قصيده ( لقـــا ) الرائعه....

حبيت اليوم أنقل قصيدة رائعه لشاعرة أروع.....
وهي الشاعرة داريـــن
اذا ماكنتو تعرفونها فأنتوا خسرتوا الكثير ولكن....


بما أني موجودة لا تخافون راح أجيب قصيده قصيدة

لعيونك:26: :26: م... بس اذا شفت تجاوب .... وأخليكم مع القصيده


ا ( لقـــا )

رحل
من ايامي رحل..من احلامي رحل
من كل لحظه .. زارني فيها الامل
غابت الشمس بحياتي *****ولاحت بدنياي الغيوم
ملبده بكل ذكرياتي ***** معطره بكل الهموم
ومجدده فيني الالم
واصبحت انا ناي حزين
يعزف تقاسيم النغم
ويوم انا بوسط الشجن
وسط الالم..وسط الحزن
و وسط الغيوم الشاحبه ***** هلت علي غيمه مطر
خلّي سأل عن صاحبه ***** وجاني من الغالي خبر

بعث لي بحروف مكتوبه ***** والسر قريته بعنوانه
هو هو ماتغير اسلوبه *****اللي بقلبه على لسانه
يقول باعلى الرساله
بكره بجي
وعند المغيب
أ نتي يا شمسي اشرقي
هذا آمر وامري مطاع ***** و باختصار لازم تجين
لاتقولي من شين الطباع ****بكره تعالي وتعرفين

وعذرك ترا مرفوض ***** والتأخير له عقاب
يعني لو حتى دقيقه *****عندي تحقيق وحساب

وجيت .. وحالتي حاله
لقيته قبلي ينتظر
و توقعت انه يعتذر
عن اسلوب الرساله
بس النتيجه غير
بدا بمساء الخير
وبعدها هل الكلام من الحناجر
سيوف .. تبتر الصمت و خناجر
قال انا..من كم سنه *****كنت جاهل بالغرام
ويوم شفتك يا انا *****اصبحت عاشق مايلام
شوفي يابنت الناس *****ترا غيابك غير احوالي
حبي لكي باحساس *****صادق ومجنون و مثالي
وفوق هذا كله
حبي والله ما امله
محارب بميدان عشق ***** ورافع لي الرايه
لي خبرتن في هالمجال*****والسبب علم ودرايه
صرت انا القايد***** وصرت انا البحار
وانتي وسط هالحب ***** دانه وسط محار
انتهى عندي الحكي
وماودي ابكي واشتكي
وماعندي الا كلمتين *****وغصب عليكي بتسمعيني
اختاري مابين الثنين*****اما تحبيني واما تحبيني
والحين وش قلتي .. ها اشوفك سكتي
تكلمي... واتركي عنك الدلع
تكلمي..الصمت من سكوتك شبع
وضحكت وابتسمت وارخيت الهدب
وبدون ماادري اعترفت اني احب
وهو يصارخ من فرحته
يقول تحبيني ؟؟؟
ايه تحبيني
وتوديني
والله اني كنت ادري
انك نصيبي وانتي قدري
وانك ليلى وانا المجنون
وانك ورده و بك مفتون
وانك بدر هالكون وسناه
وانك افق من ياصل مداه
كنت ادري انك ...... وفجأه سكت
ابحر بعيني اللي من فراقه بكت
وبكلمه جمع كل الحروف***** ولا تعلثم و لا تلبك
قالها ومن غير خوف ***** قال انا والله ( احبك ) )