قصيدة في دموع سلطان ابن المرحومة الدكتورة واستاذة النقد والبلاغة فوزية المطيري

قصيدة الشيخ / عزام المطيري في دوع ابنه الصغير وفقده لامه الدكتورة واستاذة النقد والبلاغة المرحومة فوزية المطيري





سلطان لاتبكي وانا ابكي واناديـك





انـا بعـد مثلـك فقـدت الفقيـده





تبكي على صدر يضمـك ويويـك





وتبكي على ذيك الليـال السعيـده





وتبكي على حضن حنون يدفيـك





يدفيك في عسر الليـال الشديـده





وتبكي عيون وين ماانته تراعيـك





وتبكي كفـوف ناعمـات فريـده





وتبكي على اصوات حنونه بأذانيك





فقدتهـا والله ماضـيـع عبـيـده





وربي عليم بكـل مابـي ومافيـك





ومصيبتك يأبوك ماهـي وحيـده





لاتشتكي لي ياحبيبـي واشاكيـك





شكواي بانت في بيوت القصيـده





وانا من الفرقـا بقلبـي دواكيـك





والقلب ماينسـى مـراده وعيـده





سلطان ياسلطان انا وين اوديـك





في كل ساعه لك مطالـب جديـده





وانته صغير ياحبيبي وانا اغليـك





لكن كيف اجيـب لـك ماتريـده





ان قلت ماما راح قلبـي شرابيـك





يهتـز قلبـي بالشجـون العنيـده





وان قلت بابا قلت حاضر واراعيك





خايف عليك من الحيـاة الزهيـده





خايف عليك من الزمن والتهاليـك





واخشي عليك امور واشيا عديـده





ان دمت لك يابـوك والله مخليـك





انتـه بقلبـي مثـل دم بـوريـده





انته خوي الجنب وانـا مخاويـك





وانته رفيقي في منامـي وسيـده





وان مت عنك الله وليك وراعيـك





والله يفعـل مايـشـاه ويـريـده





والقدر يمضي والليالـي مداريـك





وعسى العواقب ياحبيبـي حميـده





وإذا كبـرت الله يدلـك ويهديـك





والطيب في طاعات ربـي أكيـده





احرص على دينك ونفسك وأهاليك





وحياتنا والموت كسـرة جريـده





ويارب عفوك في الليال المحاليـك





ويالله لطفـك يالطيـف بعبـيـده






27/12/1430هـ

للامانه / ذكر المصدر عند النقل