قصيدة حميدان التركي (سادس سنة يايمة)

قصيدة حميدان التركي في السجن ( يايمه ) وحاله في رمضان
ضع مؤلم جداً يعيشه ابن الوطن الأسير حميدان التركي

نسال الله في هذه الأيام المباركة أن يفك أسره ويعيده إلى

أهله ومحبيه في أحسن حال .. وأن يجعل ما ناله من أذى

وكرب تكفيراً وتمحيصاً ومقدمة لحياة سعيدة في الدنيا

والآخرة ..,
:44:


سادس سنه في ديرة الغرب مسجون سجن الغثى والبهذله والأذيه
سجانهم قلبه من الكره مشحون عنده حياتي او مماتي سويه
هذا رمضان اقبل وانا فيه محزون يارب هون مشكلاتي عليه
وسط السجن مابه معي من يصومون مسلم ... ومن حولي وجيه اجنبيه
دايم حزين وضايق الصدر مغبون مليت من جـــو السجن والأسيه
يمه ...كفايه وقت الافطار تبكون تبكون نايف ..مالكم مقدريه
ودي يايمه بينكم بس .... وشلون ؟ ودي بتمره من يدينك هنيه
يمه فطوري خالي من الطعم واللون مشتاق للمرقوق ... والمحلبيه
مشتاق للمسجد مع اللي يصلون أصلي الوقات صبح وعشيه
ودي معي ليلة القدر تدعون ينفك قيد اللي حياته شقيه
يالله يارحمـــن ياخالق الكون تغفر لعبدك كل ذنب وخطيه
وصيتي تكفون لامت مدفون في دار ابو متعب ديار الحميه