وين حط النصرة في المنهج للثائرين
************
قالوله وين ماشي بينا؟
قاللهم وطني يبّينا
قالوله خلّي بننتظموا في صفوف وجيش
قاللهم لازم من الفزعة بلاها مايجيش
سيّب مستقبل يستنى
فكّر في النصر وفي الجنة
ورفع الراية بيسقيها يامسلمين
***************
قالوله راجي شوف أمك ماتبكيهاش
قاللهم أمي تبّيني ما نحشمهاش
قالوله أُوبيك متأمل
يبيك بجنبه وتكمّل
قاللهم بويا مربيني نحمي العرين
مش باش نقعدله مدّلع والوطن ينين
سيّب مستقبل يستنى
فكّر في النصر وفي الجنة
ورفع الراية بيسقيها يامسلمين
***************
قالوله المُجرم جاه دعم وبيولع نار
قاللهم في الجبهة دعمي بخوتي الثوار
كان عشنا نعيشوا في حرية
ولو متنا شهداء قضية
وين قدّم فازع بسلاحه ولعها نار
سال دمه ورسم طريقه للإنتصار
سيّب مستقبل يستنى
فكّر في النصر وفي الجنة
ورفع الراية بيحميها يامسلمين
***********
كلمات الشاعر: أحمد الرحال
