله .. فالصـلاة وفالصيـام وفالصـلاح
والله الله .. فـ( امكم ) والله لكم بعـدي كفيـل
غمّض عيونـه ونفسـه تطلـب الله السمـاح
رافـع ٍ سبابتـه .. ( مظلـوم ) والله الوكيـل
سل سيّاف الصفـا سيفـه ودقـه ثـم طـاح
راس (سلطان المراجل ) وانتثر دمـه يسيـل
غسلوه .. وكفنوه .. وفاح طيب السـدر فـاح
وبالمصادف صار قبره جنب قبر ( ابن العقيل )
يا فلاح .. الكارثه ما هي سوالـف يـا فـلاح
خلنـي ساكـت ودوّر غيـر هالقصـه بديـل
الشاعر/ جزاء البقمي
.
برتغالة حامضة @brtghal_hamd
عضوة فعالة
يلزم عليك تسجيل الدخول أولًا لكتابة تعليق.
الحـــ عيون ـــور
•
قصيده موثره
اجمعتهم صحبة الدنيـااا علـى جـد ومـزاح
ما يهابـون الليالـي والحمـول اللـي تميـل
ابدعتي يالغاليه ..
دائما يجذبني الشعر بقصصه ..
نعم الاختيار ..
ما يهابـون الليالـي والحمـول اللـي تميـل
ابدعتي يالغاليه ..
دائما يجذبني الشعر بقصصه ..
نعم الاختيار ..
الصفحة الأخيرة