قصيدة أعجبتني حييل حيييل وحبيت تستمتعون بقراءتها معاي
البارحه وانا تذكّر طيفك بشاطي الغروب
خانتني الدمعة وطاحت وانفضح مدلولها
من بعدها أيقنت إن القلب في حبّك يذوب
وان الليالي ما تنسيني غلا مجمولها
وان قلت لك في يوم إني عن هواك أقدر أتوب
أعرف بأنّي ماني بصادق وانا أقولها!
حبّيت غيرك بس تكرم حب خدّاع وكذوب
والا انت حبّك مالي(ن) عرض السنين وطولها
عادتني الفرحه وحلوات الليالي والدروب
الين بيّحت الخوافي وانتثر هملولها
تعال/تكفى/طالبك/خلاص ملّيت الحروب
تعال شوف رماح غيرك بالضلوع فعولها
من رحت حتى اليوم خنتك مع ( 15 ) لعوب
أقلّهن اللي ليا حد الخصر مجدولها
البعض منهن ترفس النعمه ومبسمها شروب
وتقول للعقل يتنحّى لا لمح محصولها
والبعض منهن حسنها غطّى على حسن الشعوب
السائدة والبائدة يعني خيالي زولها
لكن(ن) والله حبهن اليا اجتمع كلّه يادوب
ماياصل لنقطه حبيبي يستحال وصولها
العمر يمضي وانت جالس ترتكب فيني ذنوب
والناس تسرح مع حبايبها وتمرح حولها
ان كان باقي لي بقلبك حب أرسل من ينوب
يبلّغ ضلوع(ن) تراجف كل ما طرّولها
البعد/ لان البعد دايم يختصر عمر القلوب
وانا حياتي سبّتك ضيّعت نص فصولها
متذوقة شعر @mtthok_shaar
عضوة جديدة
يلزم عليك تسجيل الدخول أولًا لكتابة تعليق.
الصفحة الأخيرة