تقول الله يطعني وانا اقول الله يسبـق بـي
جنوبي نثـر همـه علـى غيمـة جنوبيـه
أحس أني إذا قالت فديتـك ياعـرب ربـي
تراقص بي جبال ابها مع الريـح الشماليـه
ولا ادري ليه تسر ي بي هواجيس وتبعد بي
اذا قالت عسى مافيك يالغالـي يجـي فيـه
تباكرني فداياها وتمسي بـي وتصبـح بـي
واقوم ارقص مع نغماتها خطـوة عسيريـه
بيا انفداك بيا بي عنـك ياروحـي وياقلبـي
تعلقنـي علـى بوابـة الـروح البدائـيـه
خذت رقة بنات ابها وعطر الساحل الغربي
عسيرية جسد تزهى بلـون خـدود ورديـه
سوالفهـا تغنـي بشفايفهـا وتشعـف بـي
وتفتح داخلي شرفـة مناظرهـا الطبيعيـه
وكحل عيونها ليل علـى متنـه يسافربـي
ويبني داخل عيونـي لهـا تمثـال حريـه
تحوديني وتأخذني لـدرب ماهـو بدربـي
اصوليـة أدب وأخـلاق باستايـل حداثيـه
تغاغي لي تناغي لي تغني لي وترقص بـي
تذوقني حليب الصمت من ثغـر الشفافيـه
تعاقبني على ذنبـي وذنـب ماهـو بذنبـي
خطاوي راهبه تختال فـي ثـوب الأباحيـه
على ايديها شربت المر ياحلوه على قلبـي
قبيلية نسـب لكـن بـلا نزعـات عرقيـه
اذا غابت تغيبني عـن العالـم وتبعـد بـي
اذا ردت أحس اني ملكـت الأرض بيديـه
اداريها تزعلنـي وازعلهـا وترفـق بـي
وتلبسني وراها لين ترضـى الـف جنيـه
ثلاث سنين بي عنها تخافت بي وتجهر بـي
وتقول اخشى اجي والقاك ما تتحمل الجيـه
وهي ماشافت الي شفت والدنيا تصافق بـي
ولا حست ولا شافت ولا سمعـت بلاويـه
كثير أحيان تفلتني وبعض أحيان تمسك بـي
ألين أبديت سطوتهـا علـى قلبـي علانيـه
وجتني كما الطوفان يغرقني ويغـرق بـي
محت عني دروب سـود ودروب رماديـه
همى لاحساسها غيمي نمى بأنفاسها عشبـي
ركض لعيونها شعـري وسلمتـه طواعيـه
حبيت هالكلمات وعساكم تحبونها
__________________
</B>
منقول:26:
No0o0uf @no0o0uf
عضوة نشيطة
يلزم عليك تسجيل الدخول أولًا لكتابة تعليق.
مهاو القلب
•
الصفحة الأخيرة