قصيدة ام لولدها بعد ماتركها بدار العجزه(دار النسيان)

قصيدة ام لولدها بعد ماتركها بدار العجزه


السلام عليكم ورحمة الله وبركاته
هذي قصيده أم بعد أن تركها ولدها للمصحه ( دار العجزه )
أو كما يقال ( دار النسيان )
وصحيح واكون معاكم صريح تضايقت كثير من هالقصيده وصج شي محزن لها
واتمنى كل منكم يشاهد القصيده يفكر بحال الأم وقت ما ذكرت هذي القصيده
أترككم مع القصيده

وين أنت يا حمدان أمـك تناديـك وراك مـا تسمـع شكايـا وندايـا

يا مسندي قلبي على الدوم يطريـك ما غبت عن عيني وطيفك سمايـا

هذي ثلاث سنين والعيـن تبكيـك ما شفت زولك زايـر يـا ضنايـا

تذكر حياتي يـوم أشيلـك وأداريك والأعبـك دايـم وتمشـي ورايـا

ترقد على صوتي وحضني يدفيـك ما غيرك أحدٍ ساكن فـي حشايـا

واليا مرضت أسهر بقربك وأداريك ما ذوق طعم النوم صبـح ومسايـا

ياما عطيتك من حنانـي وبعطيـك تكبـر وتكبـر بالأمـل يـا منايـا

لكن خساره بعتني اليـوم وشفيـك وأخلصت للزوجه وأنا لي شقايـا

أنا أدري إنها قاسيـه مـا تخليـك قالت عجـوزك مـا أبيهـا معايـا

خليتني وسط المصحه وأنا أرجيك هذا جزا المعروف وهـذا جزايـا

يـا ليتنـي خدامـة بيـن أياديـك من شان أشوفك كل يوم برضايـا

مشكور يا ولدي وتشكر مساعيـك وأدعـي لـك الله دايـم بالهدايـا

حمدان يا حمـدان أمـك توصيـك أخاف من تلحق تشـوف الوصايـا

أوصيت دكتور المصحه بيعطيـك رسالتـي وأحروفهـا مـن بكايـا

وإن مت لا تبخل علـي بدعاويـك وأطلب لي الغفران وهـذا رجايـا

وأمطر تراب القبر بدموع عينيـك ما عـاد ينفعـك النـدم والنعايـا

حسبي الله وحده ونعم الوكيل الله