قصيدة أم في أبنها العاق .

قصيدة مؤثرة من أم الي ولد عاق
________________________________________
قصيدة مؤثره
*يـا ليتنـي خدامـة بيـن اياديـك .. من شان أشوفك كل يوم برضايـا*

(ماعاش من يخليك خادمة يا يمه)

هذي قصيده مؤثرة لأم تشكي حالها بعد ان رماها ولدها (الله يهديه) للمصحة (دار العجزة) أو كما يقااال ( دار النسيان) والبيت أعلاه يبكي حتى القلب القاسي

اترككم مع القصيده

وين انت يا حمدان أمك تناديـك .. وراك مـا تسمـع شكايـا وندايـا

يا مسندي قلبي على الدوم يطريـك .. ما غبت عن عيني وطيفك سمايـا

هذي ثلاث سنين والعيـن تبكيـك .. ما شفت زولك زايـر يـا ضنايـا

تذكر حياتي يـوم أشيلك وأداريك . . وألاعبك دايـم وتمشـي ورايـا

ترقد على صوتي وحضني يدفيـك .. ما غيرك احدٍ ساكن فـي حشايـا

واليا مرضت اسهر بقربك وأداريك .. ما ذوق طعم النوم صبـح ومسايـا

ياما عطيتك من حنانـي وبعطيـك .. تكبـر وتكبـر بالأمـل يـا منايـا

لكن خسارة بعتني اليـوم وشفيـك .. وأخلصت للزوجة وانا لي شقايـا

انا ادري انها قاسيـه مـا تخليـك .. قالت عجـوزك مـا ابيهـا معايـا

خليتني وسط المصحة وأنا ارجيك .. هذا جزا المعروف وهـذا جزايـا

يـا ليتنـي خدامـة بيـن أياديك .. من شان اشوفك كل يوم برضايـا

مشكور يا ولدي وتشكر مساعيـك .. وادعـي لـك الله دايـم بالهدايـا

حمدان يا حمـدان امـك توصيـك .. أخاف من تلحق تشـوف الوصايـا

اوصيت دكتور المصحة بيعطيـك .. رسالتـي واحروفهـا مـن بكايـا

وان مت لا تبخل علـي بدعاويـك .. واطلب لي الغفران وهـذا رجايـا

وأمطر تراب القبر بدموع عينيـك .. ما عـاد ينفعـك النـدم والنعايـا




(حسبي الله ونعم الوكيــــــــــــــل)
الله يكون فعونها آميــــــــــــــــن