((قصيدة الابله ساره. ورد محمد النمران عليها))
قصيده ابله شافت حبيبها
باول يوم دراسه العن خيرها شاعره
يانوره.. بالله اسمعي لا تصدين
يابنت حر ن مركزه بالصداره
شي جرالي قسم القلب قسمين
وابلا ملامه افهمي للعباره
باول دوام المدرسه يوم الاثنين
معلمه في وجه باب الاداره
وقفت باللجنه على سادس اثنين
مثل المجند ينتظر للاشاره
هذي تنادي وهذي ابله انا وين
زحمه وتو اليوم باول نهاره
اصوت لبنتين وبيدي بنتين
نوره،،مضاوي عايشه،، مي،، يارا
وسمعت صوت رجع الوقت لسنين
صوت الذي اسمه بنقش السواره
" اختي عن اذنج ناقل البنت هالحين
تفضلي الاوراق و الاستماره"
عجزت لا اجاوب ولا ارمش العين//
طول سكوتي وهو طال انتظاره
حسيت كن الدم مثل البراكين
شريان قلبي وصل حد انفجاره
ورفعت راسي وصارت العين بالعين
ولمحت في عينه سواة الشراره
هو،،هو والا واهمه يامسلمين
زوله ورفعة حاجبه مع سماره
لاماتغير فيه ياكود شيين
حف الشنب والشيب زاد بوقاره
اتلا علاقتنا ثلاثه وتسعين
باول حلاة العمر قبل انكساره
الشاهد الله ماحصل بيننا شين
ولا يخدش احساس بنت وعذارا
نعم الحبيب اللي الطيب والزين
ونعم الرفيق اللي حفظ حق جاره
ياوجه ابوي الوجه مرحب وسهلين
لا يابعد روح ومعاليق ساره
ودي المه وودي اصيح بس وين
مثل الكسير اللي نشب وسط غاره
مايستطيع المشي من دون رجلين
وحوله جنودتشتهر بالشطاره
ياللاسف هالحين صرنا غريبين
حكم القدر واصدر علينا قراره
الهم والغربال والفقد والبين
وانا اسيره تنتظر للزياره
ويلي علي لاماك ويلاه ياحسين
يامن يجمعنا واسوق البشاره
ساره!!! وسكت له لحظة كنها سنين
واقفا واشوفه يوم شب الزقاره!
عزاااه العشق اقشر
شوفو محمد النمران شُنـُـُﯙ رد 6ـْلًـّ? المدرسه اللي شافة حبيبها ({})
اعجبتني قصيدة الابله ساره وحطيت نفسي اني حسين اللي لقته بالمدرسه
هذا ردي على القصيده
يامرحبا ياغايتي يا هلا وين
يابنت عودن فيه طيب ونعاره
لايابعد كل البنات المزايين
يافرحت المظلوم يوم انتصاره
من يوم ماغبتي وانا ماني بزين
ضايق واحس القلب طال انتظاره
دايم على بالي وانتي تمرين
واقول يفدوها جميع العذاره
لو الليالي ترجع لعشرة سنين
ماكان شفتي الشيب زاد بوقاره
لامانسيتك من ثلاثه وتسعين
وشلون ابنسى حب واضح مساره
تدرين شاللي هزني بيوم الاثنين
واللي ذبح قلبي باول نهاره
زولك لمحته يوم كنتي تمشين
بين الصفوف اقبال باب الاداره
وفز الخفوق وقلت ياربي تعين
هي هي ولاهي شبيه لساره
جيتك وقلت ابنقل البنت هالحين
تفضلي الاوراق والاستماره
طول سكاتك والبلا العين بالعين
ضقت واحس بضغط مدري حراره
وخانتني الدمعه وطاحت من العين
كني طفل يبكي مضيع دياره
بحط بنتي عندك بسادس ثنين
عشان اكثر جيتي بزياره
واليا دخلتي الصف لازم تخشين
اسمي لانه مسجلن بسواره
وامانتك انك عليها تخافين
لحدن يضايقها بايت عباره
بصارحك في شي يمكن تحسين
ان الزمن اقفى علينا قطاره
انا سمعت ان اكبر عيالك حسين
وانتي أكيد انك سمعتي بساره
ممــــارااااااااق لي ,,,منقول
أسيرة زماني
:27:
أسيرةزماني @asyrzmany
عضوة نشيطة
يلزم عليك تسجيل الدخول أولًا لكتابة تعليق.
بنت الطأئفي
•
جميله بجمال اختيارك لها سلمت يداك
انا سمعت ان اكبر عيالك حسين
وانتي أكيد انك سمعتي بساره
كلماااااااااااااااااات اكثر من روووووووووعه سلمت يد كاتبها وناقلها
تقبلي مروري
ذ oOoOoق
وانتي أكيد انك سمعتي بساره
كلماااااااااااااااااات اكثر من روووووووووعه سلمت يد كاتبها وناقلها
تقبلي مروري
ذ oOoOoق
رووووووووووووووووووووووووووووووووووووووووووووووووووووووووووووعه
مشكوووووووووووووووووووووووره
مشكوووووووووووووووووووووووره
الصفحة الأخيرة