بسم الله الرحمن الرحيم
وانا اتصفح في احد المواقع لقيت هذي القصيدة
كاتبها اسمه .......الغيثاني
اتمنى تعجبكم ...
يالله ياخالق اراضين وابحار
الواحد المعبود رازق عبيده
الخالق الغفار علام الاسرار
وفرق شعوب الارض في كل بيده
وابدي واسولف من عذيبات الاشعار
والمرجله والجاه فيهم عتيده
واذكر بني مره طويلين الاعمار
ما ينقد المري ولا له نقيده
يات شعر والمعاني وكيدهاشري وابيع واعرف كيف بختار
واختار من جزل البيوت الفريده
وذ كرتراث وعز وامجاد وافخار
قبائل تومن بدين وعقيده
وصلت حضارتنا على سطح الاقمار
ابنا الجزير والجزيره مجيده
في ظل حكام لهم فعل واشوار
ال السعود اللي تفك الضهيده
نسل الزعيم الحاكم العادل البار
مجدد امجاد الجزيره بجيده
حتى اصبحت حره وحنا له انصار
في ظل اخو نوره هنوف سعيده
وصارت لابو تركي بطوله وتذكار
والفخر والامجاد تبقى شهيده
وخلف لنا املوك لهم فعل واخبار
الشعب واحد والقياده رشيده
والامن بانينه على ساس وجدار
وقرو على العابث عقوبه شديده
وحنا حماة الدار من كل غدار
وما همنا بطشه وخبثه وكيده
قبائل مالحقناهم اوعار
وعشنا بهذي الدار عيشه رغيده
والحمد لله نحمده سر واجهار
شعب تكاتف من سنين مديده
ودون الوطن جيش على كل معبار
لارفرف البيرق ونادى عقيده
بشرق البلاد وغربها دوم حضار
وارض الشمال اللي نفوده مديده
وارض الجنوب اللي تخيضر بالاشجار
جزيرة فيها القبايل عديده
ارض بها قحطان وافين الاشبار
وياعز منهم بالشدايد بسيده
واذكر عتيبه يوم للطيب مغوار
لا ثارت الهيجا وقرب ضديده
وشمر هل الطولات والجود مقدار
اهل الكرم واهل الفعول الحميده
وقوم اعنزه مروين الاخصام الامرار
اولاد وايل من عصور عهيده
ومطير قوم تكرم الضيف لا زرار
وياويل خصم في حراهم وعيده
واذكر قبيلة حرب يانعم الاخيار
وتاريخهم يحكي سطور مجيده
وسبيع نعم القوم ووجيه الاسفار
زبن الدخيل ليا زبن من طريده
واذكر قبيلة يام والطيب يندار
اهل العلوم الوافيه والرشيده
ثم الدواسر تجعل الخصم منهار
عيال زايد عز منهم سنيده
ثم السهول اللي لها الطيب مدرار
وعن منهج العادات ماهي محيده
ثم الهواجر لابة تقدح النار
اهل الركاب اللي خطاها بعيده
واذكر بني خالد قبيلة وامار
قوم لهم في المجد قول ورصيده
وبني تميم اللي لها الطيب مصدار
بني تميم وكل فعل تجيده
ثم الزعوب اللي بها الخصم يحتار
شجعان ماترضى سوا iiماتريده
العازمي وافي وفي الطيب بيطار
روحه على كل المصاعب iiصميده
ثم الظفيري في المصاعيب iiجبار
والطيب والامداح باصله iiوطيده
ثم اذكر الاشراف بجلال واكبار
اهل الحجاز اللي تفك iiالزهيده
ثم الهذيلي له مواقف iiومندار
راعي الفخر راعي العلوم iiالسديده
ثم البقوم اللي لهم جيش iiوامهار
ريف الضيوف ليا لفاهم iiوليده
واذكر ثقيف اللي لهم مجد iiوآثار
ومهما حسبنا من كلام نعيده
وبلحارث اهل العز بشهود واقرار
الحارثي ياطيب فعله iiوجيده
والمالكي معروف لا صار ما iiصار
في موقف اهل الطيب يبذل iiجهيده
واثني تحياتي عدد وبل الامطار
على سليم وكل خصم iiتكيده
واذكر جهينه هل مواقيف iiوادوار
تلقى الجهيني راسم الطيب iiبيده
واذكر بلي والمجدله فعل واظهار
وتاريخهم يحكي فعول iiفريده
وبني عطيه في المواجيب iiحضار
قوم بوقت الجد قوم iiعنيده
ثم الحويطي والكرامه له iiاشعار
ثم الشراري له فعول مفيده
ثم الرشيدي في الصعيبات صبار
على علوم الطيب فعله iiيزيده
وباقي جنوب الدار والقاف iiمادار
باقي على قلبي كلام iiواشيده
زهران نعم القوم في وقت iiالاضرار
والخصم عينه من لقاها iiسهيده
والغامدي معروف له عزم iiواصرار
راعي المراجل والعلوم iiالمفيده
وشمران قوم والجمايل لها iiاطوار
وبلقرن سم للقلوب iiالنكيده
والاكلبي والمحلفي مابعد iiبار
والحارثي طيبه وفعله iiيشيده
وبني شهر وبني عمر سيف بتار
قوم على الاخصام نار iiوقيده
والاسمري والاحمري صيتهم iiسار
بين القبايل والمواقف iiشهيده
واذكر عسير الهول ذربين iiالاذكار
وابها احتموها فالسنين iiالشديده
وادهم والصيعر على حد iiالاقطار
يحمون حد الدار من اللي iiيريده
وامشي مع الساحل مع جمله iiافكار
رسمتها والطير زان iiاتغريده
وانزل على جيزان تاريخ واديار
ورجال فيفا والقبايل iiعديده
وارجوا العذر واهل المواجيب عذار
الي نسيته مانذكر في iiالقصيده
الواهبي عدد ابيوته iiبالادوار
من شاعر ماشل قلبه iiحقيده
شهران ربعي هم هل المدح iiوالكار
واهل الكند واهل السيوف iiالجديده
يوم البلد مايامن الزند iiلاثار
زيزومنا ابن مشيط نعم iiالوليده
فالجهل شجعان وفي السلم تجار
من بطن بيشه للتهم لارفيده
حبيت ابين موقفي بين شعار
وارجوا سموحتكم على ذا النشيده
ماحب انافق واتعنصر تعنصار
ولا ني باطيع اهل العقول البليده
ما كل من طب البحر قيل بحار
وما كل من شل الفشق جاب صيده
فالشعر بستان به ورد وازهار
واللي تعداها بيوته فقيده
واقولها في الشعر تكراروامرار
ضرف بلا عنوان يلغى بريده
وبعض السوالف له مواقف ومحضار
وشعر بلا معنى لزوم نبيده
وصلوا على المرسول شفاع الابرار
محمد الهادي وقدوة عبيده
انتظر ردكم ......
يلزم عليك تسجيل الدخول أولًا لكتابة تعليق.
#زمان* يافن#
•
تهبل بارك الله فيك وفي صاحب القصيدة
اروان 2007
تسلمين المهم انها اعجبتك :26:
الهدى26
اي والله معاك حق الله يكفينا شر القبلية :26:
اتوقع ان الباقين ما ردوا لانها طوييييييييييلة ....:eek:
تسلمين المهم انها اعجبتك :26:
الهدى26
اي والله معاك حق الله يكفينا شر القبلية :26:
اتوقع ان الباقين ما ردوا لانها طوييييييييييلة ....:eek:
الصفحة الأخيرة