هذي قصيدة على لسان انسان لقيط
ذاق مررارة العذاب والظلم
وذاق مرارة تحمل ذنب ماهو بمسؤول عنه
الله يكفينا الشر يا رب
اتمنى تعجبكم وتحوز على رضاكم
.:.
يا بوي الله لا يسامحـك وش سويـت فينـي
فعـلـت فعلـتـك وخليتـنـي لـوحـدي أعـانـي
يا بوي والله لو بيدي لأذبحـك قـدام عينـي
وأضحـك عـلـى مـوتـك وأعــزف ألحـانـي
يا بوي كيف أنت عايـش حياتـك وناسينـي
الله يحرمـك السعـادة ويجـازيـك بأحـزانـي
يا بوي وينك عني ماتجي لحظـة وتلاقينـي
وتشوف الجريمة بعينك وتشوف ما جانـي
يا بوي أدري أنـك ذليـل ولا يمكـن تجينـي
وأدري أنـــك خـسـيـس الـطـبـع شــرانــي
يا بوي بأدعي عليك طول ماربـي محيينـي
وأدعــي علـيـك كــل مــا وقتـنـي أبـكـانـي
وأنت يـا يمـه نفسـي أقطـع إيديـك بيدينـي
وأذوقــك مــن الـعـذاب أشـكــال وألـوانــي
الله لا يوفقـك يمـه لأنـك بلحظـة رميتيـنـي
وتركتي غيرك من الناس يربيني ويرعاني
ويـن قلبـك يـوم كنـت فـي بطنـك تحملينـي
وأنـتِ قـرارك موتـي بــس ربــي أحيـانـي
ليه يمه تغطيـن فعلـك بالجريمـة وتركتينـي
بعيد عن حضنك الدافي والسعادة والحناني
الله يحرمك الخيـر مثـل مـا أنـتِ حرمتينـي
ويحرمـك الضنـا والـفـرح طــول الزمـانـي
يـا بـوي نسيتنـي وأنـتِ يـا يمـه نسيتينـي
بـس يـوم القيامـة ربـي مــا راح ينسـانـي
وأنت ياإنسان ليـه بذنـب غيـري تجازينـي
وأصير في نظـرك منبـوذ وأسـوء إنسانـي
أنــا وش سـويـت لأجـــل أنـــك تجافـيـنـي
مـا يكفـي أن الزمـان بمـر الأيـام أشقـانـي
تبغى تكـون ضـدي أنـت وأيامـي وسنينـي
وتبغـى تزيـد علـي الألــم وتـزيـد أحـزانـي
وأنتو يا نـاس والله ماجـرى فينـي يكفينـي
أنـا الإسـلام دينـي ومنهجـي شـرع ربانـي
أنـا يـا نـاس منكـم وفيكـم ربــي مسويـنـي
تكفون لا تبعدوني عنكم فياخذنـي شيطانـي
إذا مـا وقفتـو معـي إبلـيـس والله يغويـنـي
ويـا خذنـي معـه للـشـر وأصـيـر عـدوانـي
أنارضيـت بالمقـدر ولـو مـاكـان يرضيـنـي
لأن الرضا بالمقدر والمكتوب شرط إيماني
أنـا ضحيـة مجتمـع وذنبـي علـى والديـنـي
بسببهـم صـرت مكـروه وشخـص وحدانـي
.:.
حسبي الله ونعم الوكيل..
.:.
