هذي قصيده مؤثرة لأم تشكي حالها بعد ان وداها ولدها (الله يهديه) للمصحه (دار العجزه) او كما يقااال ( دار النسيان)
وين انت يا حمدان امـك تناديـك
وراك ما تسمـع شكايـا وندايـا
يا مسندي قلبي على الدوم يطريك
ما غبت عن عيني وطيفك سمايـا
هذي ثلاث سنين والعيـن تبكيـك
ما شفت زولك زايـر يـا ضنايـا
تذكر حياتي يوم اشيلك واداريـك
والاعبـك دايـم وتمشـي ورايـا
ترقد على صوتي وحضني يدفيـك
ما غيرك احدٍ ساكن فـي حشايـا
واليا مرضت اسهر بقربك واداريك
ما ذوق طعم النوم صبح ومسايـا
ياما عطيتك من حنانـي وبعطيـك
تكبر وتكبـر بالأمـل يـا منايـا
لكن خساره بعتني اليوم وشفيـك
واخلصت للزوجه وانا لي شقايـا
انا ادري انها قاسيه مـا تخليـك
قالت عجوزك مـا ابيهـا معايـا
خليتني وسط المصحه وانا ارجيك
هذا جزا المعروف وهـذا جزايـا
يا ليتنـي خدامـة بيـن اياديـك
من شان اشوفك كل يوم برضايـا
مشكور يا ولدي وتشكر مساعيـك
وادعـي لـك الله دايـم بالهدايـا
حمدان يا حمدان امـك توصيـك
اخاف من تلحق تشوف الوصايـا
اوصيت دكتور المصحه بيعطيـك
رسالتـي واحروفهـا مـن بكايـا
وان مت لا تبخل علي بدعاويـك
واطلب لي الغفران وهـذا رجايـا
وامطر تراب القبر بدموع عينيـك
ما عـاد ينفعـك النـدم والنعايـا:44: عجبتني ونقلتها كل وحدة تقول كلمة عن امها تستاهل الغالية لونكتب دوواين مانوفيها يارب تخليلنا الصدر الحنون ويطول بااعمارهم ويعينا على برهم
انا راح ابدا احبك احبك حيل ياامي ياجعل الاه الي بصدرك تحفر بصدري انا الله يشفيك يالغالية :icon33:
ملاك الصمت00 @mlak_alsmt00
عضوة فعالة
قصيدة ابكتني فهل ستبيكم يالبى قلبك ياامي روحي فداااااك قولي كلمة وحدة تستاهل الغالية
0
2K
يلزم عليك تسجيل الدخول أولًا لكتابة تعليق.
خليك أول من تشارك برأيها 💁🏻♀️