في يوم ماطر في مدينه الرياض وصلتني رساله من احبابي بأن جوهم جميل ويتمنون وجودي معاهم وقد كنت اسكن بعيدة عنهم فهاضت مشاعري بأبيات احببت مشاركتكم بها ...وقد كنت فيها اخاطب قطره المطر ..
واهنيك في حياتك بالهنا يالقطره
واهنيك غيمتك غطت ديار احبابي **
واهنيك يومها تشيلك كفوفه العطره
ولاانثنى خده يلامس مايك المنسابي**
سافري عني وشيلي سلامن كثره
كثر دمع العين لا من حدر بأهدابي**
خلي الي بيني وبينه جبال القفره
ضيقتي عقبه كما ضيق الكفن بترابي**
اتخيل صورته وسط الليالي القمره
واتخيل ضحكته لامن ضحك بالنابي **
ابيات بسيطه واتمنى رأيكم فيها بصرااااحه ...
يلزم عليك تسجيل الدخول أولًا لكتابة تعليق.
الصفحة الأخيرة
واتخيل ضحكته لامن ضحك بالنابي **
ابدعتي وصح لسانتس قصيده عذبه .. وجتنا مع المطر :)