--------------------------------------------------------------------------------
السلام عليكم ورحمة الله وبركاته
--------------------------------------------------------------------------------
قصيده يرددها كل من في المستشفى
فهي قصيده على لسان سيدة وقورة ترقد احد المستشفيات منذ سنوات قصتها مبكية حيل
تقول هذه السيدة قبل سنوات جاء زوجي وطلب مني اروح معاه السوق وقالي اشتري اللي تبين وبأي سعر واشتريت افخم الثياب واجملها وجميع المستلزمات للبيت وغيره ورجعت للبيت مسرورة وفرحانه فجأة قالي زوجي كل هالاغراض مو لك هذي لزوجتي الجديدة وانتي الحين طالق ..بعد هالحادثة اصيبت الزوجة بجلطة وغيبوبه جلست في المستشفى ولا احد يزورها غير اخ لها زارها كم مره وبعدين بطل لما طالت المدة ولازالت موجودة في المستشفى والكل يعرفها وحافظ قصائدها وكلماتها ولما تسألها عن قصتها تبكي بحرقه وتردد قصائد توجع القلب لانها ولهانه حيل على اولادها ولا تدري عنهم شيء فالكل هجرها...
وهذي احد قصائدها تقول فيها:
تكفين يا طيور حرار افزعيلي
ابي عن اديار الاهل منك الاخبار
تكفين حومي فوقهم وارجعي لي
والا ان حصل لك حومة داخل الدار
تكفين حول ابيوتهم دوري لي
سبعة فروخ يوم اخليهم صغار
شوفي ضناي وعودي وانكفي لي
وشلونهم يا علهم صارو اكبار
نسيوادفاي ونومهم في شليلي
وش علمهم ياعلهم طول الاعمار
قولي لهم أن امكـم لها عويلي
خمسـة سنين دمعها دوم مدرار
وقولي لهم اني على طول ليلي
انوح وليا قرب الصبح انهــار
وقولي عيونها دايم لها هميلي
تبكي ليا شافت من الناس زوار
كل يوم اقول اغدي حديهم يجي لي
راحت سنين مابهم واحد زار
وانا اللي من سبة سوات الحليلي
حالي تردت كل مالها وتنهار
وفرقى ضناي اللي تردت بحيلي
كني على شوفتهم اصلى على نار
يا ويلي كان الله عجل رحيلي
وانا لي سنين ابي لوهي اخبار
ياعونة الله الله من يبي يتكي لي
جارت علي بامرالولي كل الاقدار
تنكروا من يدخلون الدخيلي
واللي بوسط ديارهم يامن الجار
قولي لهم ياطيور قلبي عليلي
الله يكافي قلوبهم صارت احجار
وانا اللي لبراق الخيال استخيلي
واقول ياعل (......) للامطار
.تكفين وسط ديارهم صوتي لي
شوفي عسى لسمي مع الناس تذكـار
وقولي لمن نسيانهم يستحيلي
يااللي نسيتوها ترى الوقت دوار
ياهيه ياللي بالسما لك هديلي
ردي خبر تكفين يكفيني امرار
شوفي اكااللي نومهم في شليلي
من اذان المغرب الى وقت الاسحار
شوفي اكااللي مااهتني في مقيلي
الا بمقيل معهم كبار و صغار
وقولي لهم ان كان حملي ثقيلي
مره يجون وعقبها شي ما صار
وانا يتـولاني كريم جليلي
يا علني في جنته وسط الابرار...........
نقلتها لكم لتذكر كل من قسى قلبه..كل من أ سهر عيون أمه..
ولعل فيها خير لنا جميعا..
اختكم:ام حسن
(ام حسن) @am_hsn_9
كبيرة محررات
يلزم عليك تسجيل الدخول أولًا لكتابة تعليق.
للاسف الشديد مجتمعنا اصبح قاسى القلب قصيدة المرا ة مووووووووثرة جدا وتبكي 000فيه وحدة من قرايبنا بنفس الحالة لكن تختلف القصة ان الحرمة جتها حالة نفسية وعايشة فى منزل شعبي في مكان شبة خالي كرهت الناس واستوحشت زوجها مطلقها بعد ماتزوج الثانية واخذ اولاادها وعددهم احدى عشر ولا يشوفونها الا في المناسبات فقط وهى ذحين عايشة على الاعانات والعالم ناسينها وحالتها والله تحزن بعد ماكانت شخصيه قويه القهر قتلها 00000 الله يعين على الدنيا وبلاويها
قصيدة المرأة جدا مؤثرة وأيضا قصيدة الرجل فهي عبرة لذوي القلوب الغافلة
أعاننا الله وإياكن على طاعته عزوجل
أعاننا الله وإياكن على طاعته عزوجل
الصفحة الأخيرة
جاني وأنا فــي وســط ربـعـي ونـاســي
جـانـي نشلـنـي مـثـل مــا يـنـشـل الـنــاس
****************************
مـنــي نــشــل روح تـشـيــل الـمـآســي
تشـكـي مــن أيام الشـقـى تشـكـي الياس
****************************
اثــر الألم فــي سـكـره الـمــوت قـاســي
ماهالـنـي مـثـلـه وأنا إنسان حســاس
****************************
جـابـوا كـفــن ابـيــض مـقـاسـه مـقـاسـي
ولـفـوا بــه الجـسـم المحـنـط مــع الـــراس
****************************
وشـالـونـي أربع بـالـنـعـش ومـتـواســي
علـيـه ومـغـطـى عـلــى جـسـمـي الـبــاس
****************************
وصـلــوا عـلــي وكـلـهـم فـــي مـآســي
ربـعـي ومعـهـم نــاس مــن كــل الأجناس
***************************
يـاكـيـف ســـوا عقـبـنـا تـــاج راســــي
وامــي الحبيـبـه وش ســوى بـهــا الـيــاس
***************************
اسـمـع صــدى صـــوت يـهــز الـرواســي
قـولــوا لـهــا لاتـلـطـم الـخــد يــانــاس
**************************
قـولـوا لـهـا حــــق وتـجـرعــت كــاســي
لاتـحـتـرق كـــل يـبــي يـجــرع الـكــاس
*************************
أصبحت فـــي قـبــري ولابـــه مـواســي
واسـمـع قـريــع نعـولـهـم يـــوم تـنــداس
**************************
مــن يــوم قـفـوا حـــل مـوثــق لـبـاسـي
وعـلــى رد الـــروح صـــوت بالأجراس
*************************
هـيـكـل غـريــب وقـــال لـيــه التـنـاسـي
صـوتـه رهـيـب وخـلـفـه اثـنـيـن حــراس :30:
**************************
وقــف وقـــال ان كـنــت يـانـمـر نـاســي
هـــاذي هـــي اعـمـالـك تـقــدم بـكــراس
**************************
ومــن هــول ماشفـتـه وقــف شـعـر راســي
وانــهــارت أعصابي ولا أرد الانــفـــاس
**************************
يالـيـتـنـي فــكــرت قــبــل انـغـمـاســي
بالـغـفـلـه الــلــي منـتـهـاهـا للإفلاس
**************************
وفـزيـت مــن نـومـي عـلـى صــوت نـاسـي
واصــرخ أقول الـمـوت وأحـــذر الـنــاس
*************************
توفي قائل القصيده بعدها بيوميـن فـي حـادث مروري