قصيده مؤثرة لأم تشكي حالها
هذي قصيده مؤثرة لأم تشكي حالها بعد ان وداها ولدها (الله يهديه)
للمصحه (دار العجزه) او كما يقااال ( دار النسيان) والبيت أعلاه يبكي
حتى القلب القاسي
اترككم مع القصيده
>>وين انت يا حمدان امـك تناديـك .. وراك مـا تسمـع شكايـا وندايـا
>>يا مسندي قلبي على الدوم يطريـك .. ما غبت عن عيني وطيفك سمايـا
>>هذي ثلاث سنين والعيـن تبكيـك .. ما شفت زولك زايـر يـا ضنايـا
>>تذكر حياتي يـوم اشيلـك واداريك . . والاعبـك دايـم وتمشـي ورايـا
>>ترقد على صوتي وحضني يدفيـك .. ما غيرك احدٍ ساكن فـي حشايـا
>>واليا مرضت اسهر بقربك واداريك .. ما ذوق طعم النوم صبـح ومسايـا
>>ياما عطيتك من حنانـي وبعطيـك .. تكبـر وتكبـر بالأمـل يـا منايـا
>>لكن خساره بعتني اليـوم وشفيـك .. واخلصت للزوجه وانا لي شقايـا
>>انا ادري انها قاسيـه مـا تخليـك .. قالت عجـوزك مـا ابيهـا معايـا
>>خليتني وسط المصحه وانا ارجيك .. هذا جزا المعروف وهـذا جزايـا
>>يـا ليتنـي خدامـة بيـن اياديـك .. من شان اشوفك كل يوم برضايـا
>>مشكور يا ولدي وتشكر مساعيـك .. وادعـي لـك الله دايـم بالهدايـا
>>حمدان يا حمـدان امـك توصيـك .. اخاف من تلحق تشـوف الوصايـا
>>اوصيت دكتور المصحه بيعطيـك .. رسالتـي واحروفهـا مـن بكايـا
>>وان مت لا تبخل علـي بدعاويـك .. واطلب لي الغفران وهـذا رجايـا
>>وامطر تراب القبر بدموع عينيـك .. ما عـاد ينفعـك النـدم والنعايـا
دنيا تغير القلوب الابن البار والمطيع لوالديه يحاتي رضاهم عليه فكيف الابن العاق الناكر لهم
الله يقدرنا نرد لو شي بسيط من جمايلهم علينا ونفرح قلوبهم يارب
القصيدة منقولة
الام الخلوج @alam_alkhlog
عضوة نشيطة
يلزم عليك تسجيل الدخول أولًا لكتابة تعليق.
لا حول ولا قوة الا بالله .. اللهم لا تحرمنا من بر الوالدين واعنا على ذلك يارب العالمين .. الله يهديه .. جزا الوالدين الجنة انشالله .. الله يسامحه ويرجع لعقله ويرجع اميمته .. جزاج الله خير .. اختيلا حول ولا قوة الا بالله .. اللهم لا تحرمنا من بر الوالدين واعنا على ذلك يارب العالمين...
لاحول ولاقوة الا بالله
اللهم لاتحرمنا بر والدينا
والله يقدرنا على رد شئ بسيط ممافعلوه من اجلنا
اللهم لاتحرمنا بر والدينا
والله يقدرنا على رد شئ بسيط ممافعلوه من اجلنا
الصفحة الأخيرة
اللهم لا تحرمنا من بر الوالدين واعنا على ذلك يارب العالمين ..
الله يهديه .. جزا الوالدين الجنة انشالله ..
الله يسامحه ويرجع لعقله ويرجع اميمته ..
جزاج الله خير .. اختي