قصيدة بعنوان ( يا هيا ) وهي مجاراة لقصيدة سعد بن جدلان

حكم الفراق بيني وبين ( هيا ) وهي اعز جارة جاورتها ولم اقوى على وداعها من شدة حزني عليها فبعثت لي بقصيدة الشيخ سعد بن جدلان المشهورة ( كل دار إرجعت وأنا سناوي )
فكان مني أنا كتبت لها رد على نفس القافية وهي مجاراة للقصيدة المشهورة ،،،،،

أرجو منكم بداية قرائة القصيدة الاساسية التي بعثت لي وعلى اساسها تم الرد
💞💞💞💞
كل دارٍ ارجعت وانا سناوي &
عزتي للي سواتي عزتيله
زادت الحمى فرحنا للمداوي &
والمداوي زوّد الحمى مليله
ياجميلة قام يطوي الحال طاوي &
والله ان كبدي على شوفك غليله
ووالله ان قلبي على اللاما شفاوي &
غير مابيدي ولابيديك حيله
سجليني في علم حبك فداوي &
انا مجنونك بعد مجنون ليله
يامناة تنقصر عنها المناوي &
ياخيار الدهم يالقبّا الاصيلة
يارقبة الخشف ياعيون النداوي &
ياسراجيف الذلول المستحيله
نعنبوك انتي مكاسر عود جاوي &
ملبسك سندس وشربك سلسبيله
لوتمرين الشيوخ اهل الفتاوي &
عودوا مثلي يجرون الطويله
من عشق شرواك والا لايهاوي &
الترفع عن بعض الاشيا فضيله

💔💔💔
ردي بقصيدة ( ياهيا )
ياهيا تعجز حروفي والحكاوي
توصف الي لك بقلبي يا أصيلة ،،،
ماهقيت يداوي الفرقى مداوي
والله إن يتعب ولا يلقى سبيلة ،،،،
المحاجر يوم توديعك شقاوي
ليلتينن دمعها جاري هميلة ،،،،
ماخبرت إني لهذا الحد هاوي
لين شفت الروح بسبابك عليلة ،،،
ليتني على وداعك كنت قاوي
وإلا ضميتك لقلبي ياجميلة ،،،
ماعرفتك غير من خمسة سناوي
وكاني أعرفك من سنين طويلة ،،،،
بنت عز وطيب ومحسنة الجواري
وتكرمين الضيف ليلة بعد ليلة ،،،
ودي أستفتي أنا هل الفتاوي
وسأل الشورى بعد وأهل الفضيلة ،،،
هل يجوز إني أجرّ الصوت ساري ؟؟
وكيف قبلة صاحبٍ ضيّع دليلة ؟؟،،،
.





تم الإرسال بواسطة iPhone بإستخدام منتدى عالم حواء