من منطلق الدفاع عن الرسول صلى الله عليه وسلم أبدع الشاعر في هذه القصيده
وحبيت أنقلها لكم والحكم لذائقتكم الشعريه
للشاعر: عبدالله سالم الضبعان
استفيضي يالقريحه وانفضي عنْك الهوان
انزفي مادامـت طعونـك جراحـه ثايـره
ايه هاتي من لهاتي مايجود ابـه اللسـان
دون من ياقف شفيعٍ يوم هـول الآخـره
والله انّا يامُحمد نِرخـص العمـر ونبـان
حـزةٍ فيهـا لذيـذ العمـر كـلٍ ذاخـره
الف صلى الله وسلـم والشهـاده بالبنـان
أنك المبعـوث فينـا رحمـةً .. نناصـره
ياأحب الناس حتى من مرضّعْـت الحنـان
لك هنا بين الضلوع العوج عيـنٍ فايـره
عزتك ماهي على هرجٍ يسطْـره البيـان
الله اللـي عـزّك وحنّـا جنـودٍ ساهـره
وش علينا ياخطاريف المجنّـن والجنـان
ماعلى المؤمن مهانه دام سيفـه شاهـره
العداوه من قديمٍ من طمـانٍ فـي طمـان
والشواهد بيحوها فـي رسـومٍ ساخـره
كانها بمـزارق ارواحٍ فـلا فينـا جبـان
والله انّا نصطلي والنّـار شبّـت ساعـره
يا أبا القاسم علينا لك عهودٍ لـك تصـان
يمهل الله والحروب الدايـره هـي دايره
سيفنا البتّـار قـوّ ايماننـا بالله وامَـان
والله اكبر غيرتـك فلـت لهـا ظفايـره
(يا أخا الإسلام قُم فإن الوقتَ فيه حـان)
وقّف على نفسك رقيب عن اليهود وتاجره
الله ولا ذلٍ نعيشـه والمصايب..امتحـان
كِسرة رغيف ولا مهونه في عروقي سايره
لا ولن يرضون عنْـا بالعقيـده والقـران
يالله انـك تبتليهـم بالعصـوف الدامـره
يالله انك بالزلازل من تَحَتْهَـم.. لاهـوان
أنزل انواع العذاب الساطيـه.. والجايـره
ورّنا فيهم عجايب قدرتـك ياجـل شـان
لك إلهـي واتضـرّع بالخفـا واجاهـره
والختام ازكى صلاة معطره لاطهر جَنَـان
خير من ناخت ذلوله يـوم ربـي يامـره
الله اللي من مكانـه سيّـره الـى مكـان
شيـدوا فيـه الهِدايـه واعتلـت منايـره
العليااا @alaalyaaa_1
عضوة جديدة
يلزم عليك تسجيل الدخول أولًا لكتابة تعليق.
الصفحة الأخيرة
صح لسان شاعرها وبارك الله فيه
والف شكر لك عزيزتي