هذي قصيدة حزينة
لبنت تعبت من المجتمع ونظرته لها
وذبلت وهي توها صغيرة
واعتزلت التجمعات والافراح والمناسبات
بعد ما كانت جميلة وروحها حلوة وفرفوشة وجلستها حلوة
صارت ضايقة ولا تبي شي من الدنيا وكرهت كل الناس
ماتحضر اي مناسبة او تجمع حتى زواج الاقارب ماتحضر
وصارت بس اذا صار مناسبة تزين اختها الصغيرة
بكل ماعندها وتشوف نفسها في اختها الصغيرة
لانه العمر فات عنها وما عاد فيها فرصة
وماودها اختها تكون نفسها ودها كل الناس تخطب اختها
وفعلا بدوا الناس ينتبهون لأختها الصغيرة وانها بدت تصير بنت
ويلمحون بخطبتها
لكن البنت الكبيرة تتذكر حالها وكيف مضى عليها العمر
وكن ما عاد بها فايدة ولا امل
وتتخيل كيف اختها الصغيرة الي ربتها على يدها
بكرة تتزوج وهي تظل عانس
وتغير
ماتحسد اختها
لكن تصعب عليها حالها ونظرة المجتمع لها
وتتحسب على المجتمع الي نكرها وهي بنت وخلاها عانس وغير مرغوبة
وهذي القصيدة
جاوزت انا الخمسة وعشرين عام
واختي عمرها بس عشرة وعامين
ما قد خطبني حد "علامة استفهام"
كبرت كني ورد ذبل في زنازين
احلامي وانا صغيرة اليوم اوهام
دنياي قالت لي لازم تعانين
لا زوج لا طفلة لا بيت وودام
حرة وقلبي يئن مثل المساجين
كني عمارة وقف تجلد بالحزام
الروح صحرا ومن اول بساتين
اختي لحفلة عرس من دون اثام
بتروح صارت هي زين المزاين
زَيَّنْتها شعرن وجهن وهندام
مثل الورد حتى غاض المعادين
راحت وانا اذكر من عمري ايام
وسنين وابكي ليه يا سنين ما تجين
اختي احبها بس بكرة تب تنام
قريرة وانا ما نام وحالي يبي يشين
احب لها كل خير واغير ما دام
اشوفها تخطب وانا في زنازين
ماحد يراني بنت او عندي احلام
حسبي عليكم من خلقنا من الطين
ان شاء الله تكون عجبتكم
ادعولها ولي ولكل انسة في عالم حواء ان نتزوج
يلزم عليك تسجيل الدخول أولًا لكتابة تعليق.
$$شيهانة الخير$$
•
الله يرزقها ان شاء الله وكل بنات المسلمين
خمسه وعشرين سنه ماتسمى عانس
بالعكس عمر مناسب للزواج
واللي تترك الزواج لان عمرها تعدى الثلاثين والا اربعين اعتبرها خانعه وذليله وغبيه
ولا تعرف حقوقها ولا تعرف حتى كيف تعيش حياة طبيعيه
اعرف نساء تزوجن في سن الخمسين
اعرف نساء بدأن حفظ القرآن في سن الخمسين
اعرف نساء بدأن في التجاره في سن الخمسين
وين المشكله
بالعكس عمر مناسب للزواج
واللي تترك الزواج لان عمرها تعدى الثلاثين والا اربعين اعتبرها خانعه وذليله وغبيه
ولا تعرف حقوقها ولا تعرف حتى كيف تعيش حياة طبيعيه
اعرف نساء تزوجن في سن الخمسين
اعرف نساء بدأن حفظ القرآن في سن الخمسين
اعرف نساء بدأن في التجاره في سن الخمسين
وين المشكله
اختي الخامسه والعشرون ماتعتبر عانس بلعكس بنت في سن الورود لا تقولي كذا اختي الله يوفقها في كل خير ويسعد قلبها حبيبتي كرسي وقتك في القران من تلاوه وحفظ صدقيني بتشوفي الحياه حلوه انا اعرف واحده مطلقه ولا تنظر الحياه وناس مثلما تنظرين ليش ماكل الحياه زواج بلعكست هي فضت وقتها للقران الكريم تلاوه واعطت وقتها الكثير لله بل كل شي تفعله لله وانقلبت حياتها احلى من المتزوجات بفضل الله ثم القران اختي لا تنظري الحياه بتشاؤم الحياه احلى واحلى من هذه نظرات
الصفحة الأخيرة