احاسيس منسيه @ahasys_mnsyh
عضوة نشيطة
قصيدة بنت تطالع شاب في المطار ومانزلت عينها عليه
?قصيده عن بنت تطالع شاب وهو مع اصحابه في المطار ومانزّلت عينها منه وطلع الشاب شاعر
كملوها للآخر
- روعــــ‘ــ‘ــه -
يقول :
كل شبر بهآ الوسيعه ملك ربي تعلمين
واعلمي ان اللّي خلقني هو خلق لك هالعيون
لكن انتي من جلستي وانتي فيني تنآظرين
كن مآ به ناس غيري بهالكراسي يجلسون!!
لو سمحتي عاد اسمعي وحتى لو ماتسمحين
المهم اللّي باقوله تسمعينه ويسمعون
عالأقل ليآ ناظرتك سوي روحك تستحين
غظي طرفك مثل غيرك خوف ربعي يلمحون
الركاده عاده زينه والحيا في البنت زين
وفيك!!جازم لا ركاده ولا حياء يذكرون
تعرفيني؟!! أعرفك؟! ماأذكر إنّا ملتقين
لا أعرفك من تكوني ولا تعرفي من أكون
واطمئني كان قصدك ?بـس فيني تشبّهين
ماهو انا اللّي تعرفينه والبشر يتشابهون
مادريتي من التشابه يخلق الله أربعين
واعرف أربع يشبهنّك بس، والله يستحون
وكان قصدك شي ثاني؟عاد قولي وش تبين
خايف انّا نصير فرجه والّلي مااشتروا يتفرجون
واذا ببالك عاجبتني لا يوحشك ! تحلمين
صحّ ربعي من جمالك فيك صاروا يمدحون
بس وش الّلي في حلاتك دآم فيها ترخصين
حشمة البنت بحياها والكرامه يلفتون
ولو توفر فيك هذا مع حلاتك تبشرين
ماهو آنا 'ألف غيري باب بيتك يطقّون
وش علامك رغم كل اللّي أقوله تسكتين
مو طبيعي هالسكوت وهالبرود وهالسكون
انتي خرسا؟!!!! أسألك" والاّ منتي تسمعين
قالو ربعي ذي كفيفه قلت لا لا !!!تمزحون
لين شفتك يوم رحتي يمسكونك باليدين
مادريت إلا عيوني أربع أربع يذرفون
آآآه ياآآآآنه مشهد يوم شفتك ترحلين
جيت اشوف عيون ربعي لقيت الكل يدمعون
يالكفيفه يالعفيفه إن قلت آسف تقبلين ؟؟
يغفر الله ذنوب عبده ليآ خطا! وهل تغفرين؟؟
26
6K
يلزم عليك تسجيل الدخول أولًا لكتابة تعليق.
الصفحة الأخيرة
سبحان الله
البشر متعجلين بااحكامها ع بعض
يسلموا ياقمر