بعد المحبه علامك مانت طايقني
وانا على خبرك أشواقي هي أشواقي
اسلوبك اليوم يقتلنــي ويحــرقـنــي
ســؤال ابسألك وين اسلوبك الراقي
حتى كلامك معي بلحيل مقلقني
والشك في داخلي ماعاد ينطاقي
ان كان قصدك تقول إرحل وفارقني
برحل ولكن مصير الحي متلاقي
وان كان قصدك تغلا وانت عاشقني
ابشـــرك ماتغير شــي بعمـــاقـــي
وان كنت تمزح ؟ أمانه معك روقني
تراي مكسور خاطر وانكسر ساقي
بس بصراحه من الآخر وصدقني
صدمتني واستراحت هقوة الهاقي
ياليتك تحس بحساس ٍ مضايقني
وياليت تقرى كلام ٍ داخل احداقي
حلمك منول في هالدنيا تحققني
واليوم في بحر غدرك ناوي اغراقي
والحظ الاقشر يوم إنه فيك علقني
خلاني دايم على شوفتك مشتاقي
علمتني كيف ( أحبك ) لاتوهقني
علمني ( أنسى ) ولا تستكثر الباقي
كنت احسب إنك اذا جيتك تعانقني
أثريك لا طايق ٍ شوفي ولا إعناقي
ملاك سدير @mlak_sdyr
كبيرة محررات
يلزم عليك تسجيل الدخول أولًا لكتابة تعليق.
الصفحة الأخيرة
بس ليش الاخيره !!
يعطيكي العافيه .