قصيدة الشيب .....مؤثرة

قصيده روعه

الشيب شفته في المرايه وصديت**ماكنت أصدق إن ذا الشيب فيه
أثر الزمن يطوي رحاله ووليت**وراحت سنين العمر وش هالبقيه
من بعد شفت الشيب في الرأس حنيت**حنيت لسنين توالت عليء
******************************
سنين ذقنا المر فيهاتجنيت**وياكم تكبدنا صنوف البنيه
وذقت الحلا في بعض منها وتهنيت**مرت عليء مر الصبح والعشيه
وسنين ياكم تهت فيها وتماديت**ما بين سب وظلم وإلا قفيه
وياكم تحملت المعاصي وجريت**جريتهاومثيل جرالمطيه
وسعيت في الدنيا وكم صبت وأخطيت**والي مضي عالناس يمضي عليه
*****************************
ودارت بي الدنيا ولا يوم ونيت**وقضيتها مابين شمس وفيه
يامرحبآ بالشيب من يوم حليت**تظهر على نفسي أمور خفيه
يالشيب ما خوفت قلبي ولا أحديت**إلا مواريد بتقبل جليه
أنت النذير الي على الباب طليت**ووصلت حد الباب وش عادليه
********************************
ماعادلي إلا التوبه إن كاني أزكيت**وسألت أنا المولى ورب البريه
وقلت توبي يانفس قبل ياليت**ماعاد ينفع ليت وقت المنيه
صومي وصلي ثم حجي إلى البيت**وروحي إلى طيبه ومسجد نبيه
وتزودي بالخيرمن بعد ماأشقيت**نفسآتعاندني ونفسآعطيه
وإن عشت يانفسي من الخير جّنيت**جّنيت لي مجنى الثمار الهنيه
*******************************
يا رب تغفرزلتي يوم زليت**وإنك تجنبني الزلل والخطيه
وعلى الرسول أزكى سلام وصليت**عداد ما هلت نزوم نشيه
**********************************
أرجو أن تنال أعجابكم

كنت اتمنى انى اضعها تسمعونها
لكن ما اعرف اضع مقطع صوتى

لانها مؤثرة فعلا