قصيدة من زوجة لزوجها حب ودلع

عندي شئ الحين مستعجل واذا لقيت بعدين ارسلت ثانية :
انا كلي غلا صادق وكل انسان يغليني
ابعطيه المحبة ما سألته وش بيعطيني
انا من حبني بقلبه احبه بكل ما فيني
اسميه نظر عيني وعلى كيفه يسميني

وبعدين اكتبي كلام من قلبك ولو بالعامية صدقين يطلع كلام حلو ويوصل للقلب بسرعه واستهبلي شوي عشان يحس انك خفيفة دم وعشان تصير الرسالة حية كل ما قراها

اذا ما اعجبتك قولي لي وادور لك ثانية انشاء الله

حتى ولو عندي احد يساويك لاشك تسوى كل حب وكرامة
ان زرتني مشتاق لي يا هلا فيك ان غبت مرخص شوفتي بالسلامة
ما دمت تحمل لي مودة فانا اغليك ويعطيك قلبي كل صادق غرامه

افراق وافراق
ما كلف الله نفس مالا تطيقه البعد والحرمان ما عاد ينطاق
ما كنت افكر في فراقك دقيقة لولا ان عقلي من سبات الهوى فاق
وشفت ان جمع الشمل ماله طريقه ولا صار لي قدرة على قهر الاشواق
تسر الليالي السود مثل الحريقه تحرق من ايام العمر خضر الاوراق
ونور الامل في الوصل يفقد بريقه ودايم وحنا بالاسم بس عشاق
سعود بن بندر

حبايبنا وش الدنيا بلاكم ملاه الشوق قلب ما سلاكم
يضيق به الفضا بعض الليالي الي دور نديم ولا لقاكم
حبايبنا ترى الفرقا صعيبة على مثلي مولع في هواكم
حبايبنا الى يوم اجتمعتوا ومر الذكر في سيرة لقاكم
فلا تقولون يمكنه نسانا حرام الظن فياللي ما نساكم
سعود بن بندر

سافر عسى ربي يحرسك وياقاك هذا البخت عزاه وش في يديني
يا شين باكر يا حبيبي بلياك لي جا وعدك اللي بوقته تجيني
لي قمت ادوج في مداهيل ما طاك يا ما جرى بشهار بينك وبيني
هذا وهو توك تطرى بممشاك وشلون لي قفيت يا نور عيني
يا شيب عينك يا هوى البال ما شقاك كانك مثل ما ابيك يا سمر تبيني
خالد الفيصل