نجبتلـي قافـن نضيفـن محـنـا
يركي على كبـد المعـادي غلايـل
نضرب علـى الكايـد وفكرالمونـا
اللـي يـدوّر كسرنـا والخمايـل
يوم احتمى الميقـاف حنـا وحنـا
حنا المهـار المترفـات الاصايـل
مبطي وجـزل الشعـر منـا يغنـا
وإنشد هل التاريـخ تلقـا الدلايـل
وانطلّـع المكنـون لامـن شحنـا
ولانلتفت في قـول نذلـن وقايـل
ولاّ السنافـي عـزنـا ماخذلـنـا
يقول صح االسان بنـت الحمايـل
يومن قديم الوقـت نتبـع ضعنـا
جـل الجـروم مبهـلات الشمايـل
والضيف يلقا عزتـه فـي وطنـا
لامن حداه الجوع والوقـت مايـل
على الشرف والطيب من طيب اهلنا
بنـات بـدو منومسيـن الفعايـل
ونهيجن القيفـان مـن كـل فنـا
ونمدح قرومـن كاسبيـن النفايـل
واليوم زان الوقـت بالزيـن زنـا
مـع الادب نبـدع جديـد المثايـل
وعلى سلوم اجدودنا فـي عملنـا
حنـا تربينـا بزيـن الفضـايـل
بنـات حـوا متعـبـات المعـنـا
اللي خذن الطيب قـول وصمايـل
لمعة الماسه 2008 @lmaa_almash_2008
محررة ماسية
يلزم عليك تسجيل الدخول أولًا لكتابة تعليق.
الصفحة الأخيرة
الله يعطيك العافية :)